#عشــ♡ــگـالأمير ﴿ الى متى هذا العذاب﴾

البارت الثاني

الكاتبة نور محمد....

#الى_متى هذا العذاب

#البارت2

نجم: طول السفرة تحچي بغرابه و دومها تگلي لا تزعل من بعدنه واحنه نحبك و ما راح ننساك بوقتها گلت الها بنترة لا عاد تحچين هيچ لان من صدگ ما اتحمل فكرة

غيابهم عني و ظلن يبوسن بيه و لعبنه و تونسنه و بطريق الرجعه .... ااااه اااه
وبطريق الرجعه سوينه حادث اجه لوري ﴿ تريله﴾ مخالف و ضربنه انه رجلي تكسرن و هنه راحن 💔

ماتن الي چانن بالنسبه الي حياتي راحن و تركني كرهت الدنيا كلها بهذيچ اللحظه رادو حتى لجنازتهن
ما ياخذوني بس اخويه و سندي امير من شافني

مكسور على فراگهن مسح دموعي و اخذني خليت رويحتي و بنتي بالنجف ورجعت بدال ما اخليهن
بحضني خليتهن جوا التراب اوووف

مرت اسوء سنتين بحياتي و دومهم اخوتي واگفين معاي و يصبروني عليهن و اكثر شي امير چان صديقي مو بس خويي ، بعدها قرر امير يتزوج چان يحب بنت

خالي اسمها سجى هيه قبل لا اتزوج اعترفت لي بأنها تحبني بس مرت سنوات و گلت ما حاجه اگول لأمير وخاصة انو هو يحبها مبين گلت كون تنعدل
و توقعت ناسيه هالموضوع و تزوجها و چان امير اغلب

.
المرات يعاني من. المشاكل الي تسويهم بس لانه يحبها ما بيوم گدر يزعلها و هيه بهاي الفترة رجعت و اثبتت لي انها ما ناسيه موضوعي بنوبه گمت ابتعد عن البيت

بس ما اگدر ذكرياتي مع حبيبة گلبي كلهن بهذا البيت بس چانت مصلحة امير اهم بالنسة لي
و بعد سنه ونص گامت تتمادة اكثر و چنت اغلب

المرات اعيط بيها و احاول اگول لأمير بس حبه الها عما عن كل تصرف منها و ظلت لحدما بيوم رجعت للبيت ماكو احد قدمت لي عصير و چان الجو حار ما اخذته منها بالبداية

.
بس بعدين اصرت اخذته و شربت منه و صعدت لغرفتي اريد اركز بالفون ماكو ما اگد و فجاة كلشي صار ظلام صحيت على عيطت امير و هو دمعتو بعيونو و يضرب بيه حاولت اركز افتهم الموضوع شنو بس عبث كل شي

.
ما تذكرت و هيه چانت تبچي بزاوية الغرفه و تقريبا ملابسه شي بس حاطه چرچف عليها هنا انصدمت باوعت لنفسي بلا ملابس بس شورت امير چان بوقتها
ملازم اول قبل چم يوم مترقي و هو بملابس الدوام
.

چان و المسدس بخصرة سحبه و ضربها و انه اعيط بيه و اگوله يهدأ بس انه ما اعرف السالفه و احلف بس عبث هو حتى انه ما مستوعب الي دا يصير ضربها بصدرها و هم ضربني

طلقه بصدري وصلت الموت بس چنت ادعي ما اموت الا اثبت برائتي من هالتهمه الباطله الي مستحيل افكر بيها حتى طلعت بعد اسبوعين من المستشفى لان