احببتُهُ طفلاً+18

الجزء الخامس

حاولو تتفاعلو مع القصه هشان نزللكم اكتر وتطلع لغيركم لو قعد التفاعل ميت حنوقف الروايه💔
يلا نبدو🥺———
الساعه7 الصبح
مش قادره نرقد لتوا ممكن لان المكان تغير عليا والجو نو شفت لقيت زياد راقد وجوه مليح نضت خشيت الحمام وطلعت لبست قفطان لونه ازرق ملكي ولبست اكسسوارات من دهبي ومكيجت عالخفيف وطلعت واني نتمشى نسمع في صوت طقه متع صونيه وفنجان كان في حد نايض قربت من الصوت لقيت جدهم فالمكتب يشرب في قهوة الصبح طقيت عالبا
ورد: صباح الخير جدو
ضرغام: مصدوم فاها صباح الخير
ورد: اكيد انت جدو ضرغام صح بسم الله ماشاءالله بهيبتك وصحتك زي ما حكولي عليك
ضرغام: نفخ روحه من كلامها من حكالك عليا
ورد: جدو حكالي عليك وبابا قالي انك رجال حقاني وماترضاش بالغلط واني طول ما اني في حوشك حنكون في امان ( طبعاً الكلام هدا من راسي لكن لو كسبت جدهم ف اني كسبتهم لازم ندخل روحي مش موضوع زواج بدون زواج وعيله يسودولي عيشتي)
ضرغام: تنهد انتي شن اسمك وبنت مني
اني ورد بنت مصطفى ☺️
ضرغام: بجد انتي ورده وقعد يهدرز معاها وهوا فخور بروحه وانها تحترم فيه رغم انه فرض علاها زواج والبنت بدت تخش لخاطره وبدي يعجب بشخصيتها
وقت كانت ورد نايضه بتطلع طق الباب وخشو حمدان وناجي وسعد
ناجي : صباح الخير 🙄ويشبح فيا
حمدان: صباح الخير يا بوي☺️
سعد: بدون لا يصبح مني هدي وهوا قالب وجهه
(خلي نقول جدي بدل ضرغام وجدو لعبد الرحمان جدي اني )
جدي: هدي كنت ناجي مرت زياد
سعد: وشن دير هني
حمدان نخصه واني وقفت ورا جدي ع اساس نخاف منهم
جدي هدي بدت وحده مننا وفينا ولازم تحترموها وتفهمو عيالكم الشي هدا ومش بس هكي اللي نسمعها غلطت معاها بحرف واحد تلوم روحها
اني بست ع يده وقتله
ورد: ربي يخليك لينا وما يحرمنا منك
جدي هدا عمك بو راجلك ناجي ولدي لكبير
واشر ع حمدان هدا ولدي الوسطي وقال اسمه واشر ع سعد وخدا الصغير اللي بدي شايب وماباش يكبر😂
سلمت عليهم وطلعت من الحجره قلت بما اني حطيت الشايب في جيبي توا خلي نشوف كان تفصيلة حوشهم غريبه علينا صح نسكنو مع بعض حت ولاد عمي المتزوجين بس كنا فيلا وجنبها شقق شقق يعني يلي يتزوج ياخد شقه بروحه ومايطلعش من الصور هما مافيش خصوصية هدي جناحات جناحات يعني دار وحمام ومافيش مطبخ لو جعتي فالليل موتي🤣
واني نتمشى لقيت حركه غريبه فالدور الارضي نزلت كلهم يجرو ويجهزو في سفرة الفطور حرفيا كانت طويله ومعبيه كراسي قلت اح معقوله من بيقعمز فاها ماقدمتش وخرت ورقيت لجناحي اول ما خشيت لقيت المنبه يشرين والفالح مش مدور قربت منه
كان راقد بطريقه اضحك موووت راقد ع جنبه ورجل ممدوده ورجل متنيه وحاضن وساده وحاشي راسه فاها😂😂
