قامت مهرة على صوت المنبه
كانت الساعة 7 الصبح
تمت شوي تتقلب فالسرير و بعدين قامت راحت الحمام (عزكم الله)
غسلت ويهها و فرشت اسنانها
طلعت و راحت فتحت الكبت ح تختار شي تلبسه
رن تلفونها شلته و ردت و هي عند الكبت تختار
مهرة : هلا
حمد : منو بيوصلج
مهرة : السواق
حمد : انتي و ميرة؟
مهرة : لا ميرة مريضة عندها اجازه
حمد : عيل انا بوصلج
مهرة : صدق ؟ تمام
حمد : تمام انا الحين فدرب ياي
مهرة : اوكي
سكرت مهرة و درس طويل و خفيف
لبسته و لبست فوقه عبايه
راحت لبست جوتي ابيض
راحت عن التسريحة و قعدت تحط ميكب و تسمع اغاني
مرت ربع ساعة و حمد اتصل
حمد : الو انا برا اطلعي
مهرة : ويت بعدني ما خلصت
حمد : تمام
خلصت مهرة حطت الشيله على كتفها و شلت اغراضها و طلعت
نزلت و محد كان قاعد فالصالة
طلعت برا و ركبت السيارة
لف عليها حمد
حمد : اتأخرتي
مهرة : سوريي
حمد : تعرفين تسوقين؟
مهرة : اخاف
حمد : تخافين؟ ليش
مهرة : ما اعرف احس اني اخاف
حمد : بلا دلع "و نزل من السيارة"
راح صوب مهرة و فتح الباب
مهرة : شو
حمد : سوقي
مهرة : ها !
حمد : يلا سوقي
مهرة : ليش انا اسوق
حمد : بتسوقين و لا ؟ ترا اذا ما سقتي ما بتروحين الجامعة انا ما بوصلج
مهرة : تتمصخر؟
حمد : تشوفيني اضحك؟
نزلت مهرة و راحت صوب السايق
ركبت و ركب حمد مكانها
حمد : يلا حركي الكرسي و عدلي المرايه و توكلي على الله
عدلت مهرة الكرسي و المرايه
حمد : يلا امشي
طلعت مهرة من البيت
كانت تمشي شوي شوي و كانت متوتره
حمد : كل يوم الصبح بدربج عشان الليسن ... اتحملي اشارة
وقفت مهرة على الاشارة
حمد : المهم سيري الحين الجامعة
مهرة : شسمه...
حمد : ها
مهرة : يوعانه
حمد طالع ساعته و قال بصوت خفيف : بتأخر
مهرة : شسمه خلاص عادي عادي
حمد : لفي الكافيتريا
مهرة : لا لا عادي
حمد : مهرة لفي
مهرة : لا لا بتتأخر ... بسير باكل فالجامعة
حمد : لفي قلت لج
مهرة : يا حبيبي عادي مب مشكله
حمد : مهرة قسم بالله لو ما لفيتي الحين بمسك السْكان و بلفه
لفت مهرة الكافيتريا
و هرنت
نزل حمد الدريشة و اشر بايده
حمد : شو تبين
مهرة : اي شي
