البارات الخامس..
تساؤل اجودي:
"علام نجد اللي تشيل الزحازيح
عيّت تشيل الضيق من عين شايع".
دخل بهدوء وهو يعرف كل ركن في ذا البيت الصمّت يعم أركان المكان كان صوت تنفُسه الوحيد الي ينسِمع نظراته تستكشف المكان تغير كثير عليه سكر الباب الزجاجي اللي قدر يدخل منه براحه..!
وجر خطواته للمكتب بسرعه وقعد يدور بالملفات اوراق كثيره وكلها صفقات وشراكات ومشاريع لشركتهم الورقه اللي يبحث عنها ماهي موجوده..!
تنفس بهدوء لجل يركز شوي..!
يرفع الملفات ويدور على المكتب لاكن مالقى..!
بحث عن الخزنه ولقاها بسرعه عض على شفايفه وهو يقول في نفسه:تذكرها تذكرها ياشايع ركز..!
مرر اصابعه على رقم يحفظه زين وكيف مايحفظه وهو تاريخ مهم بالنسبه له..!
١٩٩٠
من شافها اعلنت فتحها حس بشعور غريب يعصر قلبه..!
سكر عينه بقوه وهو يحط يده على قلبه لعله يخفف من المه..!
دمعت عينه غصب ومسحها بقسوه بطرف كمه ..!
فتش بسرعه وفعلاً ماخاب ظنه ولقاها بسرعه طلع الورقه اللي معه ورماها وسط الخزنه وسكرها بسرعه..!
يسمع خطوات شخص جاي للمكتب..!
طلع بسرعه من االباب الزجاجي وكان بيهرب وبيكمل طريقه لكن شي منعه من سمع صوتها الباكي..!
لف بهدوء فتح عيونه وهو يشوف و يتأمل الجمال الي يشوفه والي سلب عقله بروعة المنظر الأنثــى الرائعة الي ماشاف منها كثر هالليله ,تمسح دموعها ببرائه خاصه فيها..!
ماكان له قدرة على الكلام من أول شوفها،ومابقى بداخله شعور ماتفّجر بهاللحظة كيف تداري دموعها وكيف تمسحها برقه وكيف تمسك كتفها الثانيه وهي تتألم منها لفتها،كعبها،شعرها
فستانها وظهرها وكل تفصيله فيها جابـوه من أقصـاه ..!
فقط يتأمل ومايدري لوين بيوديه هالتأمل لكن الواضح له انه لطريق ثاني مختلف تماماً عن خططه..!
شافها طلعت بسرعه..!
تنهد بسرعه وهو ياخذ نفس عشان يطلع..!
ركض بسرعه وهو يدخل السياره سكر الباب وهو يتنفس بقوه.!
:حرك حرك.!
———
صباح جديد..!
كانت واقفه على شرفة غرفتها وسرعان ما ابتسمت من منظر يأسر قلبها مثل هالموقف اللي يصير بين جدها وجدتها تحس فعلاً الحب مايقصر على عمر معين..!
ام علي اللي بسرعه مشت وهي تمد الجاكيت لـ ابو علي اللي ابتسم غصب وقالها:تخافين علي من البرد.؟
ام علي:عشان ماتمرض وتبلشنا.!
ابتسم من غرورها اللي على مر هالسنين ماتخلت عنه:يقولك ابو نوره ليه عمري مالقى لبرده دفى الا دفاكِ..!
ام علي ابتسمت:حافظ لـ ابو نوره اكثر منه الله يعينا على كلام ابو نوره..!
ابتسمت من شافتهم كلهم يضحكون وسرعان مالفو كلهم لها..!
شافت جدها قال لجدتها شي والواضح انه يعنيها بكلامه..
من لفت جدتها عليها وابتسمت هنا تأكدت ان كلامه عليها.!
بعد ماشافت جدها طلع.جلست على الكنبه وقدامها اوراق وقلم من شافتهم وهي تمسح على وجهها بخفوت وودها بالف شي وشي هاللحظه لكنها مو قادره تحرك ساكن ولا فيها حيل اساساً وتحس ودها بس تقعد لحالها بغرفتها..
دقت الخادمه الباب وسمحت لها تدخل تركت كوب القهوه قدامها
:شفتي البسه .؟
هزت راسها بالايجاب..!
:تمام انتبهي لها.!
ابتسمت لها بهدوء وسمحت لها بالخروج..!
كانت النيه تشرب قهوتها وتروق وتبدا مذاكره لاختبارها اللي بكره..!
لكن فيه شي يشغل بالها وماتدري ايش..!
لفت بسرعه وهي تشوف البوكس اللي جابته رهف معاها..!
سحبته بملل واضح انه فيه شي ثقيل فتحته و انصدمت من اللي تشوفه قدامها..!
حتى لما قالت لها رهف هذا تعويض من الشركه توقعت شي ثاني..!
محد يعرف ان ايبادها طاح وانكسر الا هو..!!
واللي قدامها اللحين ايباد جديد.!!!
هزت راسها بالنفي وهي تقول:من ايش هالانسان.!
اخذ جوالها وهي ترسل لرهف خافت تتصل وتزعجها هالاوقات :صاحيه.؟
عدلت جلستها بهدوء وهي تاخذ نفـس عميق وكل ودها
بهاللحظة ان مخها يصفى من كل فكره من شايع بكبره..!
بعز افكارها جاها رد رهف:بسم الله شفيك.؟
غرام:بخصوص التعويض اللي على قولتك من الشركه باي حق يجيني خييرر يضن اني عجزانه عن اني اجيب غيره..!
كملت:اجيب عشرة.!
رهف اللي تجهل الموضوع:انتي اللحين معصبه.؟
غرام:ايه معصبه وبنفجر عليك انتي بعد..!
رهف ابتسمت:طيب تعالي لي وانفجري عندي وفهميني الموضوع زين .!
غرام:والله مالي خلق
غيرت رايها:تدرين بجيب لك هالتعويض عشان ترمينه بوجهه..!
