احببتُهُ طفلاً+18

الجزء الرابع🔞

دعمكم وتعليقاتكم بين الفقرات رجاءًا
خشيت ودعت اهلي ولقيت زوز بنات يستنو فيا قدام الباب كان الحوش كله ظلام ماعدا غرفه وحده كان والع فيها الضو وكأنهم يقولولي حياتك ستقلب جحيم خشيت برجلي اليمين وخدو لبنات شناطيه وقعدو يدخلولي فيهم للدار توقعت زياد يلاقيني اقل شي بغض النظر عن انه صغير ومانعرفش شكله ولا اي شي عليه غير اني اكبر منه ب5 سنوات هدي المعلومه الوحيده
خشيت لداري بعد لا دخلولي بضاعتي كلها
تهاني: الف مبروك يا عروسه زواج الدهر يارب يعينك على ما ابتلاك
اماني: الف. مبروك اني اماني وهدي اختي تهاني احتجتي اي شي نادينا وطلعو الزوز
اني: ربي يتبت علينا العقل والدين هناك من يبارك بالطريقه هدي بعدين اكيده عشان زواج التار حيكون جحيم يارب فوت الليله ع خير وقعمزت نستنى في ولدي😂😂قصدي عريس الغفله
——————-
خشيت للحوش كان كله اضواء وكانو فيه هلبا نساوين وبنات يستنو فيا
مريم (ماما) : اهلاً وسهلاً يا بنتي نورتي حوشك اتفضلي برجلك اليمين
ع سلمى: هدا النهار المبروك انشالله تتهني يا بنتي بغض النظر عالظروف يلي جيتو فيها
ع صفيه: خيرك يا بنتي لابسه اسود سمله عليك معقول بتقابلي راجلك بالمنظر هدا يا لطيف الطف
خدوني سميه وزينب وشهد رفعوني لحوشي وجابت
شهد مرت صهيب المكياج دارتلي وجهي
وزينب مرت مراد اعطتني قفطان احمر كان طويل وبلا كمام
سميه مرت يزن جابتلي روب حطاته عالسرير قالتلي يلزموك
وقالولي حني كناين عمك لكبير وتبي اي شي طقي علينا حني جيرانك وطلعو وخلوني في داري نستنا......
—————————-———————-
توا اللي يتكلمو الشباب
مقعمز في حب الله نجهز للامتحانات النهائيه مزال عليهم شهرين بس فجأه نسمع بولد .... قتل خوي اني عارف ان خوي مش شيخ جامع او تقي لكن فالنهايه خوي مشينا وجرينا ومن مشفى لقسم وفالنهايه نكتشف خوي مات ع يد شخص يحمي في شرف عيله ف هني معاش عرفت شن ندير الدفن تأجل اسبوع رغم ان اكرام الميت دفنه ولكن هدا قرار جدي اللي اغلب قراراته غلط في غلط وياريته هكي بس نكتشف انه حطوني في قرار عقيم جداً لازم نتزوج اخت القاتل وياخد اختي باش يختفي العداوه يلي بينهم هه جهل وتخلف وفوق منها ماعندي شي بش نعارض ونطلع قاعد نكون في روحي يادوب في بداية مشواري تخيل يوم عرسك وقراية فاتحتك نفسه يوم دفن خوك كنت كاره البنت حرفياً قبل لا نشوفها طلعت من الدفن مشيت نلود من مكان لمكان في امل ان يكون  اللي  عايشه حلم ونفيق منه تخيل عمرك 18 وتلق روحك في مسؤولية مرا وعيله ولا اكبر مني بخمسه سنوات يعني احتمال تكون شينه وماعندهاش لا جمال لا اسلوب باش اهلها رماها هالرميه روحت الساعه واحد للقصر رقيت الجناح امتاعي فتحت الباب وتفاجأت مفاجئة العمر
—————————
وصلت ورد لحوش راجلها بس كان في شي داخلي يتقطع وكان روحي تنسحب مني وصلتها وحضنتها وكأن اخر موه حنشوفها اختي يلي كبرت قدامي وربيتها زي بنتي دفعت تمن غلطه كرهت البنت يلي شفتها ويلي نقدتها ودافعت عنها كرهت الساعه يلي جمعتني بيها وقلت لو نشوفها قدامي في يوم رح نقتلها بالرسمي
روحت وقبل لا نرقى حوشي ناداني بوي
بابا: محمد توا اللي صار صار اكرم بنت الناس وصونها واللي بديره فاها بتلقاه في اختك
محمد: انشالله يا بوي
بابا: هي نوض يا ولدي لحوشك وطيب خاطرها البنت كيف فاقده سند
طلعت من بوي ورقيت لحوشي اول ما فتحت الباب لقيتها تدور بقفطان احمر وقفت قدامي
محمد: اهلين
امل : شن كسبت
محمد: 🙄نعم
امل: شن كسبت لما قتلته 🥺
محمد : خوك مات قضاء وقدره وجي ع يدي
امل: بس انت دمرتني ودمرت اختك معاي🥺😭
محمد قرب منها وكيف دمرتك يا هانم هل لاني قطعت عليك علاقه من علاقات حبك ولا لانك تزوجتي ولا انتي وحده وسخه زي خوك
امل💔: بدت تبكي حت لو كان خوي سيء ما نسمحلكش تحكي عليه يكفي انه كان حنون عليا وكان سند ليا انت مني عشان تقيم خوي
محمد: انتي شكلك مش حتجيباها لبر شدها من شعرها وقربها ليه تعرفي لو مزال صوتك يعلا ع صوتي اعتبري روحك لحقتيه😡
سيبتها وخشيت للحمام .....
