شجاعة مني بدات كلشي(بالدارجة المغربية)

Part7

(ناصت رحاب من جيهة المرايا كتشوف فشعرها وش تلقو ولا تجمعو حياة كانت كتشوف فيها و هي تنطق)
حياة:جمعي شعرك كيبان منفوخ
رحاب:ااا وايلي مامنفوخ والو
حياة:غا سعفيني و جمعيه راه انا لي كانشوف
رحاب:(بقات مدة كتشوف فشعرها لي كان بصح عادي و ما منفوخش واكن يقدر يكون عند حياة الصح )اامم صافي واخ انا غنضفرو حسن
حياة:المهم المهم  يلاه نخرجوا دابا
رحاب:عرفتي شنو ادوزي معيا الدار نبدل هد الكسوة
حياة:(كتصيب العكر لي فمها و هضرات بغرور كتحرك ليها يديها جيهة دريسنغ)راه خودي من تما لي بغيتي
رحاب محملاااتش تعاملها و حسات براسها ماتسوى والو قدامها شافت راسها فالمراية كتقارن  بينها و بين حياة...تقدرو تقولو حسات بنقص داكشي علاش مشات تقلب بين لكساوي باش ترضي راسها...خرجات مور مدة واقفة قدام المرآة راضيه على اللوك ديالها بكسوتها الكحل لاصقة عليها عازلا ليها فورمتها طويلة بالكمام و طيحة من جيهة الكتاف ختماتها فلخر فكات الضفرة  طالقه شعرها الكحل الطويل لي ما غا زاد زينها غافلةعلى عينين حياة لي كتشوف فيها بنظزات غراب؟يكون حسد زغما؟!؟
حياة:جيتي زوينة بزااف تقولي الكسوة شريتها ليك هههههههه...واش اتسيبي وجهك؟
رحاب :لا لا مبغيتش اصلا يلاه نخرجوا دابا قبل ما يبدا يضلام علينا الحال
حياة؛ااه واخا يلاه
كان قريبة 7 ديال العشية هبطو الدريات التحت عند العيالات
حياة:مامي ها حنا خارجين قبل 11 واخا
مامات حياة:واخا ابنتي ردوا البال لراسكم
صوفيا بقات غير كتشوف فبنتها و كيفاش لابسا ماشي ستيل ديالها،ناضت عندها و جراتها لواحد القنت باش دوي معاها
صوفيا:شوفي ابنتي انا كنتيق فيك خرجي ضحكي و لعبي مع راسك واكن وياك تغدريني
رحاب:ما عندك مناش تخافي ا ماما
صوفيا:رجعي بكري ،(شداتها من كتافها و هي كتشوف ليها فعينيها)عمرك تحسي بنقص ا بنتي باش ترضي نظرة الناس فيك بقاي فسباغتك (رحاب يلاه بغات دوي و هي تقاطعها ماماها بتعنيقا و قالت ليها فودنيها :جيتي زوينة بزاف،يلاه ردي لبال لراسك احبيبتي
رحاب باست مامها بعينيها مغرغرين ودعاتها و خرجات هي و حياة ركبو فالوطو ديال حياة
حياة:انضربو دويره بلوطو شوية فالمدينة و مورها انديك لواحد البلاصة واااعراة
رحاب:ااهه واخا
ساعة كتشير ل8 البنات عاد وصلو البلاصة فين غدي يقص... هبطو من لوطو...مع طلعات رحاب راسها تشوف راسها فين كتصدم...
