لا تلمسْنِي، أنا للتّو تماسكت .

البارت الأول ...

الأمر يشبه بعاصفه تلتهمها بين زوايا غرفتها ،،رغم الاصابات اللي تعرضت لها ،
كانت تعصف براكين الحزن بقلبها اكثر من الحقد والالم اللي كان مالي عيونها
فقدتت كل اللي تحبهمم امام عيونها واهي طريحة الارض والدم اللي مغطي وجهها وتشوف سيلانه بعيونها منها ومن اقرب ناسها ابوووها
واخوها الجثّه الهامده بقربها ،،،
تحاول تتماسكك وتكتم نفسهاا بسبب الشخص المريب اللي يجيس النبض بموقع الحادث ومتلثّم بغترته اللي باللون الابيض ولونها كانت تقدر تميزه بين الظلام الحالك وثوبه المايل الاسود وعيونه الحاده من التفت عليها ...
                          _____________________        
.
.
اعرفكم ع ابطال الروايه :
بطلة روايتنا ميسون:
عايشه طول حياتها بالولايات المتحده الامريكيه من هي طفله ، تحبّ الخيل كثير، ماتدري ليش هالحب ، متعلمه اللغه الانجليزيه بحكم انها عايشه بامريكا ، تحب اسمها رغم غرابته ، لان أجمل واطهر قلب اهو اللي مختاره من شاف احمرار وجهها واهي بغرفة الحضانه بأول ساعات لها بهالحياه
، بالحيل حلوه وكامله والكامل الله ، اكثر شيء جميل فيها عيونها المايله للون الرمادي ، ومن تعكس اشعة الشمس ع عيونها تصير مثل لون البحر ، شعرها الطويل اللي يميزه لونه الاسود ، ماتحب تبيّن الضعف لان ابوها ربّاها ع الثقه اللي غزرها بنفسها ، وخلها جريئه ماتهاب احد ، تشتغل بقسم الاستخبارات الامريكي وكان السبب ابوها
ابو ميسون: مشعل الحزام ، كان يشتغل بقسم الشرطه بفرع مكافحة المخدرَات ، ولسبب ما ترك كل شيء وهاجر مع بنته بعد ما تخلّى عن زوجته وكل اهله لللولايات الامريكيه....
.
.
.
__________
ال طـلال ( ابو مشعل، ابو فهد ، ابو تركي ، واختهم الصغيره جميله)
نجي لأبو مشعل عزّام وله من اسمه نصيب:
مدير سابق لقسم الشرطه (مكافحة المخدرات)بالرياض ، له ٢٥ سنه بهالشغله ومعروف انه اذا حط ايده ع قضيّه مستحيل يرفع يدّه عنها الا وهي بجيبه وضامن انه كفّى ووفّى فيها
له اعداء كثير م ينعدّون وابرز قضيه صات اسمه فيها قضية الارهابي : مشعل الحزام ..
مشعل : جمييل حيل وملامحه بارده بس جذّاب بشكل ، يحب دايم الشعر الطويل اللي يعدّي حد اذنه ، ودايم هواش بينه وبين ابوه ع هالشيء ، ضابط عام بنقس القسم اللي كان ابوه مدير عليه وبالفعل ذاك الشبل من ذاك الاسد، الكل يثني عليه وعلى شغله وكيف انه شبيه لابوه وعزمه بشغله عمره ٢٩سنه
خالد: مزاجي بشكل كبير ، جذاب بشكل ، ينتبه لاصغر تفاصيل محد ينتبه لها ، دكتور جراحه عمره ٢٧ ، يحب العود وجلساته ويحب جمعة اخوياه عشان هالشيء
هديل: تشّد الانظار بسرعه ملفته باسلوبها ورزانتها رغم الخفّه اللي فيها وما تطلّعها الا مع الاشخاص اللي تحبهم ، عمرها ٢٣ تخصص علم نفس.
ام مشعل: توفّت بمرض نادر ما احد يعرف عنه اي شيء وشنو سبب هالمرض وكيف ماتت منه ، ووقت وفاتها كان بعد هديل بسنتين تقريباً ..
___________