أكون او لا أكون

الـبـارت الـحـادي عـشـر

صار 3 ايام النشر يومي وممقصرة وياكم يله ضغطو النجمة وصوتو للقصة وعلقو بين الفقرات وتابعو حسابي بنات

#أكــون_او_لا_أكــون

#بـقـلـم_بـتـول_حـسـيـن

للتواصل حساب الانستا 7bt_5y

يوزر وحساب الواتباد Batol99Hussein

#الــبــارت_الـحـادي_عـشـر

________>>><<<_______>>><<<_______

#وليد

انني اجلس في مكان ما افكر فيكي وكيف قلتي نعم وملكك شخص غيري هل فكرتي في حالي يا ترا يتخايل لي وجهك الجميل وابتسامتك الخجولة هناك حريق داخل قلبي وأنا افكر هل قبلك هل امسك يدك هل تغزل في جمال وجهك وجمال ابتسامتك ماذا افعل لقلبي وعقلي حتى يصمتوا ماذا افعل في هذا الخراب الذي بداخلي

بقلمي_بتول_حسين

________>>><<<_______>>><<<_______

حلمت اني واگفة على حافة عاليه كلش وجواية بحر جنت اباوع للمنظر لان جان كلش حلو بس بنفس الوقت خايفة كلش لان المكان عالي فجأة صار هوى عالي كلش دفعني من ظهري و وگعت بلبحر حاولت اسبح وماگدرت اختنگت حسيت روحي تطلع مني

فجأة انمت ايد أليه وسحبتني وطلعتني من البحر حاولت اتنفس بكل ما بيه من قوة حسيت روحي طلعت ورجعت مرة ثانية انتبهت على الشخص الطلعني

بس هو جان منطيني ظهرة ويمشي ويبتعد عني حسيت نفسي اعرفة وشايفته وهاي الملابس شايفتهن منو هذا حاولت اتذكر وما تذكرت منو وفزيت من نومي

جنت مختنگة حسيت هذا الشي حقيقة مو حلم اخذت جهازي شفت الساعة بلثنتين بليل گمت شربت مي وتوضيت حتى اصلي صلاة الليل لان احس بضيق بتنفسي وخايفة كلش من هذا الحلم صليت وطولت بصلاتي ودعائي وقريت اربع صفحات من القرآن

بعدها حسيت براحة ورجعت نمت واني مسلمة حياتي واموري كلها بيد الله ،،، للصبح اكثر من مره امي تجي تگعدني واني ما اقبل اگعد احس بنفسي تعبانة ومشبعانه نوم

اخير شي ضلت ترزل بيه

بنين :: لج شلون راح تزوجين وتصيرين ويا عيال وانتي تنامين للظهر گعدي والله الساعة ب 11 گومي سبحي وتعالي تغدي

راح تضلين شالعة گلبي لج اديان گعدي ياااا صدگ گذب

اديان :: المفروض ادلليني بس هاي السنه اني يمج بعدين تگومين تبچين عليه ،،،، گمت راح اروح اسبح
امي استمرت ادردم وترزل بيه واني دخلت للحمام سبحت وطلعت

تغديت ورحنا للصالون اول شي حفلي وجهي نظفنه من الشعر وبعدين تنظيف بشرة وهاي السوالف بعدها سولي تسريحة بسيطة ولبست البدلة طلعت كلش حلوة