ادهم :- اخذناها لسيد نعرفه بلبصره تمشي طبيعي بس متحجي وبس تباوع ايدها ملفوفه اول مدخلنا كومه عالم سيد كال ادخلو بذيج الغرفه
رحنا دخلنا شفت بنيه صغيره ومره كعدنا يمهم وأجرام مكعد مسار يمه باوعت ع لبنيه وهي تباوع عليه كامت امها بقت كاعده
خوفتني سويتلها بايدي شبيج
اشرت علينه وحجت
مريم :- انتو شايفتكم بس مداتذكر ويين
تحجي بس الكلمه كوه تطلع
ادهم :- ويين ؟
مريم :- ماعرف
باوعت ع مسار وع أجرام وكمزت
مريم :- تذكرت انتو جنتو بلمستشفى ويا هايي
وتأشر ع مسار
ادهم :- ايي صحيح تذكرتج انت صديقت نور الصغيره
مريم :- اييي
ادهم :- شدسوين اهنا
مريم :- امي ضاحكين عليها وكايليلها ودي بنتج للسيد علمود تكوم تحجي عدل
ادهم :- شنو هايي
مريم :- شمدريني
ابسمتلها كلش محبوبه وشعرايتها صفر وشويه منكوشات صاحنا سيد عفناها كاعده وكمناله
دخلنا بغرفه وحده وطلب من عندي ومن جمال نطلع طلعت رجعنا يم البنيه كعدنا وامها وياها ولد هم كاعديين باوعت عليه وابتسمت
حاجاني جمال بهمس
جمال :- هاي طفله قلقتني
ادهم :- هههههه لك لا هيي حبابه واجتماعيه تعرفنا عليها بلمستشفى صديقت نور
جمال :- ونور تصادق جهال
ادهم :- مابيها شي البنيه محبوبه
جمال :- اخاف بيها جني واحنا كاعديين يمها ويتلبسنا
ضحكت علي وضربته ع راسه بايدي
ادهم :- دكل تبن لعد اختك شبيها ملاك
جمال :- هههههه دنجب
شويه وكامو سوتلي بايدها باي طلعو من الغرفه شويه ورجعت تركض بيدها جكليت
مريم :- عمو عليك الله هذن انطيهن النور
ضحكتلها ومديت ايدي
ادهم :- لعد عمو بس نور واحنه شنو
فتحت الجنطه مالتها طلعت جيش مال جكليت خلته بايدي
مريم :- هاك عمو هذا كلكم تاكلون منه
ادهم :- هههههه لا حبيبتي اشاقه شسوي بي
ورجعته بايديه
مريم :- حباب عموو اخذه اهلي منتضريني
شمرته بحضني وراحت ركضت
أنت تقرأ
قيود تعيقني
General Fictionقيوداً تعيقني ما زال اثارهم في جسدي وقلبي حاولت ان انسى كل شيء كان مؤذي لكن لن انجح ابداً