ناديت عليه مره واتنين وعشره مباش يفهم قعدت نهز فيه نوض يا زياد الساعه واحد جدك من بكري يبعت يبيك اني بمجرد ما قلت لكلام هدا ناض في خاطري اهااا يعني جدك اسمه كفيل بانه يخليك توقف ستاند باي تمام قعدت نضحك عليه نوض الساعه تمانيه وماعرفتش شن ندير قلت انوضك
زياد: عيونه ناعسات يا ورد امت رقدتي باش تنوضي انتي😵
ورد: مارقدتش😂😂
زياد: وباينه مصحصحه الله يبارك
ورد: متعوده نسهر للصبح ونقعد بكامل طاقتي عشان امتحانات الطب وانت عارف قداش صعبه لكن بعد الساعه اربعه تحلم اني نقعد فايقه لو كنت وين حنرقد 😂😂
زياد: فاتح فمه ناض خش للحمام وطلع لقاها مجهزتله سروال اسود وسوريه زرقه ع اساس زيها وشخشير ابيض وسبيدرو ابيض وساعته هوا فاتح فمه هدا شنو😳
ورد: حوشكم مش مفروش كله ف يعني انتو من النوع يلي كنادركم يقعدو في رجليكم هدي اولاً تانياً لازم تتانق لانك انت توا متزوج مش زي قبل عززابي  تالت شي هيا نبيك ادهورني في حوشكم وكل مكان وتعرفني عالناس يلي هنايا ووو امك
زياد: وهوا يلبس في حوايجه وهيا عاطياته بالظهر هه ماننصحكش تتعرفي ع امي لان حت اني مش لاقي فاها الخير باش تلقيه انتي
ورد: التقتت طول بعد لا سمعت لكلام هدا وشفته كيف يلبس في سوريته نصدمت كيف شخص بالعمر هدا قادر يبني جسمه بالطريقه هدي لا يربي مش وقته
زياد: تعالي كوليني وخلاص 🤣🤣
لبس ومشط شعره وبخ بارفان حلو وجي بينزل
ورد: لو سمحت ماخديتنيش من حوش بوي وما استقبلتنيش لما جيت اقل شي شد في يدي وانت نازل باش حت لو في حد يقول كلمه يزمطها🤭
زياد اتني يده وشدت في يده ونزل باها حرفيا واحني نازلين من عالدرج حسيت روحي عروس كان الهدوء سايد المكان والشي الوحيد يلي ينسمع هوا طقت الكعب يلي لابساته ومانعرفش كيف نقوللكم بس الساعه تسعه كانو كل الكراسي يلي عالطاوله متعبين بس كرسين وكرسي اللي يترأس الطاوله اعتقد متع جدي
نزلنا وبدي يعرف فيا كانو خواته كلهم موجودات وبنات عمه وبنات سعد وحمدان ونساوينهم مش مهم نسميهم لان مش حيكون ليهم مكان في قصتي وين وصل في فايزه قالي هدي امي بطريقه جافه
زياد: يا امي هدي مرتي ورد
فايزه: حاشا لله ماناقصني الا اخت قاتل ولدي نجيبها كنه مش كنتي ومش مرتك
ورد: رغم ان خوي مش قاتل متعمد ومايستحقش هاللقب بس عادي يقعد كل الكلام اللي حنسمعه مجرد اراء😌
كملت اتخطتها وزياد عجباته جرأتها لانها خل تعتبر زياد ولدها باش تعتبر ورد كنتها
وقف زياد عند خديجه وباس راسها واشبح في ورد يا ورد هدي امي خديجه
خديجه وقفت حضناته وباركتله
خديجه: الف مبروك وليدي بالرفاه والبنين انشالله تتهنو
وحضنت ورد اللي بادلتها الف مبروك بنتي ربي يخليكم لبعض وتعيشو في هني وراحه
ورد: بست ع يدها عمدا باش تنقهر فايزه وقلتلها شكرًا أمي خديجه زي ما يقوللها زياد بالضبط
سلمت ع تهاني واماني وكانو مبتسمين بنصر🖖🤘🤣
وقعمزت السفره كانت معبيه واشكال الوان بس مافيش الشي يلي نحبه
نزل جدي وكلهم وقفو ووقفت معاهم
