تائه بين سطور الحب (كيف استطعتي ٢)

الفصل الثامن عشر

ربي و إن عصيتَك بغير قَصد، فإغفرليِ 💛"

"ياخيرَ مبعوثٍ وأفضلَ مُرسلٍ
‏يامن بمدحكَ تعجزُ الكلماتُ

‏صلّى عليك اللهُ في ملكوتهِ
‏وعليك من ربّ الهدى البركاتُ"🦋🦋

****************
مرت الايام وها قد اقترب موعد زفاف اميرتنا علي اميرها العاشق...

كانت تجول في الغرفه بتوتر بينما كلتاهما تنظران لها بضحك

آسيل: لا لا لا ده مستحيل انتوا بتهزروا معايا ليه يا جماعه اتكلموا جد شويه

آيه: يابنتي وترتينا اهدي هو انتي اول واحده تتجوز اقعدي بقي خيلتيني

آسيل: ما انتي بارده بصحيح يعني ايه فرحي كمان خمس ايام متهزروش بجد النهارده كام في الشهر شكلكوا بتستهبلوا فين كنان هتولي اوسم عايزه بابااا

تعالت ضحكاتهما بشده عليها بينما رمت نفسها علي الارض بتوتر مردفه

: بنات هو الجواز وحش بما انكم جربتوا يعني بيخوف؟

آيه بابتسامه: بالعكس ده أجمل شئ في الدنيا خصوصا لو عن حب

هونيدا بابتسامه شارده: صدقيني بتحسي انك بقيتي فعلا ملكه بيبقي ليكي حياتك الخاصه راجل ليكي لوحدك يكون حنين عليكي يبقي هو دنيتك كلها بتبقي فعلا البنت ربنا بيحبها لما يرزقها براجل يكون سندها وضهرها وعمره ما يقسي عليها

ابتسمت آسيل مردفه

: انتي يا هانم انتي وهي خليكوا معايا مش مع البشوات التانيين

آيه: فصيله

آسيل:انا بجد خايفه اوي بقولكوا ايه انا هفشكل الجوازه انا هتعب نفسي ليه!

ثم نهضت وهمت ان تتوجه لأسفل لكن لحقتها هونيدا بسرعه واجلستها بالغصب مردفه

: يا مجنونه يا ام مخ طاير رايحه فين؟ اهدي يا آسيل خالص ليه متوتره كدا؟

آسيل: مش عارفه انا مش عارفه

آيه: سيلا فستانك واشتريناه وما شاء الله بجد القاعه واتحجزت وقاعه ملكيه فعلا المعازيم ومصر كلها هتكون موجوده اخواتك معاكي كلنا معاكي والحياه الجديده اللي انتي دخلاها دي بجد مش مخيفه كدا يا اما المشكله بقي في اياد بتاعك ده

ضربتها آسيل بخفه مردفه

: اخرسي كله الا ايودي يا جزمه

لاعبت آيه لها حواجبها مردفه

: يختي عليكي وعلي ايودك هروح افتن لاخواتك

قاطعهم رنين هاتف آسيل التي نظرت للهاتف بفزع ثم القته علي هونيدا مردفه

: يلهوي ده اياد انا مش هرد ردي انتي

القته هونيدا علي آيه مردفه