اليتيمة والمتعجرف🍒مكتملة🍒

🍒الجزء 58🍒

🍒بقلم كريمة  ??
#الحلقة58
دعاء :داك شي لي كنتمنى إسراء ممكن تجي معايا للكوزينة ههه مخصنا نضيعو حتى دقيقة دابا
إسراء  (دارت شافت فجاد زعما واش تمشي أشار ليها برأسو )اوكي هاني جاية
(من بعد مشاو البطلات ديالنا للكوزينة سدات دعاء عليهم الباب و جرت إسراء كا تقري فيها باش ترجع ليها عقلها لدماغها و قبل ما تدخل فالمسكي قررات تسد جروح الماضي
دعاء :إسراء انا عارفة ماشي وقت هاد الهضرة دابا حيت بسبابنا تاديتي بززاف من وقت ما خرجتي من دار و انا كنقلب عليك و كنتي غير حدايا و معرفتش ماما كانت كتبكي ليل و نهار حيت ربات عليك الكبدة و خصوصا انتي كنتي وصية من ماماك المرحومة و بابا حتى هو بقى فيه حال بزاف كره راسو على داك شي لي دار تمنى يرجع زمان لور و مايجرحكش و بقى فيا الحال بزاف على داك شي لي دار جاد واخا مادار فيها ما يليق و لكن كايحماق عليك ا ختي
إسراء :شنو قلت ليك فالصالة نساي الماضي خالتي مليكة حتى انا توحشتها بزاف و بالنسبه لعمي لي هو باباك يكفي ملي عتارف بالخطأ ديالو انا مسامحاه دنيا و اخرة حيت فاخر مطاف ربي كايسامح ادن علاش حنى البشر نتكبرو نجيك الصراحة واخا داك شي لي دار فيا جاد ماشي قليل و لكن كنبغيه بغيت نساه حيت ماشي ساهل نبغي شي حد ضمر أحلامي و طموحاتي فرمشة عين
دعاء :متافقة معاك اختي ولكن هه حتى هو فراسو بلي كتبغيه
إسراء :باش عرف مقلتهاش ليه اويلي طيحت دل على  راسي
دعاء :تصرفاتك هوما لي فاضحينك داك شي علاش عرف هو و لكن باغيك تنازلي
إسراء بفففف مصيبة هادي 😔😔
دعاء :شنو لي خلاه يدير فيك ديك حالة ملي ما بيناتكم والو
إسراء :بفففف عايرتو فاش شافني فالملهى تم غادي مجرجرني فحال كلبة😭😔
دعاء :بطبيعة الحال ملي عايرتيه غادي يدير العكس حتى هو عرفتي شنو هاديك راها الغيرة دابا انتي لا بقيتي تصرفي هاكدا طيرو ليك شي وحدة 😂😂
إسراء  (شافت شوفات ديال قتيلة هاد شي غير ما هامهاش )نقتلها نخرج عينيها من بلاصتهم😡😡
دعاء: (تفركعت بالضحك)ياك مكيهمكش😂😂😂
إسراء :بفففف عفاك شنو ندير دخت والله
دعاء :عرفتي شنو مع انا توحشتك ياكي علاش ما تبقاوش تباتو عندنا و منها نفكرو فشي حيلة
إسراء :داك المصعور موحالش واش يبغي
دعاء :خليه عليا😂😂😂
إسراء :واخا لالة يوم نشهد على روحي
ومن بعد سالات دعاء من توجاد ديال اتاي حطات معاهم الحلويات على الأشكال و الانواع و البغرير و الحرشة و البيض