مُنقذي ومُعذبي

بارت 1

بسم الله الرحمن الرحيم 💗💗
رواية مُنقذي ومُعذبي
بقلم : أران عقيل
قَناة التلي @Arran0

‏"أدركت أنني شخص قوي حينما صبرت على أمرٍ ما، في كل يوم وفي كل ليلة كان يبتر جزءً من روحي."

––––––––————————————

عـَم الهدوء بلمكان وضلينا وحده تباوع للثانية بنضرات رعب وخوف

فيروز : ي ي يعني هسه ص ص صدك صرنا قاتلات !

فاطمة : كله بسببي كله من ورااااي

: فاطمة سجى خلاص اهدن لازم نصير قويات هذا دفاع عن النفس احنه مسوينه شي عمداً

سجى : كلبي حيوكف شنكول الهم شنكول صرنا مجرماااتت !

فاطمة : لازم نتصل عليهممم لازم يجون شرطة هذا دفاع عن النفس هذاا حقنا

: ومنو حيصدك بيجن مثلاً ؟ محد محدد حندخل للسجن ونكضي حياتنه بي هذا التردنه؟؟

جريت نفس ومسحت دموعي وكلت
: لازم ندفن الجثه بدون ميعرف احد ...

سجى : ح ي ي يغمى عليه م ماكدر اكوف ع ر رجلي بعد خلي ن نتصل ونخلص فدوه

: لهنا وبس خلينا نروح نسلم روحنه اول وتالي حنتعذب ..

فجأة سمعنا صوت وحسينا اكو شخص ديراقبنه
ركضنا ع الباب حتى نشرد من البيت
والصدمة من شفنا.....

------------------
قبل 6 أشهر

فيروز: صبااحو ماميي

هيام:ها شتردين شعدج

- اوفف ماما ماشتاقيتيلي صارلج اسبوعين مشايفتنيي هاهيه مدامم هيج بعد حضل بكربلاء

- نجبي ولج اشاقة وياج يروحي

- خوش خوش يلا اني رايحه اصعد كام وي البنات

- ادري متشبعن من بعضجن انتن!

- ههههه لا مستحيل

صعدت لغرفتي وفتحت الموبايل وشفت جايتني رسالة
✉️: اتصلي عليه محتاج نحجي شويه

-.شكو شتريد مو كتلك لتخابرنيي بعد شنو شلزكت انت

محمود : مو كافي تحجين وياي هيج يعني ميصير الواحد يشتاقلج؟

-باوع ولخلقك انطيك بلوك وبعد تحلم تحاجيني عوفني محترمتك كافي حرام عليك

- صوج الحيوان اليشتاقلج
كال هيج وسده ... احس كلبي مبي يتعب اكثر سنين احبه وجازاني بلاهمال والمشاكل شيريد بعد مادري

--------
- سجىى كعدي بابا يريدج كومي وللج ولج كعديي

- وسمم نچلبتيي شبيج كولي وادم نايمه تعبانه

- كافي صارت دنيا الظهر ترا

- اوكيي ولي نازله اصلي الصبح نسيتها هفف