رحاب (بينها و بين راسها همسات كتقرا سمية...LA ZONE )حياة اش هدشي؟؟؟؟
حياة:كولشي واضح و باين بار و لكن هااااي كلاص احبيبة هههههههه
رحاب:عند بالك هدشي كيضحك ا حياة ولا شنو
حياة؛حبي بلاما تبقاي تمهبلي عليا راه بينه منين انخرجو ها فبن ادوز الخريجة
رحاب:ماشي فلباار ا حياة واش منيتك
حياة:(شدات ليها يديها و جارها قدامها )يلاه بركة من الهضرة  راه كيتسناونا الداخل
رحاب غير مgيد و مفاهمه والو...الجو لداخل فشكل اول مرة تكتاشفو
#رحاب كدوي
الدنيا عامرة دخان و ضواو...صوت المسيقى ضرني فراسي...بنادم هاز قراعي و كيسان دشراب كيشطحو و يتمايلو مع الأغاني...هد الريحة كتفكرني ف بابا...خنقتني...بنات لابسين المعري كتر من المغطي...اش دخلني انا هنا مابغيتش نتخلط مع الوسخ...
حياة:هااااي حبي
كرم:كيسلم عليها بالوجه:وافيينن الحب لاباس(شاف رحاب طلعها و هبطها)شكون هد التوت لي حداك
حياة:هذي صحيبتي رحاب...رحاب دوي مالك ساكت...و رحااابب
رحاب:اااا....صوت الموسيقى مجهد مكنسمع والو
حياة:(كدوي ليها فودنيها )كلسيي كلسي
فنفس البار ولكين بعيد على صداع و الاغاني الطابق التاني فالقنت لي
كيكون فيه ديما مجمع مع نزار كيدويو 
نزار:وايلي اش تفكرت اصحيبي
جلال هاز كاس د شراب و بينا فيه سكرااانن:شنو؟
نزار:ديك تيتيزلي قمعاتك فليسي ا ساط  مشات لبا سميتها
جلال:رجع راسو حاطو على الحيط كيشوف فسقف كيتخيل صورتها و هو ينطق بزربه بلاما يفكر:رحااب
نزار سكران كتتتترر منوو :ايييهه رحااابب
جلال:اش فكرك فيها
نزار:بانت ليا gبيل وحده كتشبه ليها...لا واقيلا غا حيت سكرت هههههه
جلال:ضربتي طاسا حتى تخلطو ليك طواسا
نزار:اش بينك و بينها...هااءءء ههههههه...هااااء
جلال:خبط فوق طبلة حتى القراعي بداو كيتزعزعو:نزار تبت و حل معايا عقلك و سمع للمفيد
رحاب gالسا وسطهم كانو تلاتة دراري و دريات و هي الرابعة كلهم كيشيشو و حتى حياة معاهم تصدمات فصحبتها الصراحة ولكن كولشي توقعو منها منين جابتها لهذ البلاصة...المهم و هي gالسا و كل مرة كطل على الساعة كانت ساعة كتشير ل١١ و حياة عاااد حلات عليها الgلسة
رحاب كدوي فودن حياة بجهد:حياة راه الحداش هذي نوضي نمشيو الله يهديك راه تعتلت انا بزاف و الله حتى يقتلني بابا
حياة كان كتشيش يلاه ادوي مع رحاب و هي تصوط الدخان على وجهها:واخا زيدي صبري غير شويه"و ضارت مكمل الهضرة مع كرم لي حداها
رحاب شدات فصدرها مخنوقة و كتحاول تنوض الدوخة حكماتها...غير غادية و كتمشى مره تخرج فشي حد مره يقيسها شي حد و يبغي يجرها تشطح معاه و هي لي جا قدامها كدفعو بغات غير تخرج من هد الزحام بغات غير تنفس بانو ليها الدروج تلعات فيهم و هي كتنهج سلات دوك دروج غير بزز...كتمشى وسط الكولوار و مكاليا بيدها فالحيط باش متفقدش توازنها...صافي عيات مابقاش قادرة تزيد كتر و هي طيح و ظهرها على الحيط كتحاول تنظم التنفس ديالها حتى لمحات قدامها باب لي كان من زاج محلول شوية و كتسمع الهضرة
