في الديرا تحديدا عند صلى الفجر صحى الجد عبدالرحمن على صلى الفجر
الجد : بنيتي ياحصه قومي على الصلى قومي بنيتي الله يهداتس
ام مسلط : ايه يبه هاذاني قايمه ;دخلت ام مسلط على الحمام (اكرمكم الله ) توضت وطلعت تصلي والجد راح على الجامع يصلي
في بيت ابو محسن صحى ابو محسن هو وام محسن على الصلى
ام محسن : صبحك الله بالخير يامحمد
ابو محسن : صبحتس الله بانواره صحي العال يمشون معي على الصلى
ام محسن : ابشر
في غرفه مطلق الي نايم فيها فيصل
ام محسن : يمه فيصل قم يمه الله يهديك الحق الصلى
فيصل بتثاوب : تكفين يمه فيني نوم
ابو محسن من بعيد : قلت شي يالورع
فيصل فز من طوله : ايه يمه صبحتس الله بالخير بدخل الحمام (اكرمكم الله ) وبجيك يبه
ابو محسن : اييه بنتضرك صحي محسن ياصيته
ام محسن وهي تدق باب غرفه محسن : يمه محسن قم على الصلى ياوليدي
محسن وهو يفتح الباب : صبحتس الله بالخير ياعيوني
ام محسن ببتسامه : صبحك الله بنوره يقلبي
محسن : بدخل الحمام وبجي
ام محسن : زين يمه وانا بصحي البنات
محسن : اجل يمه الله يقويتس
في غرفه البنات
ام محسن : اصايل يمه قومي انتي ومزن قبل يجيكم ابوكم يجلدكم
مزن بتثاوب : اييه يمه قمت انا
اصايل بنزعاج : يمه تكفين ابي انام الله يخليتس فيني نوم
ابو محسن بصراخ : بنت قوم لاجي انا اقومتس قومي صلي سريع
اصايل فزت : ايه يبه قمت صبحك الله بالخير
ابو محسن : صبحتس الله بانواره الحقو على الصلى وابي اجي من الصلى الاقي الفطور جاهز ياوليتس ياصايل لو ماعجبني الفطور
اصايل برعب : اييه يبه ابشر اطيب فطور بتاكله اليوم
ابو محسن : زيين حنا بنمشي للجامعه
ام محسن : الله معكم يامحمد
طلعو ابو محسن ومحسن وفيصل على المسجد وكان الجد عبد الرحمن في طريقه للمسجد خلصو صلاتهم وطلعو
ابو محسن : تقبل الله يبه صبحك الله بالخير
الجد : صبحك الله بنوره ياوليدي منه ومنكم صالح الاعمال
محسن : وشلونك ياجدي
الجد : الحمد الله ياوليدي
ابو محسن : يبه وينهم مطلق وسعود
سعود وهو يلحث : انا هنا هنا
الجد : بسك الله عليك شفيك
سعود : ابد يبه جيت بلحق على الصلى
ابو محسن بطرف عين : قل والله تقصد صلى الضهر ولا العصر
سعود : يعني افهم تاخرت
فيصل بضحك : ايه تاخرت وكثير بعد تونا طالعين الا وينه مطلق
سعود تنهدد : قال بيصلي بالبيت على شان الحريم مابيقون وحدهم
الجد ببتسامه : ايه خير سوا اجل امشو
ابو محسن : اعذرنا يبه الحين نبي نلحق الفطور ونمشي للعزبه عندنا شغل من اخلص اجيكم ان الله راد
الجد : اجل الله يعطيكم العافيه
ابو محسن : الله يعافيك امشو قدامي
في بيت ابو مسلط
مطلق وهو يتنحنح : احهم صبحتس الله بالخير ياعمه
ام مسلط : صبحك الله بانواره ادخل ياوليدي
مطلق ببتسامه : وشخبارها عمتي الحلوا
ام مسلط بادلت الابتسامه : طيبه الحمد الله ماعلي شويات ويجهز الفطور
العنود من برا : بمه الفطور جهز تعالو افطرو
مطلق : ننتضر جدي وسعود شويات
ام مسلط : زين شوي وتلاقيهم جو
العنود : يمه تعالي شوي
