في صباح جديد صحو وكل واحد فيهم داخله احلام ويتمنون تتحقق
عند عزيز اللي م ذاق النوم وهو يناظر لأمه كيف تقرأ قران وتبكي م بين كل لحظه والثانيه
وصل لمرحلة الانهيار خلاص ماعاد فيه حيل لأي شيء
ثاني
وهو يناظر لغرام كيف تتعذب قدامه وتتألم كثير
سعود مب احسن حال منه بس كان متأمل كثير انهم
بيقدرون يتخلصون من هالمشكله
وعند خالد اللي للحين يسعى وراهم وقدر ياخذ
معلومات كثير عنهم
وللحين هو ونواف مكملين تحقيق مع غلا وماتركوها بحالها حتى نطقت اخيرا
وقالت: فيه واحد يدرس معانا بالجامعه ومريض نفسي كان تعبان بيوم من الايام
وغرام ساعدته وراحت معاه للمركز الصحي ومن يومها صارت بالنسبه له هوس
لما عرف بخصوص سعود
قاطعها خالد: سعود مين
غلا بدون اهتمام: ولد خالتها
خالد بأستغراب: اي شفيه؟
غلا: لما عرف ان سعود بيتقدم لها وانه يحبها جن جنونه
وانا م بنكر انو حرضته عليها وقلت له انها تعرف
انك تحبها بس تحب تلعب بمشاعرك ومن هالناحيه
ومثل ماقلت لكم الولد مريض نفسي وكلمه توديه وكلمه تجيبه
خالد السالفه كلها قاهرته والحقد بداخله يكبر اكثر
بس موضوع ان سعود يحبها ويبي يتقدم لها جننه
نواف: يعني اللي تبين تقولينه ان ذا المريض النفسي واحد منهم؟
غلا: اي
نواف: وكيف يسوي كذا وانتي تقولين انه يحبها
خالد: واضحه هو مريض نفسي يعني وش تتوقع يسوي
نواف: طيب هو كان معاهم من البدايه ولا دخل جديد؟
غلا: لا انا عارفه كل سوالفه هو معاهم من البدايه
خالد: عطيني عنوانه وكل معلومه عنه اهله اقاربه اصحابه كل شيء
غلا: وليش اعطيكم انهبلت انا؟
نواف: بتعطينا وعيونك م تشوف الدرب ف أحسن لك تعطين بإرادتك مب بالإجبار
غلا: والله ي بابا انا وحده شاريه حياتي تورطني معاهم ليه
خالد: ع اساس مب متورطه معانا الحين؟
غلا: ناس اهون من ناس هذولاك م يعرفون الرحمه ولا تبي مثل م سووا فيها يسوون فيني
انققققهر خالد وكان بيضربها بس مسك نفسه غصب
حاول يهدي نفسه لا تضرب البنت م ضربتهم بحياتك
