كلبك وطن لحتله

22

مساء الخير والعافيه

نوار اليوم عدنه زيارة وفد عسكري روسي ولكل
ملتهي بتحضيرات دخلت قاعه الاجتماع احضر
الملفات المطلوبه نفتح باب القاعه ودخلو

من ظمن الوفد كم واحد اعرفهم من جنت عدهم

وياهم شخص جان هناك دائما يشجعني بس هو من غير مقر من شافني ضل يباوع عليه مااعرف يمكن عرفني او هيج جان يباوع بعد السلام وترحيب بيهم

ضل يتلاطف ويايه خصوصا من الوفد الويا عرفو
عليه انو اني جنت وياهم

ندهش من عرفني وكال

انتبهت عليج من اول مادخلنه بس لن مامتأكد انو
انتي تلك لفتاة الشجاعه ترددت لن متغيره قليلا

انتي المعلمه الوحيده الصبوره لطلاب الاكاديميه العسكريه لدينا خسرنا فتاة بقمه الادب 
لطيفه شجاعه وذكيه جميله طيبه حنونه

نوار من كال حنونه حسيت صخنت ربعنه كلمه
حنونه يفهموها بغير معنى نوب جان المترجم
قابيل يترجم على مزاجه نص المدح ماكاله
غلس عليه

جانت اكو كلمات روسيه مامفهومه عند البعض
والوفد الروسي لازم من يتكلم انكلش يدخل
كلمه كلمتين روسي واني جنت اترجمها بالعربي

خلص الاجتماع وبداء رئيس الوفد ادريان يتكلم
ويايه

ادريان كيف حصل هذا انتي عنصر فعال لدينا
كيف نخسر فتاة مثلك انا لفتره قريبا واسمع
عن انجازاتك بالعمل 

من موقعي وضمن اختصاصي اعرض عليك العوده
انتي قادره على العوده لمكانك واني اقدم لك كل
انواع المساعده نحن نقدر المثابرين والكفائات
لي مثلك مستحيل نخسرها

نوار البلد لي تخله عني بعد ما له امان عندي
من كلت هيج تخبل اني عشت وياهم واعرف
شنو ليزعجهم اعرف نقاط ضعفهم

همه كلشي ولا دكول عنهم ما عدهم احترام
لغير يبوو ضل يرطن وذولي صافنين عليه

جماعه تهز راسه وناس دكول احسنت احنه
ما نستغني عن الابطال لسبب مايستحق هكذا
فعل تافهه

ربعي صافنين ناقصهم عباس لو موجود
جان سواني نصبه خصوصا من كالو مانستغني
عن الابطال هاي وحدها عباس يشيل سماعه
ويفتر بشوارع بغداد يغنيها الحمد لله مايدخل
ممنوع يدخلون

شفت قابيل يباوع عليه انتبهت عيونه على
شفايفي جنت اضغط عليهن م خجلي نقذني القائد
من قاطع ادريان 

القائد نعيم شنو ديكول لج ترجمي

نوار سيدي ديغريني ارجع وياهم

القائد لا هذا الشي غير مسموح هم جاين يبعون
لنه نوب ياخذون ابطالنه فوك البيعه

نوار هاي يا ابطال