عيون الصقر

بارت 6

الليلة دى كانت من اجمل الليلالى الى عاشها صقر اميرته كانت ف حضنه وكانت معاه شايفها ادام عينه وشايف اد اى بقت حميلة فوق الوصف.. مكنش فى حاجة تقدر توصف الى شافه فيها... شاف فيها كل حاجة حلوة ونضيفة ف الدنيا دى شاف فيها كل الحاجات الى خرجت من قلبه واتشهوت بعالم الاجرام الى بقى ف دمه
مكنش مصدق انه فعلا هيشوفها تانى....
كانت دايما بتزور احلامه وكانت يمكن الحاجة الوحيدة وسط القرف الى عايش فيه
رغم انه كان متاكد انه مش هيشوفها تانى...
وعده ليها وهما صغيرين كان عارف ان كلام عيال لانه مكنش متاكد انه هيفضل عايش وسط الجنان الى كان عمه بيعلمهولوا
وسط القسوة والحاحات الى شافها حاجات ميتخيلهاش عقل بشر....
حتى لما عدى الوقت وكبر وبقى قوى وكلمته مسموعة وحرفيا الكل بيخافه وبيخاف بس انه يكسر كلمته..
رغم انه بقى حاجة تانية غير الطفل الى قطع وعد ل طفلة
الا انه كان متاكد انه مش هيشوفها تانى... كان بسهولة يقدر يلاقيها
بس هو فضل يفضل بعيد..
كان شايف ان بنت بجمالها ورقتها مينفعش تبقى مع واحد الموت بيضحك ف وشه كل يوم
والموت كان هيبقى اقرب ليها مع كل خطوة بتخطيها نحيته  
بس اول ما شافها خلت قلبه يدق من تانى بكل حاجة حلوة نسيها
عيونها خلوه عايز يعيش كل حاحة حلوة
برائتها الى خلته عايز يصحى كل يوم الصبح وهيا جمبه وفى حضنه
تبقى مراته وتبقى حياته...
خلته يتخيل حياة هادية بلا مشاكل ويعمل عيلة مع البنت الى حبها من اول ما عينه وقعت عليها
اتخيل حاجات الواقع الى عايش فيه خلاها مش من حقه
بس هو قرر يحقق الخيال دا ويبعد عن كل حاجة ويبقى ليها وبس
بس طبعا عارف ان العالم الى هو عايش فيه دا خروجه منه بموته
بس قرر حتى يتحدى الموت عشان بس يكون معاها ولو لحظة واحدة

فى بيت نور
-انجى مامت نور
محمود انتا متاكد من الى عملته دا.... يعنى انا مش مصدقاك
-محمود
نور كبرت ي انجى ومبقتش العيلة الى بنضحك عليها ب لعبة او شيكولاته
نور بدات تتهور وتتصرف من دماغها....
هيا و داليدا امبارح خرجوا من ورانا
_انجى
(بشهقة) انتا بتقول اى ي محمود مين الى خرج
_محمود
نور و داليدا.... عشان كدا وافقت ان نور تروح الجامعة
مش عايزها تعمل حاجة من ورايا
انتى عارفة ان نور متعرفش اى حاجة عن الدنيا دى
وتصرفها امبارح كان ممكن يمعمل مشاكل كتير
ف هسيبها تعمل الى عيزاه ادام عينى احسن ما تعمله من ورايا
_انجى
وعرفت منين انها خرجت.....
-محمود
امبار ح مقدرتش انام وهيا زعلانة لانه كان عيد ميلادها
فقولت اروح اراضيها واهو بالمرة اقنعها بدراستها الجامعية تكملها  ف البيت
بس قلبى وقف لما لقتها مش ف سريرها.. دورت ف كل البيت بس ملقتهاش
وانا فتحت تراس الاوضة بتاعتها لقيت سلم الجناينى تحت التراس عرفت انها خرجت
_انجى
طب وعرفت منين ان داليدا معاها
_محمود
داليدا بنتى برضوا ي انجى وحافظها صم وميعملش الجنان دازالا هيا ... بس نور جبانة متعملش حركة زى دى لوحدها ابدا
وخوفت اقولك بالليل عشان عارفك هتتفزعى عليها وهتقلبى الدينا وتعدى تعيطى
فضلت صاحى لحد ما حسيت ب حركة واما اتاكدت انها رجعت دخلت اطمنت عليها
وقررت القرار دا انها لازم تخرج والا هتخرج من ورانا تانى وتالت و عاشر والله اعلم ممكن يحصلها اى
_انجى
انتا عارف بتفكر ف نفسها ازاى...
_محمود
( بتنهيدة)... عارف ي انجى عارف..
نور مفكرة اننا حبسنها عشانها مختلفة... بس هو خوف عليها
وهيا مش هتفهم دا ابدا
_انجى
ولا هتفهم ي محمود... بنتا كبرت وبقت عروسة وفى سن مراهقة ولازم تعيش دا والا زى ما قولت هتتصرف من ورانا
بس ازاى وافقت ب 2 جارد بس... بالعادة انتا مش بتخش ف مفاوضات معاها او مع حد... معقول بنت اللوا عملت الى محدش عمله
_محمود
( بسخرية) هه وانتى فكرك انى هعملها الى عيزاه... شكليا هيبقى معاها 2 جارد
بس فعليا هيبقى فى طقم. حراسة بيراقبها من بعيد وكل حركة هتكون عندى
بس محبتش ازعلها واكسر بخاطرها بالذات انها زعلت جدا يوم عيد ميلادها
_انجى
( بحب)  ربنا يخليك لينا ي محمود
_ محمود
ويخليكى ليا ي انجى انتى و نور