🚜مولات تراكتور🚜
🖇️بقلم :ريم🖇️
🌸بارت 23🌸
🌛رمضان كريم🌛
داز نهار وجا نهار... خرجو بجوج لابسين حوايج لخروج... ركبو فطونوبيل متاجهين لفيلاج... لينا لي سمعاتهم تيدويو عليه وشدات فيه حتا وافق انهم اخرجو... دسمارا طونوبيل محرك لوجهتو...
دوزات روتينها ليومي وبقات فدار كتشقا حيت صبحات ربيعة عيانة ضارينها ركابي... فضلات حتا تشقا عاد تمشي طل على لارض لي ماشافتهاش لبارح...
غسلات لماعن ونصبات لغدا عبارة عن مرقة بلخضرة... عجنات لخبز وطيباتو عاد رشات لما كتشطب...
مجا فين اصليو ناس ضهر حتا ةانت سلات شقاها... دخل لمعطي وتغداو مجموعين عاد تكات تساراح...
داتها عنيها ما ناضت حتا ودن لعصر عمرات اتاي وخرجات تاتمشا... تلاقات بيها خارجة كتشطب برا
لبنى:
'' سلام اخالتي زهرة''
زهرة:
'اهلا ابنتي كي دايرة لباس"
لبنى:
"الحمد لله اخالتي ونتي لباس عليك عمي لعربي وحتا ولدك"
زهرة:
"الحمد لله الله احفضك ابنتي كي دايرين مالين دار"
لبنى:
"الحمد لله اسول فيك لخير"
تمشات باغا تكمل طريقها تا قاطعاتها
زهرة :
"ربي ابنتي لما تسخري ليا راه حميد مشا لفيلاج ومصبت شكون نصخر"
حركات راسها باه
لبنى :
"واخا... مشا لڨيلاج بوحدو احم زعمة ديك لبنت معقلتش على سميتها واش مشات فحالها"
جاوباتها وهي كتحل بزطامها
زهرة:
"لا راه مشاو بجوج هو وبنتي لينا الله ارضي عليهم"
تنهدات وكملات كلامها
زهرة:
"عامزيناتها بنت والله ماكرهتا عروسة لولدي بنية شهوة منها"
سرطات ريقها ودارت ضحكة صفرة ناطقة"
لبنى:
"عطيني اخالتي نتصخر راه غايمشي عليا لحال"
عطاتها لفلوس وقالت
زهرة:
"سيري لحانوت وجيبي ليا بريكة الله ارضي عليك"
هزات راسها باه بلاما تجاوبها متاجهة لحانوت... خدات ليها صخرة عاد رجعات عطاتها ليها وكملات طريقها كتنگر غا بوحدها
جا ليل كانت فدار كتجمع حوايجها ليوم غاتمشي هي و مها لعند شي ناس فجامعة سحين تايجيهم يجلسو عندهم حيت كاينة مناسبة احضرو ليها عاد ارجعو...
جمعات لي يخصها وحطات صاك فجنب حاطة عضامها الارض تكمدهم من لعيا
أنت تقرأ
مولات التراكتور🚜مكتملة🚜
Romance💎مكتملة💎 ❌حصرية على الواتباد❌ 🌛رمــضــان كــريــم🌛 🖇️بعنوان: · • ✤ • ·❴◈مولات تراكتور◈❵· • ✤ • · 🖇️بقلم: ╔═════•| ✿ |•═════╗ ريم جوري "آل برتقالية" ╚═════•| ✿ |•═════╝ كيف قالو ناس زمان...
