علاقات كاذبة(منقولة_ليبية)

الحلقة الأولي

#علاقات_كاذبه 1 (مقدمه)

🔥روايات بنووتة الشيخ🔥

الساعه11في الليله ...
يسرى:تبكي وتحاول تستر روحها بي التيشرت المشرك  وهيا ترعش ومش قادره تاخذ نفس ودموعها سخاااااان ع خدودها 💔بصعوبه وخطوات متعثره وخايفه قدرت تخش الحوش بدون محد يشوفها وطوووول للحمام عشان تغسل جسمها من الدم يلي ينزف منها وحاطه يدها ع فمها متبيش حد يسمع شهقات بكاها وتخبط بشويه ع وجها وتتفكر يلي صارر🔥

ثاني يوم✨✨✨
حنين:مقعمزه في السياره منكده وتشوف لي الروشن وبوها يسوق وجدها يهدرز جنبه فجآه رن تالفونها 📱📱

حنين:هاااا
مريم(بنت عمها):ها حنو وين
حنين:بصوت واااطي ....ماشيه للمطار الزززفت بسيف
مريم:هههههه من زيك بتستقبلي ولد عمك
حنين:بلا تسهويك انتي التانيه خذوني من الجامعه ومباش يروح بيا
مريم:مهم وانتي مروح جيبيلي معاك واقي شمس وراسك
حنين:وين اختك يسرى وصيها تجيبلك وهيا مروحه
مريم:يسرى راقده مريضه شكلها دوره ولا مفهمتش
حنين:يصير خير هي وصلت انا
مريم:حي عليا عزيز انتضار هي باي ....وسكرت الخط

عزيز:منو انتضار؟!
مريم:بنت عمي حنين
عزيز:تي به يامريم به زيدي اكدبي واضحكي عليا لاكن ميا ميا تو كل واحد يزبط قدره وين
مريم:والله منكدب اقسم بالله اتصلت وصيتها ع حاجه نبيها
عزيز:انا رصيدي بيفصل هي سلام
مريم:سكرت الخط وبعتتله3جني عشان يرضى عليها زي كلللل مره

يسرى ومريم خوات ❤
يسرى:مواليد97 انسانه هاااديه بطبعها مرتبطه بي شخص وتموت فيه يكون ولد عمتها ، الليله يلي حكيت عليها صار شي بشع معاها بس مع الحلقات تعرفوه مواصفاتها بيضه وشعرها ونقشها علي العسلي الهادي

مريم:مواليد99 مواصفاتها قمحيه ونقشها ع الاسود وشعرها الاسود الحريري ملامحها حلوه ❤مرتبطه بي عزيز حبيبها من سنتين شبه هيا يلي تصرف عليه وراضيه من كثر حبه ليها عندها اختها يسرى واخ كبير بس

حنين:بنت عمهم مواليد99حتا هيا بيضه شعرها ونقشها ع الاسود عيونهاواسعات رغم انها حلوه بس معندهاش حظ وتموووت في ولد جرانهم يلي مش عاطيها وجه عندها زوز خوت ولاد اصغر منها وهيا بنت وحده

خليني نوصفلكم وين عايشين :مكانهم عباره علي حوش العيله كبييييير ساكن فيه الشباني كبير العيله  وعيلت حنين يعني خوتها وامها وبوها لان العزوز متوفيه  وجنب الحوش بزززبط عماره علي دورين فيها حوش مريم وعمها الثاني عيلت العمام كلهم مترابطين في بعض وعلاقتهم كويسه السلفات والحماوات فيه بعض المنافقات بس من تحت لتحت ورح يبانو في الروايه منبيش ندكر اخ واخت كل وحده فيهم عشان منلخبطوش

اما يلي بيستقبلوه فى المطار هوا ولد عمهم كمل قرايته وتخرج برا قعد قريب8سنين واليوم مروح