رحاب بان ليها نزار جالس مقابل معها كيشرب و شي واحد واقف قدام شرجم عاطيها بضهر همسات بشوية:مراد؟؟؟
جلال واقف عاطي بطهرو للباب و كيدوي مكشكش و مراد gالس كيشرب:هضر وحدة راني قلتها...انا صيفتكم تفنيوه سمعتييييي ماشي تجي تقوليا راه هرب لينا واش مخدم معيا ز*امل...راه جلال هدا لي غلط غيخلص و مابعيتش رجالي يموتو على يدي
نزارسكران كيضحك غير بوحدو:لاأأأ ا صحيبيييي جلالللل (او نعت جيهة جلال )و نزار (نعت لجيهة راسو ر هو كيضحك مع صبعو)هىءءءء هههههههه
قطع الخط مع ضار كتبان ليه كتحاول توقف و كتشوف فيه مامتيقاش اش كتسمع
رحاب:ههدااا قتتتااال لااا اششش هدشيي
جلال:ااشش كدير هادي هناااا اش كديييرر(خبط تلفون فلارض و خرج قاصدها
رحاب وقفت بغا غير تهرب و لكن رجلها بزز كيمشوها و كتلفت تشوف وراها
جلال خرج و غوت غوتا وحدا قفزها:رحاااااابب وقفي
رحاب تخلطت عليها الخنق بالدوجة و الخلعة مع البكية بغات تجري ولكن هو كان سرع منها حكمها من يديها و لصقها مع الحيط محاصرها:اششش سمعتييي اششش سمعتيييي...دوووييي
رحاب كتنهج:هههءء مااا..مااا سمعت و..االووو...وااالو
جلال خبط يديه مع الحيط:راه دويت معاك اش سمعتييييي
رحاب كتنخصص كدفع فيه:مسمعت والوو...خليني نمشي فحاليييي حيييدد
جلال شدها من شعرها مقرب و جهها لعندو و عينيه الحمرين مفيكسين فعينيها لي كيتسدو و عامرين بدموع:متجهليش ديل ميييي انسولك لأخر مرااااا ااااششش سمعتيييي
رحاب صافي مبقاتش قادرة تزيد تقاوم كتر و هي طيح سخفانه بين يديه
جلال:هزها و دخل بها لداخل:نود ت*ود من هنا
مراد:شي بنية هذي ندوزو بها ليلا و لا كفاش...انا بعدا مفياش هىءءءء
جلال:و تgعد القلا*ي (حطها جلال فوق الفوتوي و هز قرعة لما لي كانت فوق طبلة و خواها عليها....رحاب فاقت قافزا و اول حاجة حلات صاكها و هي كترعد جبدات فونطولين و دارتو دغيا و بدات كترجع فنفس حطات راسها على الفوطوي بلور كتنظيم فالتنفس ديالها غافلا على هداك لي قدامها حاضي جميع تصرفاتها و تفاصيلها)
جلال (زعزعها بصوتو)رحاب
رحاب:(هزات راسها فيه مخلوعة و يلاه بغات دوي و هو يصوني تلفونها)....الو...ماما...لاا والله راه حياة لي....كيفاش...واش نتي لاباس...الوووو ماماااا الوووو(كتبكي)الووو مامااا جوبنييي عافاك مامااا (ناضت قاصدا لباب تخرج ولكن جلال جرها من دراعها مرجعها عندو
جلال:واش انا قلت ليك خرجيييي؟؟؟؟
رحاب كتههضر و تنخصص:عافاك ماماا...خاصني نمشي عند ماماا...عافك
جلال شدها من فكها مضورها عندو:و انا مالي اااا؟؟
رحاب شدات ليه فيديه و هي كتبكي:عاافاك باابااا ايقتلها عافاكك خصني نمشي عند مامااا عافاك دينيي عند ماما
جلال نتر ليها يديها:صبري راسك عودو ليك عليا بوليسيي؟؟
رحاب عنقاتو و هي كطلب و تعاود:عافاكك كنطلبك عافااكك ندير ليك لي بغيتي غير ديني عندها
جلال مور هد تعتيقة شي حاجة فيه تحركات بلاما يزيد معاها فالهضرة هز سوارت لوطو ديالو و شدها من يديها غادي بها