عشتار قلبي

ألبْابّ ألرٌأبعَ

‏'أراكَ شمسًا وأفلاكي تطوفُ بها
‏طافت بحُبِّك يا دُنيايَ أقماري
‏واللهِ لستُ أرى إلّاكَ مُنفردًا
‏كالبدرِ مُكتملاً أشغلت أنظاري"
................
كعدت  ع دكت الباب جانت  كلش  قويه 

فتحت  الباب وشفت  صديقتي  بربج  اكو  واحد يدك  الباب  هيج دا

احجي وياها  وشفت خطيبها  وياها  استغفرالله همزين ما  جفصت 

دخلوا  لبيت وقدمت الهم الضيافة
كالت  صديقتي
......  شوفي  هسه  تكومين  مثل  الحبابه  وتبديلين ملابسج  و
تجين ويانه  انتِ ساكته  حرف  زايد  ما  اريد

كتلها واني  اباوع عليها  مصدومه
....  ليش  ابدل  ملابسي شكو. شنو صاير ؟
كالت و هيه  تشرب  الببسي

.....  كل شي ما كو بس  نريد  نغير  جو  و مريت  عليج  بيها  شي  باوعت  ع خطيبها  مو عنيي صح  كلامي

رد
.....  اي صح يلا  يا عنيي  كومي  بدلي  هم  يلا  ع مود  نرجع  من وقت  ع مودج  خاف  بأجر  عندج  دوام وبدون  حجي زايد  تره  كلشش  متحمله  عليج  الاخت  بحيث تكول  اذا  كالت  لا اسحلها  من  راسها  وادخلها  السياره  غصبن عليها
التفتت بصدمه  هاي  مخبله والله  تسويها خل  اكوم ابدل   اني  هم  ضايجه
رحت  بدلت  ملابسي  لبست  بنطرون  بيجي و قميص  زيتوني و حجاب  بيجي و حذاء (أكرمكم الله)  اسود  خليت  مكياج  خفيف وطلعت  عليهم  لكيتهم صارين من روس  اله شويه  دخلت وكلت
.

...  ياا هاي  شبيكم  مو قبل شوي  عيني و كلبي  وكذا  شبيكم  هسه
رد حور العين

.....  دشوفي  شنو  سوت جاي  احجي ويه صديقي  بره  تكول  دا تخوني  هو اني  اطيق  البنات  من وراها  كرهتني  بطاري نسوان  شلع  قلع
....  ردت  هي  تضحك

.....  عفيه  هو هذا  الي  أريده على مود  عيونك  ما  تروح هيج وهيج  افكسها  الك  خوشش  التفت  الها  وهز  ايده وكال
....  يلا  عنيي  اذا  كملتي  خل  نطلع  اذا  ضلينا  بعد خمس دقايق  تصير معركه  احد
ضحكت  عليهم 

...  يلا  ما عندي شي  خل نطلع
طلعنا ورحنا  اول شي  ع مول  بعد  فره طويله  كعدنا ب كافتيريا  نزلت  عصير  كاعده  اشرب  بي كالت  صديقتي
.....  راح اروح  اجيب  هذا  طقم عاجبني  تجين وياي 
..... مابيه حيل  رجليه توجعني من وراج

....  اني راح  اروح  اجيبه واجي 
كال  خطيبها
.
... واني  هنا رجل  كرسي لو مزهريه اكفي خل اجي  وياج  لا  تضيعين
...   يلا  كوم 
راحو  واني  ضليت  بمكاني منزله راسي  دا اشوف الصور  حسيت  اكو  شخص  كعد  ع طاولة  رفعت  راسي شفت  واحد  كاعد  وكال

....  هلو

....

..... شبيج ما تردين  تره  سلام ل الله مو  الي
.
..  انت ما  كلت  سلام عليكم  حتى ارد  كلت  هلو