اليتيمة والمتعجرف🍒مكتملة🍒

🍒الجزء 30🍒

🍒بقلم كريمة  ??
#الحلقة30:
*فالمكتب جالسة ليلى كا تشرب فالعصير حتى حسسات بالباب تدفع بقوة يلاه غادي تبدى تعاير حتى فشلات ملي شافت شخص بقيمتو و بمقامو داخل وتم جاي عندها و بدأ كا يتقل فالمشية وهي بدات كتدخل و تخرج فالهضرة حيت عارفة سي جاد كلمتو مسموعة و كا يخاف منو الكبير و الصغير و كولشي كا يعرفو
ليلى:هههه سي فراس بطولتو  و مقامو اجي جلس مرحبا بيك نسيتي ايام شحال هادي اشنو بغيتي تشرب نجيب ليك
جاد:(ضرب يدو مع الطبلة حتى من العصير تخوض نصو و بدات علامات الخوف كا يبانو عليها شوية و تسخف و تمالكات خوفها و اعصابها)مجايش باش نشرب بغيت هاديك المغنية العاهرة نديها معايا تغني ليا و حتى انا مغاديش نسا الخير لي غا ديري فيا و تقنعيها حيت عارف رأسها قاصح و المبلغ لي بغيتيه نحضرو بيك دابا عارفاني علاش قاد و ما بغيتش شي غلط لي يقدر يرجع عليك بالندامة من بعد تغاهنا
ليلى :هههه اه واش كدوي على اسراء هي من أحسن المغنيات عندنا فالملهى و عاهرة  (بنت الحرام غير كدبات عليه حيت شافت الفلوس و ما بغاتش تضيع هاد الفرصة من يديها حيت كا تجيها مرة فشحال
جاد:(مسح على دقنو ودار ابتسامة انتصار ) تفاهمنا
خرج جاد و زدح الباب مشا من الملهى غير مشا بقات كتشطح غير بوحدها و طلعات كتجري عند اسراء لبيتها
ليلى :دق دق دق دق دق 😍😍😍😍
اسراء :واش مكتخليش شي حد ينعس على خاطرو يلاه حطيت راسي على المخدة واش حرام
ليلى:ههه خلينا من هاد الهضرة 😂😂 جاد جاد
اسراء :(غير سمعات سميتو فشلوا ليها الركابي )😲😲 مالو داك المتعجرف
ليلى :وجدي راسك من دابا حيت جاد غدا غادي يجي ديك معاه تغني ليه و عطاني العربون ههه فرحانة بزاف فرحي حتى انتي هبيلة
اسراء:معامن تشاورتي وشكون قال ليك بلي موافقة هئ هئ مغادي نمشي حتال بلاصة
ليلى :بزز منك باقي معرفتيهش إلى خصرتي ليه خاطرو كون كانت هدى مغاديش ضيع هاد الفرصة
اسراء:سكتي متبقايش تقارنيني بالبشر انا ماشي فحالها
ليلى :شوفي آخر مرة نقول ليك غا تمشي بالخاطر ولا بالسيف حيت خديت الفلوس و مغاديش يرجعو الزين واش نسيتي خيري انا لي جبتك من الزنقة كون وقعات ليك شي حاجة كفس من هاكدا جاب الله كنت واقفة معاك )وخرجات خلات اسراء مصدومة من هضرتها حيت تحرمات من حنين الأم والأب و أخيرا عاد قالت بلي لقات عائلة كتاشفات بلي غير كا تحلم😔😔😔