مسار صعدني ادهم الغرفتي وكعد كبالي وكمش ايدي
ويحجي بكل حنيه وحب
ادهم :- مسار ماطول احنه يمج لتخافين من شي صح ما حصلتي الامان والحب من انتي وطفله بس هسه صدكيني كل الامان والحب راح تحصلي
مسار :- حبيبي اني خايفه لا بغيابكم يصير شي ذاك المره ياسمين بعدين ابويا ادهم تعبت مداتحمل وفوكاها اخويا عافني
ادهم :- اني وبرهم وجابر اخوانج
مسار :- حبيبي انت بس اني حييل مشتاقه لجمال واتمنى اكعد اعاتبه
نزلت دموعي واني احجي ويا مسحهن واردف
ادهم :- انت كلتي ماريد اشوفه بعد
مسار :- صحيح وسمعت مسافر
ادهم :- ايي
مسار :- ادهم اريد انام شويه
ادهم :- ايي حبيبتي نامي
غطاني وسد الضوه وطلعت
نزلت دموعي واني اتذكر طفولي ويا جمال صح جانت اكثرها مؤذيه بس اكو لحضات حلوه بينه
قبل 9 سنوات
جنه دنمشي اني وجمال بشارع بابا دزنا وصار صوت رمي
جمال :- مسار نركض
مسار :- وانييي ويين اكدر اركض
جمال :- لعد شنو تردين يصكونه
مسار :- انت جبير بس اني صغيره ميسون الي شي
جمال :- عليج الله مسار اركضي
مسار :- شيليني
باوع عليه وهز ايده
جمال :- بكد نعال وتتشرط
مسار :- ايي هيي شنو ابوك مراح هو ليش دزنه
جمال :- شمدريني
مسار :- تعرف ليش
جمال :- بلبيت كليلي امشي يلا
شالني ع ضهره وركضض ما شوف بس موجه تراب ورانه
وصلنا للبيت نزلني يلهث
واني خربت من ضحك
مسار :- ههههههههههههههههههههههه
باوع عليه وخزرني
جمال :- كافي لج
مسار :- ههههههههههههه حصان ويركض
باوع علي وضحك
جمال :- ههههههههههههههه الله لا يوفقج ههههههههههه
سمعنه صوت بابا يصيح
جمال :- امشي ندخل
كمش ايدي ودخلنا
بابا شافنه بسرعه ضرب جمال راشدي ورجع ضربني اني هم وعيط علينه
حسين :- بعد وكت وييين وليتو صارل ساعه
أنت تقرأ
قيود تعيقني
General Fictionقيوداً تعيقني ما زال اثارهم في جسدي وقلبي حاولت ان انسى كل شيء كان مؤذي لكن لن انجح ابداً