مُنقذي ومُعذبي

بارت 24

بسم الله الرحمن الرحيم 💗💗
قَناة التلي @Arran0

انتي يا چَرة گحل بعيون حلوه
والروح گهوة
و انتي يا لفَة الشيلة ..
بمستحة وضحكة عجيز
لون شايبها يگلها بيوم فدوه .
-----------------------------------------

امدده و اباوع ع السگف التفكير اكلني اكل بطلت اميز الصح من الغلط افكر بالي صار البارحة گلبي يدك سريع
نفتحت الباب شهگت..

- اسم الله يمه شبيج

- ها مبيه بس نزيت

- فيروز ،، كرت عينچ حبيبتي راح يطلعون فطومة

- صدك الحمد لله

- شبيج شو مفرحتي

ابتسمت - بالعكس كلش فرحانه بس ايهم كلي هيج شي ف جنت متامله الحمد لله

من نضراتها مبين شكت بيه شي - روحي وي امها اخذوها سوه خطية

هزيت براسي ( اي ) وكمت طلعت امي سديت الباب وراها وبدلت ملابسي ولبست شالي وطلعت رحت لبيت ام فاطمة
دكيت الباب فتحتها بسرعه

بس شافتني حضنتني وضلت تبچي

- يروحي ليش تبچين

- دموع الفرح يوم

مسحت دموعها وبست راسها
وحجيت بنبرة مطمئنه - كلشي انتهى لتخافين خاله

- بنيتي اهم من روحي يمه اموت ولا اشوفها متأذيه

- اسم الله عليج حبيبتي هاهيه فدوه مسحي دموعج
ويلا خلي نروحلها
سمعت صوت هورن
- يمكن أيهم خلي اشوف

طلعت شفته هوَ صحتلها وصعدنا

أيهم: شلونج خاله

ام فاطمة: الحمد لله بخير وليدي انت بفضل الله وبفضلك فطومه راح ترجعلي

أيهم: ماسويت شي خاله لو بيدي اسوي اكثر بس هذا البيدي

ام فاطمة: ماقصرت

ابتسم وسكت شوي وحجه - ان شاء الله اني ناذر اذا فاطمة تطلع سلامات اذبح خروف

ضحكت - ولله هنيالها فطم يابه شتريد بعد

باوع ايهم الخاله ودنك راسه وكال بخجل - لو بيدي عيوني انطيها ...

الطريق كله الفرح مالينه حتى مافكرت بمحمود وبكلامه بالي كله خليته يم فاطمة وصلنا وايهم كال النا ننتضر يجيبها ويجي
نزلنا اني وامها واكفين يم السياره ننتضرهم اتأخرو ياله طلعو

شفت فاطمة كبالي حسيت مي بارد نزل ع گلبي
اخيراً خلصنا من هلسالفه اخيراً رجعتلنا فاطمة ورجعت لحضن امها الي اتعذبت بكم يوم بدون فاطمة

.................
فاطمة:-

طلعنا من المركز اني وايهم وشفت امي وفيروز كبالي
من شفت امي مدري شصار بيه بس اريد احضنها واشمها كلشي ماريد بعد
رحت ركضت عليها وحضنتها