أكون او لا أكون

الــبــارت الــثـانــي

#أكــون_او_لا_أكــون

#بـقـلـم_بـتـول_حـسـيـن

            للتواصل حساب الانستا 7bt_5y

               يوزر وحساب الواتباد Batol99Hussein

#الــبــارت_الــثـانــي

لا تنسون التصويت + تعليق + متابعة حسابي صعدولي القصة ولا تضيعون تعبي

________>>><<<_______>>><<<_______

اديان :: فتحت جهازي اتصفح شفت طلب مراسلة فتحت الرسالة وعرفته خطيب نرجس ،، كاتب

::- مرحبا انتي اديان ؟ ماعرف اذا هذا حسابج او لا بس ياريت تردين اذا انتي اديان لان نرجس كلش زعلانه مني وتريد تخرب كل شي وخطوبتنا هاي الجمعة والعقد اترجاج حاچيها خلي ترد على رسائلي ونتفاهم وبلنسبه لصديقي والله نيته شريفة وما رايد يسوي ألج مشاكل هو معجب بيج وبس يريد فرصة يحچي وياج

اديان :: رديت على رسالتة ،، مراحب ،، تمام راح احچي ويا نرجس حتى ترد على رسائلك وتتفاهمون هيه ضاجت من تصرف صديقك وحقها لان انت سبب هذا الشي وياريت توصل كلامي لصديقك

اني مو مال علاقات وهيج سوالف واذا ما ابتعد عني راح اگول لأخوية لان اني ما اعرف اضم اي شي عن اهلي غلطت مره من وافقت اروح ويا نرجس وتشوفك ودفعت ثمن هاي الغلطة بسبب صديقك والخوف العشته اليوم لا تتصور خايفة منه لا خايفة على اخوية لا يتورط ويا هيج واحد

::- لا اني راح احچي ويا وان شاء الله متتكرر واذا وصلت الاهلج راح تكبر وانتي تنضرين مو صديقي

اديان :: لا تخاف ما انضر وما يمسني حتى الهوى اخذ راحتك وراح احچي ويا نرجس ،،، حضرته ومابرد گلبي شلون عقل يگولي انتي تنضرين اعرف

قصدة انضر بسمعتي لان اني بنيه وهو ولد كل شي ميضره عقليه تعبانه ومعقدة هذا ميناسب نرجس من كم كلمة ويا عرفته شنو طبعة شلون راح تعيش ويا نرجس وهيه اهلها منفتحين كلش عايفيها براحتها

اتصلت على نرجس وحچيت ألها الصار وتعصبت لان مراسلني گالت منين عرف حسابج گتلها ما ادري راحت حچت ويا وضلت تحقق وبعدين عرفت

صديقة المشخبط مو يراسل نرجس گدامة ويحچي وياها يعرف حساب نرجس ومدور بلتعليقات ومن خلال تعليقاتي وكلامي بلتعليقات ويا صديقاتي عرف حسابي وهو منطي الحساب يعني حاچين سوه ومتفقين ويگلي راح احچي ويا الگذاب

رغم ضجت كلش من هاي السالفة وعرفت خطيب نرجس مراح يگدر يسوي شي وهو مشجعة على الموضوع غلست وكملت دراسة وگمت سويت عشة

سويت كباب واني اگلي كل شوية اخواني يجون ياخذون ويطلعون

عباس :: اكلج فاهي شوية خلي ملح بعد بس عاشت ايدج كلش طيب