عدى اسبوع كامل على اليوم دا.... اليوم الى المول نصه اتدشدش فيه......
عربية چيب سودا مكشوفة فرملت بصوت عالى ورا بيت نور
ودا مكنش الا صقر رايح يشوف نور مرة اخيرة قبل ما يمشى
طلع اوضتها بسهولة زى كل ليلة وزى كل ليلة محستش بيه
كانت غرقانة ف عالم تانى عالم الاحلام....
دخل صقر بهدوء كانه هوا جاى مع الهوا الى جاى من البلكونة بتاعها
بهدوء نزل على ركبه لمستواها وقرب من شعرها وبدا يشم رحتها وياخد نفس بعمق حاوط راسها ب ايده عشان يتمكن منها اكتر ورفعها ل حضنه وبدا يبوس كل حتة ف وشها ومسك ايدها وباسها بس طول ف البوسة دى عشانه وجعها
كانه بيعتذر منها على طريقة معاملته ليها بالطريقة البشعة ف المول
كان بيحضنها كانها اخر مرة بيحضنها... وهمس بصوت حتى هيا مسمعتوش
( قريب اوى هتبقى ف حضنى للابد ومفيش قوة ع الارض هتحوشك منى ودا عهد عليا ووعدى ليكى.. مش هموت قبل ما اخليكى على اسمى وملكى)
كان بيدفن راسه ف رقبتها وشعرها.... هو عارف نومها تقيل ومش هتصحى
وفجاة بدون اى مقدمات
_نور وهيا مغمضة
انتا مين....... كل ليلة بحس بيك كل ليلة بنام ورحتك حضنانى
كل ليلة بتخلى قلبى يفضل صاحى.....
انتا هو صح انتا...... خايفة انطق اسمك تختفى بعيد زى الاحلام
صقر بصدمة انها صاحية مكنش عايزها تعرف هو مين كان عايز يفضل كل حاجة سر لحد ما يقرب منها من غير ما تخاف منه وحاول يبعد عنها بدأ ينيمها براحة تانى
_نور
( حست نفسه تقيل) استنى متبعدش
( وبان على ملامحها الخوف من بعده وانه يبقى خيال مش بجد)
انا مش هفتح عينى عشان خايفة تختفى وتكون حلم
انا لسة مش عارفة انتا حقيقة ولا حلم من احلامى الى بتتحول ل واقع بمجرد ما عيونى تغمض
بس الى اعرف ان كل ذرة ف كيانى بتتمنى تكون حقيقة ياريت تكون حقيقى مش حلم وياريت تكون الشخص الى ف بالى
اتمنى تكون هو........( بصوت هادى) بطلى الى انقذنى قبل كدا وكسرنى انهاردة ووجعنى ... ياريت تكون هوا
( نور بصوت كله حنية وهمس نطقت اسمه لاول مرة)
صقر متسبنيش......
_صقر
هووووووش ( بنبرة حنينة اقرب للهمس وبصدمة من الاسم الى نادته بيه قرب من ودنها وهو لسة دافن راسه ف رقبتها)
حلم... مجرد حلم هفضل حلم...... بحبك
( وباسها ف خدها وهو بغمض عيونه ومش عارف هيرجعلها ولا لاء)
نزلت دمعة من عينها لما غمضتها اوى بسبب نبرة صوته الى فيها وجع واشتياق.. او زى ما حست هيا
نور فتحت عينها بسرعة بس كان اختفى وبدأت تنهج بصوت عالى ودموعها تنزل بهدوء
كانت حسة بيه وحسة انه حقيقى بس اختفائه بسرعة ياكد انها كانت بتتخيل وانه فعلا حلم.....
حطت ايدها على خدها واتنهدت تنهيدة طويلة ومسحت عينها واقنعت نفسها انه حلم وانها بتتوهم بسبب الى حصل ف المول.....
وقامت على البورد بتاعها
وفضلت ترسم وطلع احباطها كله ف الرسم.......
_جاد
ها شوفتها...
_صقر
( بملامح جامدة بس بعيون مليانة غضب)
ايوا شوفتها
_جاد
واما شوفتها لى حاسس ان غضب الدنيا كله على وشك
حصل حاجة
_صقر
لاء محصلش.... اطلع يلا ورانا مركب لازم نلحقها......
YOU ARE READING
عيون الصقر
Romanceبنت مميزة بجميع المقاييس مصنفة عالما انها من اجمل واغرب البنات ف العالم..... شاب عدوانى عنيف بمعنى الكلمة ملوش كبير وعنيد فوق الوصف كبر واتربى ف عيلة مصرية العهد هو شريعتهم وهنشوف الجانب المظلم الرجولى للعالم الى عاش فيه ياترى هيحصل اى لما الطفر...
