حب نتيجة خطا طبي (تتمة)

الجزء المئتين و واحد

حب نتيجة خطأ طبي
#بارت201♡♡

حركها شحال عاد فاقت ليه وشافت فيه كتحاول تحل عينيها غير بزز النعاس غلب عليها...

امجد: هبطي وصلنا..
سارة خنزرات فيه وهبطات زدحات الباب.. أما امجد لي شاف فيها وزاد ديمارا طاير.. سارة شافت فيه وهي تمشي كتمشا بشويا وتشوف فجنابها السقيل فالزناقي حتى وصلات لحدا دار لي كراتها مع البنات بقات كدعي الله احلو ليها باينة غيكونو نعسو حيت الضلام فالدار..

حطات صبعها على الصونيت وصونات المرة اللولة والتانية والتالتة محل ليها حتى واحد عاود صونات ودقات بالجهد عاد تحل الباب وخرجات واحد البنت طالقة شعرها طالع الفوق وكتحك فعينيها باينة عليهتا فيقاتها من النعاس...

سارة: على سلامة.. وسموحات فيقتك..

اميرة(صاحبة سارة): فين كنتي نتي وشنو هاد الوقت لي جاية فيه وفين غبرتي يوماين وزيادة هادي .

سارة: خليني غير ندخل بعدا ونطلع فيا النفس اودي حريرتي حريرة..
دخلات سارة وتبعاتها ديك البنت مع الدخلة تلاحت فوق واحد سداري تما جرات عليها المانطة وخبطاتها بنعسة..

اميرة:هييه ويلاصتي ابنادم اففف..
شافت فيها ومشات لبلاصة خرا وستستلمو كاملين للنعاس.. منبعد نهار طويل كل واحد وكيفاش داز عليه.. كاين لي ناعس ومرتاح وكاين لي نعاس مبغاش ازورو ومشاكيل الدنيا والدين عندو فراسو...

صباحنا مودة ورحمة من رب العالمين 🌝
فالمغرب 🇲🇦

عند بطلتنا لي فاقت كتجبد فيديها وتحل عينيها.. دوراتهم لبلاصتو ملقاتوش. عرفاتو غيكون مشا للخدمة..

هبطات من ناموسية خشات بانطوفة فرجليها وتاجهات الحمام باش تنقي حالتها..
داز الوقت عند زمرد منبعد ما سالات وبدلات حوايجها هبطات التحت قادات قهوة كحلة لراسها باش تصحصح وطلعات لبيتها هزات بيسي باش تكمل داك البحت لي كانو طلبو ليها منبعد ما خدات كاع المعلومات لي غيخصوها من منصف...

نخليو زمرد ونمشيو لمكان اخر..
فالفيلا ديال عائلة معاذ فين كانت رانيا لي جاو سكنو معاهم..

رانيا فبيتها فاقت وبدلات حوايجها وتمات هابطة التحت لقات زينب و حفصة لي جالسين مجموعين على الطاولة ديال الفطور..

رانيا: صباح الخير..

حفصة: الصباح نور جلسي تفطري..
جلسات رانيا كبات ليها العصير وشرباتو غير بوحدو مكلات والو..

حفصة: فطري شربتي غير العصير..

رانيا: لا اخالتي مقديتش عليه... واش معاذ مكاينش؟؟

حفصة: لا مشا فالصباح الخدمة خلاك باقي ناعسة..
بقاو مجمعين اما زينب لي ناضت مشات تقرا حيت قارية فالصباح.

#يتبع...