حب نتيجة خطا طبي (تتمة)

الجزء مئتين و سبعة و عشرون

حب نتيجة خطأ طبي
#بارت227♡♡

إدريس: بنتي!

زينب لي مشات تلاحت على باباها معنقاه وتبكي وتشهق.. مزيرة عليه بحال إلى خايفاه يهرب.

زينب(بصوت غالبة عليه البكية): هئئىى ب هئئ بابا نتا مغاديش تمشي وتخلينا ياك هئئىى انا توحشتك بزاف هئئىى هنا ميوقع ليك والو هئئىئ نتا غتبرا ياك هئئىى..

اما إدريس لي كيشوف بنتو فديك الحالة بقات فيه بزز باش تمالك راسو..
هز يديه حطها كيدوزها على شعرها بحنان وهضر معاها كيحاول يهدنها..

إدريس: زينب.. بنتي متبكيش انا مغيوقع ليا والو.. راني غنبرا وغنرجعو نتجمعو كيفما كنا وهادي هي سنة الحياة أي فعل عندو العقاب ديالو..

فالدخلة تاع الجردة فين كانت داخلة سيارة معاذ حطها فالباركينك وهبط حل الباب لرانيا والفرحة باينة على وجوههم.. هبطات رانيا وكريشتها لي باينة جا معاها الحمل عاد مزادت غلاضت وزيانت.

مع دار معاذ كيبان ليه باباه واقف معاهم مبقاش حس براسو اليد لي كان شاد بيها فرانيا زير عليها حتى حمارت ليها يديها والملامح تاعو لي تحولو لعصبية.. رانيا شافتو كيفاش تبدل هزات يديها حطاتها على يديه...

رانيا: معاذ! مديرش شي حاجة لي تندم عليها عافاك.. صافي!
معاذ مكتارتش ليها طلق منها ومشا جيهتهم..

معاذ بصوت متمكنة منو العصبية: اش واقع هنا؟؟ اش كدير نتا هنا؟؟؟ ياك قلت ليك متبقاش تقرب جيهتنا وعمرك باقي تحط رجليك فهاد الدر.. امم اش كدديير هناا..

ناضت زينب شافتو معصب قربات جيهتو يالاه بغات تهضر معاه وتشرح ليه اش واقع وقاطعها...

معاذ: زينب سيري لبيتك...
زينب: ولكن!!
معاذ حمر فيها: قلت ليك سيري لبيتك..
زينب(بتحدي): لااا مغنمشيش انا مبقيتش صغيرة ومغاديش نسمح ليك تجري على بابا من الدار..

معاذ طلعات ليه القردة للسطح: واااش عااارفة هداا ليي كتقوووليي علييه باباااك ااشنووو دااار اممم واااش نسيتيي الفعااايل ديااالو واااش نسيتييي باي كااان غييقتل مراات خويااا ااشنووو وقع لييكم نتووما دبااا الىىة نتووما قاادرين تنسااو انااا مغااديش ننساا.. ودباا غتتخرج ليااا من داااري...

حفصة: ولدي تهدن بلاش من العصبية دباا معندها باش تنفعك..

زينب كتحاول تخبي دموعها: ولكن نتا معارف والو معارفش باي هو نادم على داكشي لي دار وبغا يصلح الاغلاط ديالو..

معاذ: بلا متحمقيني حتى نتي..

زينب: وزيد عليها هو راه مريض هئئى ومبقاش ليه بزاف فالدنيا وجا حيت بغا يدوز داكشي لي بقا ليه مع عائلتو...

#يتبع..