مُنقذي ومُعذبي

بارت 17

بسم الله الرحمن الرحيم 💗💗
قَناة التلي @Arran0

وتسألني..تعشقني
تخيل أنها تسأل
بربك كيف أسمعها
ألا من نفسها تخجل
ألم تقرأ بأشعاري
بأني قتيلها الأول؟
وأني دون عينيها
ضياع ضائع أعزل
ألم تلمح بكف الشمس
مكتوبا لها مرسل؟
ألم تلمح بعرض البحر
ديواناً بها منزل؟
يغازلها بلون السحر
يرسم وجهها الأجمل
ويغمرها بعطر الضوء
يسكرها..ألم تثمل
||||||||||||||||
الماضي :

عاصف:-
اتأخر الوقت وقررت ابقه بالنجف ف حجزت بفندق

صعدت للغرفة وغسلت وبدلت ملابسي ووصيت ع اكل
وصل الاكل وجنت ميت جوع ونعس
اكلت ع سريع وخلصت
هستوني دانام اجاني اشعار ف شفته واني عين مفتحه وعين مغمضه
جانت الرساله من رقم غريب دازلي صور دخلت ع المحادثه وانتضرت يفتحن
نفتحن الصور و انصدمت من الشفته
صورة محمود و علا !!!
بس شفت الصورة بسرعه حذفها

---------
الحاضر :

لزمت ايدي وخرتها باوعت بعيني و كالت شبيك
باوعت بعينها و مخنزر الها و كلت

- علا تعرفين واحد اسمه محمود ؟

فتحت عينها مصدومه و كالت
- شنوو شمعرفك بي انت !!!!

- يعني تعرفي

- لحضه يا محمود قصدك

- راح اراويج صورته

كمت جبت موبايلي جان ع الميز و دخلت ع الصوه طلعت صورة محمود و راويتهيا

- عاصف

- ها

- اعرفه بس انت شمعرفك بي !!

- شنو علاقتج بي احجيي

- بس لتعصب اهده شوي

- لتخبلييييني شمعرفج بييي علااااا

- جنت خايفه اكولك فضميت عليك هلشي و اساساً صار ماضي

- هو شنوو

-اني جان عندي علاقة بهلشخص

- هسه ترديني اصدك لو شنو

- ادري ممتوقع هلشي بس هاي الصراحة و اساسا شي صار ماضي

- لج بابا لتخبليني يعني واحد سرسري اني ادور ورا من زمان و احقق وي بنيه تطلع خطيبته و بت عمي عدها علاقه ويا يعني تردين تقنعيني كل هلاشياء صدفه !

- اني هم مدافهم شي بس هاي الحقيقه

ضحكت - علا طلعي برا اريد انام

- تمام اسفه

طلعت علا و تمددت بجربايتي واني حاير افكاري متشتته شي مترابط بشي مواضيع قديمة ضلت براسي و ماعرف شلون اتصرف و شنو اسوي ....

.....................
بعد اسبوعين :

مرت اسبوعين من حياتي و خلصتها تحضيرات للعرس اشتريت كلشي و جهزت كلشي و اليوم هو يوم الحنه اشتريت بدله مارونيه بسيطه و نازكه و فيروز و فاطمة وياي من يومين ابد معافني جهزن وياي كلشي و المكياج مال حنه سوتليا فاطمة لان مكياجها حلو و اني ردته بسيط مناسب وي البدله هم