شجاعة مني بدات كلشي(بالدارجة المغربية)

سمحو ليااا تعطلتتتتت عليكم بزااففف؛المهم قبلو على هدشي لي كتبت اليوم💗

رحاب بقات غير كتشوف فيه و هي كتبكي ؛هيتم لي بعد منها و قال:
هيتم:المهم لي عندي راني قلتو ليك هذي هي نمرتي فاش انبغيك انصوني عليك
رحاب بقلت حيلة كتمسح فدموعها حركات ليه راسها زعمه بأه و حلات لباب و خرجات...مع خرجات تلفون هيتم بدا كيصوني
هيتم: الو...واخا هاني جاي...

اما بالنسبة لرحاب فاش خرجات من عند هيتم مشات لدارهم ديريكت طريق كامل و هي ساهية و غير كتفكر فأش طيحات راسها فيه واش لهذ دراجة كين بنادم مكيسمحش فكبريائو؛ و داكشي لي سمعات باقي كيدور ليها فراسها بالعرض البطيئ لدرجة محسات براسها حتى كانت فدربهم و قدام لعتبة ديال دارهم تنهدات و حلات لباب كتفكر فشي كذب تقولها لماماها حيت جات بكري...مع هي داخل ماماها كانت يله غادي تخرج)

صوفيا:(حطات لقوفا من يديها للأرض و شدات وجه بنتها بيديها)مالك ابنتي جيتي بكري بنتلي ماشي هيا هديك
رحاب:(شدات لماماها ف يديها )مكين والو ا ماما غير ما كنحسش براسي مزيان
صوفيا:(كدوز يديها على راسها)الله على بنتي الله يكما نديك للطبيب
رحاب:لا اماما الله يهديك راني غير عيان شوية مكين والو(هزات ليها القوف من الأرض و عطاتها ليها لو بدات كضحك)هاكيي هاكيي سيري تقداي بقاي تفشي فيا والله لا خرجتي
صوفيا(كضحك)ههههه عارف راسك بوحاطية
ر

حاب:هههههه تمامااااا يالله انا طالعا لبيتي نرتاح فيا للموت ديال النعاس
صوفيا(قرساتها من دراعها)قولي ليا اجنية جابك غا نعاس
رحاب:(كتحك فين قرساتها)اااح قرصاتك مسمومين ألطيييف
(صوفيا هبطات جيهت صابوها للابسه زعما باش تشيرو عليها؛ رحاب درباتها بجري للدروج طالعا لبيتها)
رحاب:غير كضحك معاك ا ماماتي متقلقيش
صوفيا(ضحكات على هبالها و خرجات)
رحاب دخلات لبيتها و تلاحت فوق نموسيتها و كتشوف فسقف لي كول عامر برود او مقشر او محفر او هي ساهي كتخمم فالهدرة ليقال لها هيتم؛ ناضت من بلاصتها جيهة شرجم لي فبيتها حلاتو و بدات كطل على الدرب و كتشوف فلي غادي او لي جاي...
رجاب(كدوي مع راسها)ولكن...بلاتي كيفاش وصلو هادشي لي قلت مايمكنش...زعما حياة...لا...لا...حياة مديرش ليا هكا  (كتخربق فشعرها بيديها)اااا...مالي درت هد دراما كامل اش عندو ميدير gاع نهار يومين ايسالي هدشي ...ميقدر يدير والو...ياربي اش درت...اش درت غير حيت دافعت او دويت على راسي ايطرا ليا هكا..اش كيحساب ليه راسو.. لي سمع سميتو يقول هنا نبات...ولكن والله لا خليتو يدير بيا ما بغى(خبطات الشرجم بجهد و دخلات دوش)
#عند هيتم لي حتى هو مور ما عيط ليه مراد صاحبو باش يمشي عندو خرج من الليسي بغرور او كبرياء فحال إلى مدار والو مشى لgراج ديال فؤاد خدى مطورو او كسيرا لدربهم باش يتلاقى مع مراد...وصل حط مطورو او دخل لدار لي كيتجمع فيها هو و صاحبو مرا مرا و كيحطو فيها السلع فحال الحشيش ولا المعجون المهم داكشي لكيبيعو للولاد الدرب تما دخل او تم طالع فدروج إلى فيهم الزليج بيض..واخا الدار من برا كتبان قديمة مي من الداخل قصر صغير...مع الخر ديال الدروج تم غادي فواحد الكولوار حتى خرج فواحد الصالة كبيرة عصرية بفوطيات كحلين و شراجم باللون الرمادي و تريا كبيرا بيضه لاصقه فسقف...طبلة كبير ديال الجاج محطوط فوق منها صاك عامر فلوس و زرقات على الجهد مليوحين فوق منها او فالارض...مراد  لي كان واقف كيدو فوسط الصالة مخنزر او كيكمي ...)
هيتم:(داير يديه فجيبو او كيدوي) مالك مصوني ليا ياك خليتك فلليسي... كي درتي وصلتي لدار ...
مراد:تا اشمن ليسي ولا لق**ي (ساط الدخان من فمو...)رجال ديال ساليم تهجمو على رجالنا او داو لينا الأسلحة لي كانو جاين فالباطوا اليوم من الطاليان...داو كولشي(ستنشق من الgارو لي شادو بجوج سباع)...دارها بينا..
هيتم:(دوز يديه على شعرو بعصبية)مكينش لي يديرها بينا...نوض تحرك نمشيو
مراد:فين غنمشيو؟؟
هيتم:نصفي حسابي معاه
( دخل لبيو لى كيفوح منو ريحتو الرجولية...كان حتى هو كولو بلون الكحل و الرمادي بديكورات تقدر تركب فيك الرعب فاش تشوفهم..دخل الدريسينغ لبس كيطما باللون البيض مع الزرق الغامق داز للخزانة ديالو جبد منها فردي و خشاه فسروالو...خرج من بيتو حتى كيبان ليه مراد كيتسنا فيه)
هيتم( هابط فالدروج) عيط على الرجال بغيتهم داب يكونو عندي
مراد: ديج عيطت ليهم...
هيتم:(ضحك ضحكة جانبية بمكر و ركب فلوطو هو او مراد او تابعينهم رجالهم فجوج طموبيلات من اللور...او غادين ناوي على خزية)