STRAY KIDS CHAT

جعفر

ايان: @تشان انا عندي برد وعمال اعطس من الصبح

تشان: قوم البس وتعالى اوديك للدكتور يديك حقنة

ايان: يديني ايه؟ انت صدقت م انا خفيت خلاص

تشان: اومال ايه صوت عطسة الحمار اللي جاي من اوضتك ده

ايان: لا ولا حاجة انا بس بتفرج على كرتون مزرعة الحمير الصغيرة

تشان: كرتون ايه؟

ايان: مزرعة الحمير الصغيرة

تشان: اول مرة اسمع عنه احنا على أيامنا كان اسمها المزرعة السعيدة

ايان: مهما عملوا منها جزء تاني وخصصوه للحمير

هيونجين: متبطل حجج وتروح تاخد الحقنة

فيليكس: انا اشتريت جعفر جديد

تشان: وهو احنا كان عندنا جعفر قديم؟

فيليكس: جبت صرصار بدل الله يرحمه عاطف عشان ايان قعد يعيط عليه بليل

لينو: يا نهار اسود ومهبب على دماغ اللي خلفوك

تشان: خلصنا من عاطف وامو رشاد طلعلنا جعفر

ايان: طب والله يا فيليكس انت اه غبي بس أجدع منك مشوفتش

لينو: يا أرض اتشقي وابلعيني

ايان: بس عاطف كان احلى سيكا

هان: وهو انت هتخطبه

هيونجين: كان احلى في ايه بالظبط مكلهم نفس المنظر

ايان: لا عاطف كان شعره طويل وناعم وكنت عايز اسأله قبل م يموت كان  بيستخدم نوع كريم ايه بس محصلش نصيب

هيونجين: وهو عاطف فرق ايه عن جعفر برده

ايان: انت هتقارن عاطف بصرصار شعره اقصر من تشانغبين

تشانغبين: ابكي في الزاوية

ايان: @سونغمين مختفي فين يا اخويا

سونغمين: بعمل سيرش عن طريقة عمل الحواوشي

تشان: بتدور ع طريقة عمل الحواوشي وانا موجود

سونغمين: انت بالذات اركن على جنب

هان: هو لينو راح فين

ايان: بينه مات

لينو: يارب خدني وارحمني برحمتك انا مش ناقص جعفر ده كمان

تشان: م انت لو مت يا غبي روحك هتتلاقي مع روح المرحوم عاطف يعني في كلا الأحوال في صرصار

فيليكس: واد يا ايان هو مين حنفي ده

تشان: يادي النيلة ايه حنفي ده كمان

ايان: وانا اشعرفني

فيليكس: كنت بنضف عش العنكبوت اللي على كتبك

ففي كتاب شكله عجبني مرسوم عليه دواير
بتضحك فتحته اقراه لقيت مكتوب فيه اشترى
حنفي 6 برتقانات وكان بياكل كل يوم واحدة يبقى هيخلصهم في كام يوم؟ بعيدا عن إجابة السؤال اللي انا معرفهاش اصل انا اكيد مش هفتكر منهج السنة اللي فاتت
مين حنفي ده بقى؟

ايان: وانا اشعرف امي هو انا اللي عامل الكتاب

فيليكس: فكرته ابن خالتك

سونغمين: @فيليكس @تشان @تشانغبين @هان @هيونجين @ايان @لينو

تشان: خير؟

سونغمين: ميييييييين اللللي كل البيضة بتاعتتتييي

غادر فيليكس المجموعة