عند سعود اللي بسيارته ومنهبل ويجمع افكاره كيف يسوي ومن وين يبدأ!
ليه كل شيء ضدي ليه كل م حسيت نفسي قربت لها فجأه يصير شيء يبعدني عنها!
بس انا مستحيل اخلي حبي لها يروح بدون م اعبر له واوضح للعالم حبي لها
ومشى بطريقه بسرعه ودق ع عزيز
عزيز: هلا سعود
سعود: وينكم الحين؟
عزيز: بالمستشفى عند غرام
سعود: مسافة الطريق وانا عندكم
عزيز: حياك الله
خالد: من ذا
عزيز: سعود جاي
خالد بباله يليل ذا النشبه ماابيه يعرف انها مجرد خطه لايخرب علي كل شيء بنيته
خالد: عزيز انتبه يعرف غيرنا بالخطه اللي بنيناها اذا كثرو العدد بتخرب
عزيز: محد حريص ع الخطه اكثر مني لاتنسى غرام اختي
قاطع كلامهم وصول سعود
وبوقت وصوله دخل نواف اللي كان جاي لهم متحمس انهم مسكو طرف الخيط اللي يوصلهم لماكس وشلته
اشر له خالد يسكتت ومسك جواله وارسل له بأنه مايتكلم بأي شيء حتى يروح سعود
عزيز: بشر ي نواف وش صار معك
تورط نواف وناظر خالد اللي تجاهل نظراته
عزيز ناظره بأستغراب: شفيك؟
نواف ناظر سعود وقاطعه خالد اللي قال لعزيز
: تعال معي بنكلمك
عزيز ناظر سعود: لابنتكلم قدامه
خالد: ايش كان اتفاقنا!
عزيز: سعود اخوي مهوب غريب تكلم يانواف
انقهر خالد بداخلهه مايبييييههه يعرف بأي شيء
بدا نواف يتكلم ويقول كل شيء عرفه وان ماكس صار حولهم!
سعود: دقيقه دقيقه انهبلت ياعزيز مانبي يصير بدل نكحلها نعميها
نواف: لا كل شيء بيدينا الحين بس نبي نمسكه وبكذا ناخذ الجرعه اللي تحتاجها غرام وينتهي الموضوع
سعود انبسط بداخله وتجدد الامل اكثر بس لا مستحيل يأخر مثل م أخر بكل مره
سعود: عزيز تعال ابيك بموضوع
وطلعو مع بعض
سعود: عزيز اعرف انه مب وقت اللي بقوله بس لازم اقولك اللي بخاطري قبل يصير شيء ثاني
عزيز: انطق ياسعود شفيك؟
سعود بدا يقول له انه يحب غرام من الصغر وانه كان ينتظرها تكمل دراستها ويتقدم لها
وعزيز ساكت مصدوم
سعود خلص كلامه وانتظر رد عزيز
عزيز سكت شوي وقال بركاده: بس انت ماجيت الا وخالد خاطبها! وخاتمه بيدها
سعود بسرعه: بس خطه عشان نمسكهم!!
عزيز برفض لكلامه: ماكان عطيت اختي لشخص مجبور عليها انا سألته اذا يبيها صدق او لا وقال انه يبيها
سعود: لا ياعزيز تكفى لاتقفلها بوجهي لاتكسر ظهري بكلامك والله يشهد علي ربي بكل كلمه اقولها اني احب اختك
من الصغر لا تأذيني يااخوك وتذبحني وانا حي
عزيز مقهور ع حال ولد خالته بس مابيده شيء ف ماكان بيده الا انه يسمعه وهو ساكت
قاطع سعود وقال بحزم عشان ينهي الموضوع ويفقد سعود الامل بغرام
: لاتنسى ان اللي تكلمه الحين اخوها والبنت ماتحل لك عشان تتكلم عنها كذا وفوقها هي بذمة شخص ثاني!
الله يعوضك باللي افضل منها
ومشى طالع من عنده تارك وراه سعود مكسور ندمان مخذول
عند خالد: ليه ي نواف ليه
نواف: شدخلني وش بيدي هو بنفسه يقول اتكلم
خالد سكت مقهور ويفففكر وش خطوته الجايه
يتبع...
