مساء السعاده
غبي لك يتيمه شلون انطاك كلبك تنزل دمعتها
المفروض انت بذات متخلي احد يمسها بحرف
انت لتعلمها وتفهمها صح من الغلط
تكمل البديته قبل كم سنه وياها من جانت عدكم
اني ماربيتها انتو ربيتوها اني مجرد اشياء بسيطه
نطيتها المفروض بيك
انت تلزمها من ايدها ودكولها روحي غيري
ملابسج وتعاي اعرفج على اصدقائي اكولهم
هاي بنت خالي ربت عدنه مو تعصب لن اصدقائك
شافوها لابسه ربع ردن
جان هي من وحدها عرفت لبسها مو صالح تطلع
بي حتى اذا جانت تعرف هي شنو لابسه واني
متاكده نست وطلعت
تعرف ليش لن هي من نوع الخوافه تظم بنفسها
حتى لا تتعرض لتحرش لو لموقف يخوفها برايك
ليش من اكولها ارجعي يم حمزاوي وهي ترفض
من خوفها دكول منعرف احد هنا أمان
علي ليش لي دسوي اني غير خايف عليها
نوار تخاف عليها من الناس بس عادي كدامك
تمشي بهاي ملابسها جان المفروض تنبهنه لو
دكول لامك حتى تغير ملابسها
علي ليش اني فديوم مباوع عليه بنظره قذره
نوار هاي بينك وبين نفسك ناظر لها لو لا
لو ماخذها من ايدها وبهدوها وكاعد
بصفها ومنبها بسلوب حلو جان انطتك عيونها
لك عيونها دم مطبوخه من البجي دمعه يتيم
سامع بيها شسوي لو نزلت بهضيمه تحرك
علي اني لي احتركت من شفتها هيج طالعه كومي ويايه نروح لها
نوار اني اعرفها مراح ترجع
علي انتي بس كومي من تشوفج تهدئه
نوار كمت ويا اذا عاندت اكثر وطلعت من بيت
حمزه اني معليه مو تحجي
علي سديها بوجهي بعد
نوار دخلنه لبيت حمزه لكيت رشا كاعده بصف
حمزه حاظنها همس بذنها من شافنه
داليا تضحك كاعده يمهم من شافتني فتحت عيونها
داليا هاي لسه بملابسج متغدايه لا
نوار اي الحمد لله تغديت يم عباس
علي اني مقصدت اذيج بس لن اصدقائي ويايه
ماحبيت يشوفوج هيج
رشا عمو خلي يروح حباب انت مو كلت مايدخل
حمزه يله كلت الكلمتين ولي
علي لا تشجعوها
رشا عمو كول له بعد ماله دخل بيه ولا يوصل
يمي ولا لسانه يطخ لساني
علي ها هيج صارت
رشا اي جنت احجي بس ما اباوع عليه
علي كومي يله لاتضلين تدلعين
