رد لي قلبي

ج٣

بهاي الفترة حسيت روحي حيل قوية وحتى مستوايا بالدراسة كلش تقدم واللي شجعني اكثر انو مرة سعيد بگدي وچنا روح سوا ونرجع سوا نحجي ونسولف ونخطط كلش صرنا قراب ..

وجود امي حكيمة قواني بس گمت اشوفها تذبل وتذوب شوي شوي ومتقبل تروح طبيب ابوية چان بعالم ثاني مو ويانا اخوتي هم اللي چانو قايمين بالبيت ..

وليد: يابنات ..يابنات وينكم ..

ايثار: هااا..وليد ..

شو ماكو احد ؟
دنيا ظهر وكل واحد صعد غرفته ..

وانتي شعندج كاعدة ؟

ماكو شي جنت كاعدة يم أمي وهي غفت واني كعدت احل واجباتي ..

دتعالي يلا ..وزعي المسواگ اروح اكعد ام مصطفى تساعدج ..

لا ماكو. داعي شيحتاجلها هسة اوزع المسواگ وارجع اكمل واجباتي ..

عفية عليج سبعه ..

اكلج ايثار ميخالف تصبيلي الغدا ؟

تدلل هسة بين مااوزع المسواگ واحميلك الغدا ..

عاشت ايدج ..
باوع علية بنظرة مافهمتها ..
واندار وراح يغسل ..
وزعت مسولك عالسريع وصبيت الغدا ..

وليد تريد شي بعد ..
اروووح..

أيثار ...

هاااا..

انتي مرتاحة هنا ويانا ..

اي ..ليش ..

بس دا اسأل ..

اني كلش مرتاحة ..الحمدلله ..

ليش تسأل؟

هيچ بس ردت اگلچ ..

حكيمة: أيثار ..ايثار..

امي تصيحني هسة ارجعلك ..

روحي ..

ظليت حايرة شبي وليد وليش سألني ؟
لليل اجة ابوية ..

قاسم: وينكم ..وين صرتو..؟
ايثار: چنا دنحضر العشا ودخل ابوية علينا ..

بيت كوم ناس وكلهم حالهم حال الموتى ..

وين صرتو ..وليد ..سعيد ..ايثااار ..

ايثار: هذا صوت ابوية ؟

حكيمة: الله يستر ..

وصدك الله اليستر ..
ركضت دا اشوف شكو ..

والولد كاعدين گامو سلمو ع ابوية ..

وليد جان ضايج ..

هااا يابة هلو و..
هلا..هلا ...بابا..

جان حضن بارد بلا مشاعر ..

تعشينا وكملنا ..ودنشرب شاي وابوية مبين يريد يحجي كلام مو كادر يحجي ..

حكيمة: هااا قاسم ..خيرك ..ناوي ع زواجة جديدة وتريد تعزمنا ..

قاسم: ههههه..والله خوش فكرة بس لا مو هذا الجابني ..