الكاتبة نور محمد...
#الى_متى هذا العذاب
#البارت1
مرحباااا: انه اسمي عشق عمري حاليا 23 من بغداد مواصفاتي عيوني اخضر غامق مثل لون الشجر و شعري واصل جوا خصري لونه اشگر على بني يگولون
لونه لون رغوة العسل,,جسمي چان بارز من انه وطفله يعني چان اكبر من عمري و چان السبب بأغلب مشاكلي ولون بشرتي بيضه كلش وزني 51 و طولي 155 قزومه هههههه
....::::؛؛ نرجع بالزمن لحدمن چان عمر عشق 13 ؛؛::::....
عائلتي: ابويه عماد علي متزوج 2 االچبيرة اسمها فوزيه و صار الها 4 ولد و توفو 3 و بقا واحد اسمه حيدر عمره 21 هو الكل بالكل يمها تحبه كلش لانه وحيدها ويمها بنتين الچبيرة فرح كلش احبها و تحبني عمرها 17.
ويمها بنت تشبهني كلش و كأنها نسختي الثانيه بس اصغر مني بـ 10 ايام دومني مستغربتها شلون هيه تشبهني و امهاتنه مختلفات چانو يگولون لي لان نفس
الاب بس اشو حتى لابويه ما نشبه اثنينه نشبه امي الفرق الي بينه هيه چانت عيونه عسليات وشعرها بني على اسود اسمها غسق في الماضي عمرنه انه وياها 13 سنه و 7 اشهر
.
امي چان بيضه وحلوة وانه طالعه عليها ابويه اخذها عن حب بعد عناء يگول چنت احبها من چان عمرها 18 سنه بس اهلها ما رضوا ينطونها اله تقدم الها اكثر من 6 مرات بس رفضوه واهل ابويه اصرو انو ما عاد يجيب
طاريها حتى مرت سنوات و اجاه خبر انه تزوجت بعد ما سافر ابويه للأردن
ابويه حس انو انتهى كل شي بس حبه الها ما انتهى و وافق انو يتزوج بنت عمه الي هيه فوزيه و بيوم چان
طالع يفتر ببغداد و بشوارعها شافها ، شافها معاها اطفال و انصدم چان كل الي اباله متزوجه و هذول اولادها راح و التفكير اباله و رجع بعد اسبوع لنفس المنطقه و سأل عن اخلاص﴿ امي﴾ و انصدم بالي عرفه
من المره الي چانت جيرانهم گالت هيه عانس ما رضت تتزوج بأي شخص من بعدما حبت واحد منا و اهلها ما رضو عليه وهسه هيه عمرها 38 و عنست وهيه تگول ما راح ينساني يمكن انجنت
ابوي يگول چانت تحچي عنها و انه گلبي طاير من الفرح يعني بقت تنتظرني بس انه تزوجت و رحت و عفتها يگول بعدها قررت ما اعوفها و من صدگ رجع و حاول يقنع بنت عمه بزواجهم و هيه گالت اله بشرط
بوقتها استغربت شنو هذا الشرط راح يكون بس ابويه
ما گالي ابد شگد اصريت عليه و ما گالي المهم نكمل ابويه رجع و خطب امي و مرتين رفضوه و بالأخيرة يلا قبلو ابوها الي هو جدي گال لابنائو مستحيل نلگه عشگ مثل عشگه حتى اذا تزوج فه هو بقى على عهده و رجع الها
رضو ينطونه امي و عاش احلا 13 سنه معاها و چانو يحبوني كلش و عشت احلا ايامي معاهم مچانو يرضون على زعلي بنوبه بس انه چنت احب اساعد ماما بكل شي و تعلمت منها هوايه اشياء
أنت تقرأ
#عشــ♡ــگـالأمير ﴿ الى متى هذا العذاب﴾
Romance#الى_متى_هذا_العذاب #عشق_الامير 2022/9/11. المقدمه القصه تتحدث عن فتاتين كل ما في الامر انهما قد خلقا شكلا واحداً و بثلاث شخصيات تعاني من هي اقل حيلة و مكر من افعال تلك الشقيه التي لا تفكر بأحد سوا نفسها ، فهل يا ترى ستستطيع فرض شخصيتها ام س...