ام مسلط : تعالي انتي يابنيتي مافيه احد غريب مطلق حسبت اخوتس
مطلق بينه وبين نفسه : ياليلل لييه حسبت اخوها الله لايقولها
العنود بينها وبين نفسها : الله يسامحتس يمه وشهو حسبت اخوي الله لايقدر :
ام مسلط : ادخلي يابنت شفيتس
العنود دخلت وكلها خجل : صباح الخير
مطلق ويحس قلبه يطلع من مكانه : صبحتس الله بانواره
العنود بتوتر : يمه تجين بكلمتس شوي
ام مسلط : تكلمي يمه هنا شفيتس
مطلق : انا استاذن بطلع برا
ام مسلط بعصبيه من العنود : اجلس يامطلق تكلمي شتبين
العنود : يمه ابي شوي اغراض من البقاله بس يجي خالي بخليه يجيبهن لي
مطلق : شتبين انا اجيبلتس الي تبين
العنود باحراج : لا مابي اعذبك
ام مسلط : يالعنود هنا مطلق مكان اخوتس مسلط مافيه شي لو تبين قوليله
مطلق بينه وبين نفسه : ياعمه تكفييين بتحرقين قلبي كذا
العنود : لا يمه بنتضر خالي
مطلق ناضرها بعدم فهم : منهو خالتس
العنود باستغراب من سؤاله : سعود خالي
مطلق وهو يمسك ضحكته : اييه نسيت انه خالتس وعمي ماحصل من قبل واحد احترمه كذا قدامي
العنود : على شانكم قليلين حيا
مطلق وام مسلط ناضرو العنود بصدمه من كلامها العنود استوعبت العيد الي جابته وتكلمت بحراج من مطلق : لا ماقصد كذا ماهو قصدي انتم اقصد سعود
ام مسلط : شفيه سعود
العنود قمطت ام العافيه : وين سعود اقصد بوصيه على اغراض
مطلق ابتسم للعنود وناضر ام مسلط : عمه لو تسمحين لي باخذ العنود على البقاله تجيب اغراضها بنفسها
العنود هنا سوي وبتطير من الفرحه ومشاعرها صارت متلخبطه : لا مابي اعذبك معي
مطلق نارضها وكانه يتامل تفاصيل وجهها انتبه لنفسه : مافيه عذاب ولا شي ها ياعمه وش قلتي
ام مسلط : اجل ياوليدي الي تبي لاكن الحين بعد مبكر
مطلق شوي ويطير من الفرحه :لا عمه ماهو الحين للضهر ان تبي العنود
العنود بخجل : الي تشوفه امي ها يمه
ام مسلط : اييه وانا اقول كذا لين يجي سعود بتروحون
ندق الباب طلع مطلق يفتح الباب لجده وسعود
مطلق : صبحك الله بلخير يجدي
الجد : صبحك الله بنواره يولدي
سعود : صبحك الله بلخير يعمي الغالي العزيز سعود
رد على نفسه : الله يصبحك بنواره يولد اخوي الامور
الجد بصدمه : انا اشهد ولدي نجن
مطلق بضحكه : معليه يجدي خبل
سعود بصدمه : انه يلورع
مطلق : مسمع
سعود ببتسامه : اقصد الفطور جاهز
ام مسلط : ايه يسعود تفضلون
فاتو الكل للمجلس يفطرون
الجد : يمه يحصه وين العنود
ام مسلط : يمه ياللعنود وينتس يمه
العنود : هلا يمه
الجد : تعالي يبنيتي افطري
العنود : انا
سعود : لا سعده
العنود تناضر حولها : من سعده مشوفها
سعود : معناه ابوي يكلمتس
العنود ببتسامه : اها ايه
ننهي البارت لهنا وشكرآ
الحمدلله حين تُسعِدني كلَّ يوم وانا المقصِّر،الحمدلله على ما في قلبي وتعلمهُ حمدًا يليقُ بكَ وبنعمَك الَّتي لا تنتهي يا الله 🫀🤍.
DU LIEST GERADE
من هو مطلق بدون العنود
Poesieاول رواياتي بقلمي منهو مطلق بدون العنود نبذا ؟ ؟. وشلون ذا متخلف يعني حنا بعد اهلها قسم ابوك مريض ؟؟. ادري بس يضل ابوي وش الحل لازم نحلها العون يلخوي