صبحو كلهم وناض زياد مشي لجده باس ع راسه وصبح عليه وكلهم مصدومين كيف اني ما دورتاش او حت نضت جي زياد جنبي وهمسلي هدا جدي عبدالسلام نوضي سلمي غمزتله عيني وحطيت يدي ع يده يلي تحت الطاوله
قعمز جدي والكل قعمز بعده قال
جدي: صباح الخير للجميع بما ان تم وبعون الله تعالى زواج زياد ودفن جبران الماضي مشي فالماضي والحاضر واللي جاي احسن انشالله شوفو شن بنقول لبين ما ينحلو الخلافات يلي بينا مانبيش نكرر كلامي الخلافات ممنوع والتفتريش الزايد ما نحباش يا فايزه وشبح فاها شبحه تقتل وانستي يا ورده ونورتي الحوش الظروف يلي جيتي فاها غريبه بس هدا حوشك زي ماهو حوش راجلك فالنهايه توا تقدرو تتفضلو تفطرو
ورد: شكرًا يا جدي ربي يخليك لينا ويونسنا بيك ومانفقدولك حس والحوش نلير بوجودك وبخصوص المشاكل اكيد الحوش يلي حيكون فيه كبير زيك ما حدش يتجرأ ويخالف قوانينك
بدو ياكلو في يلي مش معدل وفي يلي مصدوم فيا وفي يلي مش عارف اني كيف سيطرت عالوضع هكي قمت راسي بكل فخر اني حفيدة عبدالرحمان مش حي الله بنت عاديه ياما جايكم مني غر استنو عليا بس 😈😂
ع حمدان: خيرك ما تاكليش
ورد: امم للصراحه مانحبش نفطر هكي
شبحو فيا كلهم😒
اني مش قصدي شي بس اني مش متعوده ع فطور زي الاتراك هكي يعني بالعاده يكون في ع طاولتنا خبزه سخونه جايبها ناصر وامي تكون دايرتلنا شكشوكه تكون ريحتها معبيه الحوش ونوض ع ريحتها من عز نومي ويبدا في شاهي سخون وريحة النعناع طالعه منه ونبدو ناكلو واحني نتبادلو الاحاديت ويكون في دفا عالطاوله اكتر من الاكل نفسه سامحوني لو ضايقتكم بس هني متوفر كل شي بس مافيش اللي نبيه
ناجي: كيف مش عندكم خدم وطباخين كيف خوك يجيب فالخبزه وامك تطيب🙄
اني: يا عمي في الخدم والطباخين بس عند جدو وامي فاطمه لانهم كبار فالسن اما احني كل حد يعول في نفسه الاطييب لو ماكانش من يد اللي نحبوهم ويحبونا طعمته مش حتكون حلوه
جدي: هي نوضي ديري فطور اللي قلتي عليه نبي نفطر زيك بنشوف الفرق😠
عمي حمدان : واني بنطلع نجيبلك الخبزه السخونه
زياد: واني نخش نساعدك😂
طلع عمي حمدان والعيله يفكرو كيف لعبت في نظامهم من اول يوم ليا
خش معاي زياد للمطبخ كان كبير بمعنى الكلمه وكان فيه تلاته زوز شغالات وطباخه
زياد: انتي شن طينتك تعرفي ان جدي عمره ما ساير حد ولا سايرك انتي بنت الد اعداءه😂
اني: عندي فضول نعرف ليش جدي وجدك في بينهم عداوه
زياد: موضوع طويل نحكيهولك فالليل وغمزلي😉
الشغالات يشوفو لبعض بصدمه خديت الطاجين وبديت ندير في لفطور ودرت شاهي بالنعناع وحطيت سفره فيها اكواب شاي والطاجين واني كيف طلعت خش عمي حمدان وريحة الخبزه السخونه مع الشكشوكه والنعناع نعيييم
جدي ابتسم وحطيت قدامه الطاجين وبدينا نفطرو وهوا يتلدد ويشكر ويعاود وهدي كانت اول خطوه في حوش راجلي