فيليكس: اسكتوا بقى خلينا نكمل كده كلكوا صفر حد يشغل دماغه ويجاوب ع السؤال الجاي
لينو: المشكلة أن الواحد محتاج يقفل دماغه عشان يعرف يجاوب على اسئلتك دي
فيليكس: احمم السؤال التاني ليه الخشب من اليتامى؟
تشانغبين: عشان مقطوع من شجرة يقلب أمه
فيليكس: ايده انت جبتها ازاي؟! تستاهل نقطتين والله يا واد يا بيني
لينو: سبحان الله الاتنين نفس الدماغ
هيونجين: أنا لسة فاهمها دلوقتي
هان: هو السؤال كان ايه معلش اصلي كنت في الحمام
تشان: أنا لو اتهورت هخلي عيالك هما اللي يتامى
لينو: هو خلف امتى؟
تشان: يسطا هو مربي جوزين حمام ع السطح بتاعنا ومقتنع أنهم عياله فمتاخدش في بالك
فيليكس: اللي هيغلط في عيالي هزعله اخرسوا بقى عشان اكمل اما نشوف مين هيقدر يوصل لبيني حبيبي
لينو: حرفيا اللي هيكسب المسابقة دي هيبقى اغبى واحد فينا
تشان: اتفقق
فيليكس: السؤال التالت يا آخرة صبري ده سؤال رياضي للي بيفهموا في الكورة
لينو: جيت في ملعبي
فيليكس: اي ده انت عندك ملعب؟ يبقى اكيد هتعرفه
لينو: يارب الصبر
فيليكس: مين اللاعب اللي طول عمره فاضي ومش مشغول؟
تشان: هو اكيد زملكاوي أصل كل لعيبة الزمالك ملهمش لازمة في الحياة
ايان: متغلطش عشان مش ازعلك
تشان: بس يا بواب
لينو: فاضي ازاي يعني بيقعد على دكة الاحتياط؟
سونغمين: كريستيانو رونالدو
لينو: اسكت يسطا انت متعرفش غيره اصلا
هيونجين: اكيد عم بدوي
فيليكس: بقول لعيب كورة مش بياع طماطم
هيونجين: مهو عم بدوي بيشوط الطماطم البايظة ومع ذلك ملوش لازمة في الكورة
فيليكس: هو أنا هديك نص نقطة عشان الإجابة مقنعة بس غلط
تشانغبين: الصراحة مش عارف اصلي مبفهمش في الكورة
فيليكس: الإجابة يا شوية أغبية وائل جمعة عشان الجمعة اجازة
غادر لينو المجموعة
غادر تشان المجموعة
تشانغبين: تاهت عن بالي والله يبني الواحد سنه كبر وبقى مش مركز
فيليكس: كده اللي هيطقش فيهم بيض لينو وتشان وهان وسونغمين وايان و كرتونة البيض فيها ٣٠ بيضة و٣٠÷٥ يبقى كده كل واحد هيتفقع في دماغه حوالي ٣١ بيضة
هان: لو فضل حاجة في الكرتونة ابقى سيبهالي اتعشا بيها
تشانغبين: طب وبالنسبة للفرخة اللي أنا كسبتها؟
غادر فيليكس المجموعة
YOU ARE READING
STRAY KIDS CHAT
Humorفضايح سكيز فرع مصر (مش رواية، حاجة عبثية كده ترجعك للمود لو متضايق)
