Unicode
ပေါ့ပ်ဂီတကလပ်
မိန်းကလေးများကလည်းစပ်စုချင်စိတ်ဖြင့်ထိုအရာအားလာရောက်ကြည့်ရှူကြတော့သည်။သစ်သားတံဆိပ်ပြားလေးကလက်မအရွယ်လောက်လေးမျှသာရှိကာထူးထူးခြားခြားပုံစံလေးဖြစ်ပီးအစွန်းနားလေးများကတော့အနည်းငယ်ကြမ်းရှရှပင်။
သူတို့အားလုံးလိုလိုဆွံ့အသွားခဲ့ကြပီး - " ဒါလေးကယွမ်နှစ်ဆယ်တောင်ပေးရတယ်လား "
ချီဖုန်းကတော့အများကြီးမရှင်းပြလိုက်ပေ။သူတို့လမ်းပေါ်သို့ပြန်ရောက်သည့်အချိန်မှလင်းခယ်ကထူးထူးဆန်းပြောလာခဲ့သည်။
" သစ်သားပန်းပုဆိုင်ထဲမှာတုန်းကဒီလိုလုပ်ထားတဲ့ပစ္စည်းမျိုးမတွေ့ခဲ့သလိုပဲ "
ချီဖုန်းကပြုံးလိုက်ပီး - " ဦးလေးကြီးအလုပ်ခုံရဲ့အောက်မှာသစ်သားအတိုအစလေးတွေအပုံလိုက်ရှိနေတာမင်းမှတ်မိလား "
လင်းခယ် - " မင်းကအဲ့ကနေကောက်လာတာလား "
ချီဖုန်းကငြင်းဆန်ခြင်းမရှိဘဲ - " ဟုတ်တယ် ငါကသူအသုံးလိုသေးလားလို့မေးလိုက်တာသူကမလိုတော့ဘူးတဲ့လေ ဒါကြောင့်ငါလည်းတစ်ခုကောက်လိုက်ပီးသူ့ကိုတံဆိပ်ပြားသေးသေးလေးဖြစ်အောင်လုပ်ခိုင်းလိုက်တာ ပထမတော့သူကငါ့ဆီကပိုက်ဆံမတောင်းဘူး ဒါပေမယ့်ပစ္စည်းပေးတဲ့အချိန်ကျ ငါကအတော်ကြည့်တတ်တာပဲလို့ပြောတယ် ဘာလို့လဲဆိုငါကောက်လိုက်တာကနံ့သာနီသားဖြစ်နေလို့တဲ့လေ ဒီသစ်သားစလေးကလွန်ခဲ့တဲ့ရက်အနည်းငယ်သူအရိမေတ္တယျဗုဒ္ဓရုပ်တုထုတုန်းကကျန်ခဲ့တဲ့ဟာလို့လည်းပြောတယ် အရိမေတ္တာယျရုပ်တုကတော့ထုပီးနောက်တစ်နေ့တင်ရောင်းထွက်သွားခဲ့တယ်တဲ့ "
လင်းခယ် - " ... "
ချီဖုန်း - " အစကတော့ငါလက်ခဖိုးဆယ်ယွမ်ပဲပေးချင်ခဲ့တာ ဒါပေမယ့်ဒီဟာလေးကဗုဒ္ဓရုပ်တုကကျန်ခဲ့တယ်ဆိုတဲ့အကြောင်းကြားတော့ငါဘုရားကျောင်းသွားတုန်းကဆရာတော်တစ်ပါးပြောခဲ့တာရုတ်တရက်သတိရသွားခဲ့တယ် ဆရာတော်ပြောခဲ့တာက 'အမြစ်မရှိတဲ့သစ်ပင်တွေအပေါ်ကိုမိုးကရွာသွန်းမှာမဟုတ်ဘူး မှော်ဆန်ပီးအဖိုးတန်တဲ့အရာတွေကရေစက်ရှိတဲ့သူတွေဆီကိုပဲရောက်နိုင်တယ်' တဲ့ ငါတို့တွေဒီနေရာရောက်လာတာကလည်းကံတရားကြောင့်ပဲလို့ငါခံစားလိုက်မိတယ် ငါပိုပီးရိုးသားသင့်တယ်လေ ဒါကြောင့်ငါလည်းယွမ်နှစ်ဆယ်လုံးပေးခဲ့တာပဲ "
YOU ARE READING
The Daily Life Of Being The Campus Idol's Fake Boyfriend (MM Translation)
RomanceTitle - The Daily Life Of Being The Campus Idol's Fake Boyfriend (给校草当假男友的日子) Arthor - 羲和清零(Xi He Qing Ling) Status in COO - 65 Chapters + 9 Side Chapters Genre - Romance, School Life, Yaoi Tags - Music, Modern Days, Pretend Lovers, First Time Inter...