بعد ماطلعو العيال من المجلس علا شان الجد يكلم بنته حصه وحدهم
ام مسلط : ايه يبه بغيت شي
الجد : اسمعيني زين يابنيتي ياحصه وانا ابوتس اسمعي كلامي وافهميه عدل وخليني لين اكمل كلامي انا ادري انك تخبين عني وعن اخوانك ضلم زوجك لك ولعيالك لاكن الحين ابغيك تقوليلي من اليوم الي تركتينا فيه ورحتو للديره الثانيه وش صار معتس ولاتخابين عني شي وانا ابوتس
ام مسلط من سمعت كلام ابوها بكت ورتمت بحضن ابوها : يايبه ضلمني ضلمني كثير وضلم عيالي من رحنا من الديره وصارت المشاكل بينكم وبينه تغير ماعاد هو نفسه ابو مسلط يبه ماعاد خاف الله فيني ابد كل حينه يضربني ويضرب عياله
الجد وعيونه فيها دموع : حسبي لله عليه من رجال النذل المايستحي يضرب مرا حسبي الله فيه
بنيتي ياحصه كيف يعامل العنود
ام مسلط : والعنود يعاملها كنها خداما موت لها شخصيتها وهو يعذبها بابشع الطرق من وهي بزر يحبسها بغرفه وحدا بلا نور ولا يخلينا ندخل عليها يخليها بلايام ولا يخليها تطلع مكان ولا خلاها تدرس يضربها ضرب قوي لين الحين شفتها كيف تخاف من العتمه
الجدبعصبيه : حسبي الله عليه من ابو حسب الله علي وانا اقول ليه البنت تغيرت هل كثر لاحول ولا قوا الا بالله حسبي الله علي
ام مسلط وهي تبكي : اييه يبه حابسهاا كنها في سجن ويطلع كل شره فيها حسبي الله عليه ماعنده رحمه لها وكنها ماهي بنته يبه يخليها بالايام بلا كل وانا قلبي تقطع عليها وماقدر اسوي لها شي
الجد بحزن كبير على حاله بنته وحفيته : سامحيني يابنيتي يصير معاتس كل ذا وانا ولا داري سامحيني
ام مسلط : لا يبه تكفه لاتقول كذا يبه تكفه خواني لايدرون مابغا تزيد مشاكلهم معه ذا مايخاف الله واخاف يسوي شي لخواني
الجد : يخسي يقرب عيالي والله والله اذبح بيديني ذولي
ام مسلط : يايبه الله يهديك لاتقلهم شي طلبتك يبه لاحد يدري وعدني يبه وعدني محد يدري ابد عن الي قلته لك
الجد بقله حيله : حسبي الله اوعدتس محد يدري وانا ابوتس قومي يابنيتي غسلي وجتس وروحي لحريم اخوانتس
ام مسلط : زين يبه
طلعت ام مسلط ودخلو عيال ابو محمد كان الجد واضح علي الحزن والضيق في تعابير وجهه
وستاذن منبهم يبي يروح يرتاح له شوي راح لغرفته
ابو مجد لخوانه : شفيه ابوي باين عله ماهو زين
ابو علي : ااييه يابو محسن باين عليه ضيق صاير شي وحنا ماندري
ابو محسن : لا ابد وانا اخوك ماصاير شي لاكن من كلم حصه كذا
ابو علي : اجل نسال حصه
ابو محسن : لاا مانبي نضايق حصه خلها انا بعدين بكلم ابوي
(في غرفه مطلق)
مطلق حس بعطش قام للمطبخ ماكان فيه احد دخلت العنود تبي تجيب مويه لها وناضرت قدامها كان فيه قطوا وصرخت صراخ قوي مطلق زت كاسه المويه وناضر وراه بصدمه الا تجي العنود تمسك بيده : تكفه تكفه قلها تروح ذي القطوا
مطلق بتوتر من مسكت يدها ليده : هاه كييف بقولها ليه تفهم كلامي
العنود بخوف : مو انت رجال طلع القطوا ذي انا اخاف منها تكفه
مطلق ناضر يدها وانتبه لاسوارتها ماكانت غريبه عنه وكان يحاول يتذكر وين شايف ذي الاسواره
القطوا قربت من العنود العنود تخبت ورا ضهر مطلق وهي تصيح : تكفه تقرب لي شفها قلها تبعد عني ماحبها
مطلق بضحكه : روحي ياقطوه تقولتس ماتحبتس ليه ماتروحين خلاص روحي
العنود بخوف وغباء : اييه روحي ماحبتيس ولا ابغيتس روحيي انقلعي
هنا مطلق ماقدر يمسك نفسه عن الضحك والعنود من سمعت صوت ضحكه الهستيري ستوعبت العيد الي جابته طلعت القطوا والعنود منحرجه وجها صار احمر طلعت من المطبخ سريع ومطلق يانضر لها وعيونه قلوب : ياحلاتس بس كنتس بزرا فيه احد يخاف من القطوا
YOU ARE READING
من هو مطلق بدون العنود
Poetryاول رواياتي بقلمي منهو مطلق بدون العنود نبذا ؟ ؟. وشلون ذا متخلف يعني حنا بعد اهلها قسم ابوك مريض ؟؟. ادري بس يضل ابوي وش الحل لازم نحلها العون يلخوي
