الحوت الهاجس

bart (7)

(بان )
حياتي عاديه مثل اي بنت بالعراق طبعا
بالعطله طبخ وتنظيف وبالدوام قرايه وبجي ههه
طبيعتي كولش حساسه لدرجه ام دميعه هادئه
قليله الكلام شبه المنعزله مو اجتماعيه
مثل ما ذكرت ارجوان
عندي اخو واحد لي هو حيدر واخت.وحده هي غدير

عمري ما حسيت بشعور لي عدها اخت غدير بعيده عليه لدرجه
وعكسي تمام عبالك اختها دنيا مو اني
تصرفاتها ما تعجبني تحقد وشيل بكلبها وتحب تدخل
بشغلات ما لازم المفروض تدخل

جنت اجذب حساسي واكول خطيه ما اظلمها يمكن ما سوي شيء عن قصد

علاقتي بعائلتي حلو جان بيت عمامي أو بيتنا
احنى عايشين بنفس البيت

لي صدوك أحسها اختي وأحبها لدرجه هي ارجوان
مو بنت عم وبس لا والله
اختي تفهمني وتحبني واحسها قريبه عليها
جنت انتظر يوم يوم العطله عمود تجي ارجوان يمنى
وبيوم التجي عبالك عيد عندي نكعد نسولف ونلعب ونضحك وتغير مزاجي نغني ونركص ونعيش احلى ايام
من جنت صغيرة جنت اكتب السوالف بالدفتر عمود لمن تجي ما انسى المواقف وشنو صالي وهي مو موجوده

كبرت واشتريت موبايل وجنت صبح وليل اراسلها ههه ونفتح كامرة

جنت اني وارجوان وفقار الثلاثي الهادئ نلعب سكته ووكاحتنا قليله.

لمن جنى زغار جان مفهمين فقار أن ارجوان اخت فهو
يدافعلها واني جنت اضوج اكله اني هم اختك
هو يكلي لا

مجنت افتهم وهو هم كال اي صح شلون كتله عادي اني هم كلهم اختك

هو قتنع وكام يدافعلي هو وكح ولسان جان
كبرنا سوه وجان اذكر خامس ابتدائي اني ويا نروح سوة ونرجع سوه وكل من يسئلنا اكلهم اخوي

كبرت على هذا الشيء شكد فهموني اني بنت عمه واني مصرة لا اخويه شلون ارجوان عادي واني لا
وكل عقلي ابجي
إذا كالو ابن عمج عقل طفله بعد كبرت ودخلنا متوسطه هو نقلوا لمدرسه الولد وجانت بصف مدرستنه ونفس الدوام وكام يروح وياي
بقى بالي هو اخويه
رغم عرفت سالفه أن هي اخت بالرضعه بيومه لمن عرفت جنت ثالث متوسط
بجيت بجي مو طبيعي والله عيوني ورمت أول شيء ابوي كال لبسي حجاب كدامه حرام واني رافضه شنو اخوي
هو امي بيومها كتلتني كتله ورحت بحضن بيبي ابجي
وأشوف ارجوان عادي تبوسه وبلا حجاب لان اخوها
واني كلهم والله اخويه
بس بابا كعد وفهمني حرام ومفروض من ثالث بس جنى صغيرة وهسه انتي جبيرة وترى الله ميقبل لازم البنيه تلبس طويل كدامهم وشال
سمعت الكلام وبتعدت عن فقار
لان زعلانه يمكن شهرين اني اشرد ما احجي وياا
منا لمن مرة لزمني كلي شبيج شردين مني

كتله لان صرت مو اخويه انتوا متحبوني وانت بس ارجوان عادي وياك
هو ضحك وكال ليش هسه ارجوان مو هم ولد عم و٢٤ ساعه تحجي وتضحك عادي
بس هي تلبس حجاب يمه وسمي اخويه ابن عمها