تيريزا🥀مكتملة🥀

🥀الجزء 5🥀

تيريزا 🌹
الكاتبة سكينة سليماني
البارت 5 :
نيار: ماسولتكش على هادشي انا بغيت لقا عصابة اخرى او راك عارفني علامن كنقلب
قصي: عندنا معلومات كتفيد بلي العصابة كاينة فتركيا او المغرب
نيار: (وقف ) منهنا لغدا انتاجه انا او بعد العملاء لتركيا او نتا اقصي دي معاك رجال موثوق فيهم او سير للمغرب وجدو راسكم
كلهم : علم سيدي الرقيب (التحية او خرجو )
ماهي الى دقائق دخل راجل كبير او شعرو بيض كاملو او تاجه لعند نيار عنقو
عيسى : ولدي نيار
نيار: (بادلو العناق ) فوقاش جيتي
عيسى : ليوما لي وصلت كيف دايرة عبير بيخير
نيار: كيما شفتيها اخر مرة ماكاين حتى شي تحسن
عيسى: انا انمشي نشوفها او انبقا معاها علاما ترجع من تركيا
نيار: هاديك مراتك او نتا حر فيها غير لوكان بقيتي معاها او ماخليتيهاش ماكانتش توصل لهاد لحالة (جمع القبضة ديالو بالاعصاب )
عيسى : نيار ماتنساش بلي انا باباك او ماعندكش الحق دوي معايا هاكا نسيتي بلي عبير ماحاملانيش ديما كتحملني مسؤولية بنتنا لي ماتت
نيار : واخا هاكاك ماكانش عليك تخليها كانت حالتها ماتوصلش لهاد الدرجة على العموم انا غدا انمشي او نتا بقا معاها او الى كاين شي جديد خبرني بيه (بغا امشي )
عيسى: (شدلو فيدو) نيار حاول على راسك الانتقام عمى ليك عينيك انا خفتك تفني حياتك كاملة او نتا كتجري مورا الانتقام انا او ماماك بغينا نشوفوك فرحان او مزوج او مع وليداتك .
نيار: (بابتسامة جانبية ) نجري مورا الانتقام افضل بكثير من انني نكون زوج مهمل او اب فاشل (نفض ادو او خرج من ديبو متاجه للقصر اجمع حوايجو )
ترن ترن
نيار: الو
قصي: افين اصاحبي شنو بانليك نمشيو لبار هاد ليلة
نيار: اوك (قطع )
قصي: او را...طوط طوط طوط قطع عليا ولد القحبة
.
في المغرب
جالسة سارة كتخنصص او تعاير او هي كتكمد فالطرشة
سارة: حمار او كلب كنتمنى تموت موتى دلكلاب او نلبس لبيض بالفرحة اووووف
لخدامة : مادام سارة راه جات الآنسة شيماء عندك
شيماء: (دفعات الخدامة او دخلات) بالاكي من قدامي انا من فوقاش كندخل بالاذن
سارة: (كتشوف فالخدامة) صافي نتي غير سيري وجدي لينا شيحاجا نشربوها
لخدامة: واخا الالة (مشات )
شيماء : لقيتي ماتاخدي ولا مازال ماجمعتي حوايجك (كتقلب فالخزانة)
سارة: لبارح ضرباتني الفيقة بغيت نمشي نشرب او لقيت الضو فبيت علي مشيت نشوفو علاش مازال فايق او لقيتو خدام مع واحد القحبة او هاد صباح ضربني او قالي ماتعاوديش تدخلي فالخصوصيات ديالي
شيماء:(ضارت بالشوية عندها او عينيها حمرين بالاعصاب) لامتى اتبقاي هاكا لامتى اتصبري على هاد ضرب او المعيور دويييييي علاااااااش صابرة علاااااااااش
سارة : ماشي لخاطري واش انا كرهت اهئ هئ من ديما كنقولو طلقني مابغاااش اش ندير حتى من عائلتي قالولي بقاي فدارك
شيماء: (جلسات حداها عنقاتها ) صافي شووت دابا ربي ادير لي فيها لخير
سارة: كنتمنى توقع شي معجزة او نفيق لقى راسي غير كنت كنحلم او انا مازالة كنقرا او حدا ماما
شيماء: بغيت نسولك مثلا الى لقيتي شيواحد ابغيك او نتي مازال مزوجة شنو ديري
سارة: ماعرفتش حيت من نهار عقلت على راسي او غير علي لي فحياتي
شيماء : نتي تستاهلي السعادة او ربي ماغاديش اخيبك
سارة: اميين
شيماء: (ناضت بحماس ) يالاه نوضي نجمعو لحوااايج باراكا من لبكا
سارة: اه يالاه
بقاو لبنات كيجمعو لحوايج او هوما كيضحكو او خصوصا سارة لي كتقول غير فوقاش اجي غدا باش تخرج من هاد الجحيم
...يتبع