———————-____________———————
ورد  مليت واني نستنا ف نضت نحيت وشاحي وخديت حوايج وخشيت للحمام دوشت وقمت شعري وطلعت بنلبس لقيت شناطيا مسكرات بالرمز ادكرت ان الرمز دراته شهد لانها هيا حطتلي بتاتي
فتحت دولاب زياد لقيت حوايجه خديت تيشرت اسود فيه كبوس لبسته وخديت معاه سروال منه وقعمزت نحاول فالشناطي ينفتحو طبعاً درت حوسه فالدار واني كنت في وسط الحوسه 😂
خلي نعطيكم مواصفاتي بيضا وقصيره طولي152 وزني64 عيوني خضر وشفافي منفوخات وصغار طبعاً شعري اطول مني وارته الشعر من جداي حت هيا كان شعرها لعند ركبها المهم نردكم وين وقفنا فجأه نفتح الباب خش ولد طل الله يبارك شكله حلو توقعته غالط فالدار جيت واقفف
ورد: هااي وين خاش من انت😡
زياد: 😳هدي داري انتي مني
ورد : اني ورد 😌
زياد ؛ اني زياد
ورد: انت راجلي قصدك😂😂
زياد: قصدك انتي مرتي🙄
ورد:والله
زياد: يابنت الناس بالك غالطه
ورد: تعالى سلم ولدي خش ماتتحشمش الحوش حوشك 😂
زياد: ودمك خفيف زياده
ورد: توقعتك تستقبلني اقل شي
زياد: كنت فالجبانه ندفن في خوي وندفن في روحي معاه
ورد: عظم الله اجرك
زياد: شكر الله سعيك
ورد: اااه تعرف ماكنتش متوقعه اني حنتزوج زواج تأر وليلة عرسي تكون ليلة دفن وحزن
زياد: ما كنتش نتوقع ناخد عزوز وفوق منها خوها حامل دم خوي
ورد: عزوز في عينك اني نبان اصغر منك بعدين هدا قرار جدك الفاسد
زياد قرب منها جت بتبعد ناشت الشنطه طاحت وبتشد في زياد طاح فوقها وجو يديه ع صدرها😂😂
ورد: بدت تعيط بصوت عالي
زياد حط يده ع فمها اس تبكشي مش مستاحشك انتي جبدتيني وراك
وقعد يشوف لعيونها يقوللها اشبحي اني بنحي يدي يا ويلك نسمع صوتك وهيا سرحت في عيونه كانو يدوبو بشكل كبير
ورد: عيونك حلوين ع فكره
زياد: وهوا سرحان في عيونها وعيونك ياخدو العقل
بعد علاها شوفي يا ورد مش حنكدب عليك باش تكوني فالصوره اني مانكرهكش ولا نحبك انتي شي نفرض عليا واني مجبور عليه يعني لازم نتحملك وتكوني مسؤوليتي رغم اني حت نفسي مش مسؤول علاها وع عينك نجني في تمار قرارات جدي المستبده يعني بتتحمليني وبنتحملك لين نكون مستقبلي وبعدها لو تبي تطلقي حنطلقك انتي تشوفي حياتك واني نشوف حياتي حره في حياتك لابعد حد وبنفس الشكل اني بس هدا بينا اما قدام عيلتي وعيلتك رح تحفظي اسمي ونحفظ اسمك وردي بالك تقللي مني
ورد: حبيت طريقة تفكيرك وحليت النصيب الاكبر من مشاكلنا يعني من اليوم عايشين زملاء وخوت بس قدام الناس ازواج ومدت يدها صافحها
ورد: هي يا فالح تعالى دير معاي حوايجي ولا اقسم عليا دولابك وين بنحطهم هدو كلهم
قعد يساعد فاها من حديت لحديت وكلام يجر كلام وقصه تجر قصه الين ما تمو حوستهم كان الوقت تأخر هلبا
ورد: عطك السلامه ماترقعتكش هكي جوك حلو وماينملش منك
زياد: قالولي اكبر منك بخمسه سنين توقعتك شينه ومصيبه عشان هكي اهلك تخلصو منك
ورد : ننننن شوف توا بما ان امتحانات عالابواب اني حنساعدك في قرايتهم واي شي يصعب عليك وريهولي
زياد: اتصدقي اول مره شخص يقدملي دعم
ورد: اني معاك ولا يهمك لكن حاليا جعانه شن هالقفاصه معقوله عروس وماعندهاش عشي😂
زياد: حت اني جعان شن تاكلي من برا
ورد: شوف الساعه يا متخلف مش حتلق حت مكان مفتوح
زياد: نعرف مطعم يفتح24 ساعه ما يسكرش
ورد: نبي بيتزا وكولا
زياد : تم
..—————————-..——————-...