မျက်လုံးနှစ်လုံး ပွင့်လာသည်နှင့် အရင်ဆုံးရှာနေမိသူက ကိုကို့ကိုပင်။
ဘေးကနေရာလွတ်ကြောင့် ကိုကိုထသွားပြီဆိုတာကို သိလိုက်ရ၏။
ထထိုင်လိုက်တော့ နဖူးပေါ်က ပြုတ်ကျလာတဲ့ ရေပတ်ဝတ်။
" အာ ... ငါညက အဖျားကြီးပြန်ပြီထင်တယ် "
အောက်ကိုဆင်းလာတော့ မားတစ်ယောက်ဟာ ဘာတွေလုပ်နေမှန်းမသိ။
" မား "
" ဟယ် .. သားငယ်လေး နိုးလာပြီလား? "
ထိုင်နေရာကနေ ထလာကာ နဖူးကိုစမ်း ၊ ပါးကိုစမ်းလိုက်လုပ်ပြီး
" အဖျားတော့ မရှိတော့ပါဘူး "
" သား ညက ဖျားတယ်မလား ? "
" ဟုတ်တယ် ... အဖျားကြီးပြီး သတိလစ်သွားလို့ သားရဲ့ ကိုကိုက ယောက်ယက်ခက်နေရော "
မား၏ စကားကြောင့် စပ်ဖြီးဖြီးဖြစ်သွားတော့ မားက လက်မောင်းကို အသာရိုက်ပြီး
" သားရဲ့ ကိုကိုက တစ်ညလုံး မအိပ်ပဲ သားကို စောင့်နေပေးတာ ... ဆရာဝန်ကို ပင့်တော့ သားကို ဆေးထိုးပေးနေတာကို ကြည့်ပြီး အဲ့ကလေး မျက်ရည်တွေကျတယ် "
" ဟင် ! ကိုကိုက? "
" အင်း ... မား မေးလိုက်တော့ ကလေးလေးကို သူ့လက်နဲ့ ဆေးကုပေးချင်ပေမယ့် ဆေးမကုနိုင်ဘူးတဲ့ ... သူ ဆေးကုပေးလိုက်လို့ Jung Hyun လို ကလေးလေး သေသွားရင် ဘယ်လိုလုပ်မလဲတဲ့လေ "
" ... "
" အဲ့ကလေးက သားငယ်ကို သိပ်ချစ်တာပါ ... သိပ်ချစ်တယ်ဆိုတာထက် မားတို့မြင်နေရတာကတော့ သိပ်ကိုအချစ်လွန်နေတာ ... အဲ့ကလေးကို အရင်ကလိုမျိုး ထပ်မလုပ်ပါနဲ့ သားငယ်ရယ် ... သားငယ်ကြောင့် ရူးသွားခဲ့တဲ့ ကောင်လေးမလား? "
" မား သိနေတာလား? "
" Yoongi လေးပြောပြတာကြောင့် သိနေတာပါ ... သားကြောင့် အဲ့ကလေး နှလုံးသားက အများကြီးနာကျင်ခဲ့ရပြီးပြီမလား ? ဒီတစ်ခါတော့ ထပ်ပြီး နာကျင်အောင်မလုပ်ပါနဲ့ သားငယ်ရယ် ... မားရဲ့ သားငယ်လေးက လိမ္မာမယ်မလား? "
" သားအခု ကိုကိုစိတ်ဆိုးပြေအောင် ချော့နေပါတယ်.. သူ့ကို နာကျင်အောင်ထပ်မလုပ်တော့ပါဘူး ... သူ့ကို အဆုံးရှုံးမခံနိုင်ဘူး မား "
" မား နားလည်ပြီ ... သား ကိုကို ကို သေချာချော့လိုက်နော် သားငယ် ... ဟိုကလေးက သားဘက်က သေချာချော့ရင် စိတ်ဆိုးပြေမှာပါ "
" ဟုတ်ကဲ့ ... ဒါနဲ့ ပါးနဲ့ ကိုကိုရော ? "
" သူတို့နှစ်ယောက် အခုဆို ခြံထဲသွားပြီပေါ့ ... သားရဲ့ ကိုကိုက အိမ်မှာအလကားမနေချင်လို့ဆိုပြီး ပါးနှင့်အတူ ခြံထဲလိုက်သွားတယ်လေ ... အဲ့ကလေးက အားတော့ကိုးရတယ် သားငယ်ရေ ... မနေ့ညက ဟင်းတွေကလည်း သူပဲချက်ထားတာကို သိတယ်မလား? "
" သိတယ် မား ... ကိုကိုက Tae Tae ကို သိပ်ချစ်တာ တွေ့ တယ်မလား မား? "
" တွေ့ ပါ့ရှင် "
![](https://img.wattpad.com/cover/321695812-288-k465051.jpg)