Temptation Island: Illicit Ties

Kabanata 2

Ella

Grabe ang lakas kumain.

"Hindi ka ba kumain sa inyo?" Nakataas ang kilay niyang tanong. Ipinaramdam niya na hindi niya gusto ang company nito, pagbintangan ba naman siyang attracted siya rito. Ang kapal ha! Gusto lang palang makikain.

"Hindi." Tipid na sagot ni Cairo habang kinukuha pa ang natirang ulam niya sa platito. She sighed. Gwapo lang pero wala ring pera kagaya niya. 

"Sige, ano bang tanong mo sa software architecture?" Inilabas niya ang libro at binuklat iyon. 

"Wala."

Natigilan siya, ang damuho, wala naman palang tanong! "Eh bakit mo pa ako hinarang kanina? Magtanong ka, nandito na rin naman tayo."

"Wala nga. Hindi ko nga alam kung ano yun."

"Anong hindi alam? First year pa lang meron na kayong Intro 'non ha?" Nadismaya siya. Oo nga at mas matanda si Cairo sa kanya pero hindi naman siya ganito kapabaya sa pag-aaral, in fact, second year pa lang siya ay nag-o-OJT na siya sa isang start-up IT company kaya naman kahit bata pa siya ay nakuha siya as part-time instructor. 

Napagod at napuyat nga lang siya ron kaya maaga siyang nagsawa sa pagtatrabaho. Gusto na lang niya ay ginahawa sana. Ganon din naman, mag-aasawa rin siya, gagawing housewife, mangungulubot, mate-tegi! 

Sobrang mundane lang ng buhay kaya wala rin siya masyadong gana. Gusto niya na lang maexperience ang best things in life at 21. Her mother Merly died at 30, wala pang makita at ninakawan pa ng puri. Nothing special ever happened in her life. Ayaw niya ng ganon. 

Uminom ng softdrinks si Cairo. His adams apple moved up and down, and unconsciously, she slightly bit her lower lip. Parang bigla rin siyang nauhaw at nagulat pa siya nang biglang magsalita ang estudyante niya.

"Bakit? Gusto mo bang makasabay kumain si Sir Ver?"

"Libreng pagkain yon. Sayo, napagastos pa ako." Reklamo niya.

Napailing si Cairo at mataman siyang tiningnan. "Ano bang ginagawa mo rito? At bakit ka ba nagugulat sa kagaya kong walang interes sa pag-aaral kung ikaw nga nandito ka para magturo ng mga kagaya ko. Wala ka sigurong pangarap. IT ka hindi ba? Bakit hindi ka sa malalaking opisina nagtatrabaho? Ang bata-bata mo pa para magturo. Itong eskwelahang 'to? Fallback to ng mga retired IT na bored sa bahay nila."

"May pa-opinyon? Kuya kita?" Umirap siya,  "I am just helping a friend. Hindi ako nandito dahil theories lang ang alam ko sa computers, parehas kong alam ang theories at practical application pero wala akong balak i-pursue ito. Iba ang pangarap ko."

"Ano ang pangarap mo, Ma'am?" Cairo crossed his arms to his chest, looking her straight in the eye. 

"Makapangasawa ng mayaman." Walang kagatol-gatol niyang sagot.

---

Pasalampak siyang naupo sa couch nang makauwi siya sa apartment niya. Iniuntog niya ang kanyang ulo sa arm rest ng ilang beses gamit ang kanyang noo. 

"Nakakapagod. Ano ba ang pinasok ko?" Tanong niya sa sarili. 

Ella's apartment is complete with basic appliances eventhough it is old. Inalagaan niya talaga ito simula noong second year college pa lang siya. May limang baitang pa nga ito patungo doon sa dalawang pintong kuwarto sa ikalawang palapag. Iniisip niya rin na parentahan sana kaya lang wala naman siyang mahanap na border.

May kumportable siyang couch, maliit na ref, microwave, basic na washing machine, smart TV. Kapag nakakajackpot siya ng Afam na jowa ay napapadalhan siya ng ekstra bukod sa kinikita niya sa freelancing jobs niya at iyon ang pinapambili niya ng gamit. Halos ito na rin ang bahay niya dahil bihira siyang umuwi sa Bulacan kung nasaan si Nanay Gemma niya.