عشتار قلبي

ألبْابّ ألثْألثٌٍّ

...............
وانتظرتَك
بين صفنات الليالي
وجرح دخّان الجكاير
وبين لچماتي
وحسرتي وحّيرتي
وكسرة الخاطر
وبين مَدري
إو وين صاير؟ وانتضرتك
هلبت إتمربيَّ طيف
إيضمّضم دموعي أعَلّه باچر ..
.......................

كعدت من نوم  وصداع  موتني  يعني  وين  اكو  شخص  ينام  ساعه 
ب 4 فجر و يكعد ب8:00 صبح؟ 
كمت  من فراش وسبحت  نزلت  ل مطبخ 
شفت  امي

..  صباح الخير 

..... صباح النور  حبيبي  يلا  تعال اكعد  اكل 

....  يلا يمه  عندي  دوام
.
.....  تعال  حبيبي  اكل  عدل   اشو  ضعفان يمه مريض  بيك شي
باوعت  ع نفسي   جسمي  عادي

.... يمه  لعد  شغل  الجيم وين يروح

..  بعد  امك  هذا  هذا  الجيم  وشنو  شغله
.
...  يمه  هذآ  نتمرن بي قاعه  حديد  هيج شي

...  يااا بعد  امك  هذا  هو  الي  مضعفك يمه  عوفه  واليوم  اسوي  الك  ذاك الاكل  الي  تاكل  أصابعك وراه
شربت چاي و كمت  من مكاني 

...  يلا  يمه  اني طالع  تردين شي

... لا يمه   اريد  سلامتك   حبيبي

..  يلا  في امان الله 
صعدت  سيارتي وتوجهت ل معرض   خلصن  كم  ساعه واجه  صديقي  كال

.....  ضلعي  خل  نروح  ل بغداد  نغير  جو  كم يوم ونرجع

.....  عندي شغل  هل فتره  ما أكدر  اطلع

.....  شوكت  تخلص  شغلك ؟

.....  ما اعرف  لازم  اخلي  ابويه  هنا يلا  اطلع

....  هااا يعني  ماكو  روحه  ل بغداد

....  ما اعرف

.....  انت شكد  بخيل  ع اقل  كول   شنو  تحب  تشرب حتى مي مالك  حار 
ضحكت و كلت 

....  جنك ع عصير  و كريب  وشرط  انت  تدفع  فلوس  هاا شكلت

.....  لا والله اني جاي   عليك  مفروض  تاخذني  واني  اختار ومن اجي  ادفع  فلوس  تكول  عليه  ما يصير  شوكت  يصير  عندك  ذوق؟

.... كوم  يلا  لا  تضل  تحجي براسي  چنك وحده  مطلقه استغفرالله العظيم

رحنه  لكوفي  نزلت  اركيله و هو نزل  اركيله و كرب و عصير
صافن   جان يكول

..   تعرف  مشتاق  لكروب  مالنا

...  شذكرك؟

...... ما اعرف بس احس  مشتاق  الهم  يلا  عندي حساباتهم  ع انستا  اكدر اتواصل وياهم
صفنت ورجعت  ذاكرتي ل قبل  5 سنوات
Flash back

كاعد و صديقي  مسوي  كورب  و دخلني بي جان  الكروب  من  كل محافظات بي بنات و ولد  مختلط
نسولف  نسوي  تحديات  و مقالب و غيرها
لحد ما  دخلت  وحده  بكروب عن  طريق  صديقتها  ضافتها لكروب
اول 3 ايام  بس تشاهد  ما تسولف  بعدين  احنه  حجينه و سوينه  الها  تاك  يلا  حجت اذكر  اول شي كالت
سلام عليكم  يمعودين حاركين الجهاز  اكو شي  صاير ؟