رد لي قلبي

ج13

وليد: ضااااع كل شي ضعت اني ،سعيد الحگلي شااحچي شااگول ..

سعيد: ووووخر ..هذا اللي ردته ورطتنا بجريمة قتل ومنو كتلت اختك مافكرت انت مافكرت ..شرح نسوي گلي شرح نسوي ..

مكارم: يامصيبتج السودة يا مكارم عزة العزاج راح الحلال والرجال ورح نصفى بالشارع من ورا وحدة ماتسوى ..

احمد: يابة جايز اتخربطت بس شوف بيها نفس يمكن عايشة ..

وليد : باوع بنظرة رجاء لسعيد ..

سعيييييد...

احمد: خليني اشوف ..

يابة اكو نبض ..اكو نبض بعدها عايشة يلا نوديها مستشفى ..

شالني احمد بس ابو مخلى ..

انتظر ..هاي اذا راحت مستشفى وقرروها مو رح نوگع بتهلكة ..

سعيد: وخر منا وليد ،اني مشيت وراك بس الظاهر شيطانك نساك هاي اختنا الصغيرة ..

واذا عفتها ع ايدك تموت ..
وليد: سعييييد..

وخر من كدامي ..

شالني سعيد ونقلني للمستشفى واول ماوصلنا ماعرف غير يحجي قصة خطرت بالة ..

مرحبا دكتورة ..اختي دخلنا عليها للغرفة لگيناها شانقة روحها ولما نلحگ علبها چان ماتت..

طبعا اجراات المستشفى متصير الا مركز شرطة ..

سعيد: ميخالف ..بس لحكي لااختي الله يخليج ابوية مات مصارلة شهر وهي كلش تأثرت بوفاته واكتئبت..

شدولي مغذي وطلع سبب الاغماء قلة التغذية ..

جنت حاسة وسامعة كل شي بس قاقدة ..

جمعوا اخواني واتفقوا ع نفس القصة ..

سعيد: شووف وليد اني ضد كل السويتة ومراضي علي واظطريت اچذب ورادو يذبوني ورا الشمس بسببك ..بس مالك دخل بيها تطلع منا وين تريد تروح خل تروح المهم الله يسهل علينا انت لو ماخذها بالطيب وماعمى عينك الطمع چان بالتراضي حليناها ..

وليد: نسيت هذا تعبنا نسيت احنا شسوينا عمود هذي المصلحة تكبر وتنجح ..

اسمع سعيد زين انت حچيت انو محاولة انتحار عمود نگول اختنا نفسيتها تعبانة ونضير اوصياء عليها ..

سعيد: ولييييد...انت ماتتعض البنية رادت تروح بالرجلين وانت تستغل كلامي..

سعييييد..افهم هذا تعبنا وهاي اختك قشمر باجر وفاء تستغل هالشي وتقشمرها نسيت شسوت باابوية مو بغيدة هي الجانت السبب بموت ابوية ..

انت شنو طينتك لو رايدة تستفاد ليش خلت كل شي بااسم ايثار ..؟

غبي انت ، عمود تبعد الشبهة عنها ،لو كل شي بااسمها چان كدرنا نطعن بالوصية ونكول ابونا مجان بوعية بس هي خلتها بيد ايثار عمود تلعب بفلوسنا براحتها ..وايثار رح تسمعلها نسيت شسوت بالفاتحة عمود تاخذ ايثار ..