عشك الجنوب

1

هلووو بنات
طبعا اني راح ابدة هاي القصة و ان شاء الله اكملها  و راح تكون بيهة هواي احداث اتمنى تعجبكم يلا نبدة 
Let's go 
ــــــــــــــــــــــــــــــــــــــــــــــــــــــــــــــــــــــــــــــــــ
هلا اني نور ابنية عادية شكلي طبيعي مو حلو اهواي بس شكلي مقبول الحمدلله عمري حاليا 16 سنة طالبة رابع اعدادي عندي ام اسمها ايات اب ما عندي امي مزوجة جمال الي هو يكون زوج امي عندي ثلاث اخوان عمار علاء عباس
كملنة تعريف يلا نبداء

نور
كعدت الصبح ع صوت المنبه الي حرك جد جدي كمت بدلت مثل كل يومية و رحت للمدرسة و ياريت لو مدرسة اوادم مدرسة مختلطة المهم صبحت بوجه البيست حوراء
نور هااا
حوراء عندي امتحان كيمياء تريد تبجي الة شوية
نور ههههاي والله هاي سحر لتحرك جد جدج
حوراء هو ليشوف وجهج يشوف خير
نور اكيدد
حوراء ولج اريد  اراجع
نور شوكت امتحانكم
حوراء والله مدري
نور كبر منو متعرف شوكت امتحانها
حوراء ع اساس انتي تدرين
نور ع اعناد ذولاك الناس عندي ادب
حوراء هههه مرتضى البارحة الليل كلة يكتب و يمسح مدري شجاب اسئلة
نور عزاااا امانة شفتي سؤال
حوراء لا والله ولج اتخيلي هو يكتبهن و يقفل عليهن الكنتور و ياخذ المفتاح
نور هو غير هذا الحض يلا باي حروح اراجع
حوراء باي
و رحت اراجع مثل كل امتحان و مريم اسمعني الدرس الاول جان رياضيات ما شاء الله الجذر التربيعي سوة عندي علة....  الدرس الثاني و هنا الصدمة جا استاذ مرتضى يمتحنة بأمان الله طلعت دفتري الي اخذ منة اوراق امتحانات و كتبت اسمي و سميت و بلشت احل الحمدلله انطيت الورقة واني متأكدة من اجاباتي دك الجرس طلعت و شفت حوراء واكفة وية دعاء عاااا شكد اكره هاي لبنية طولها متر و نص و شايلة وكاحة الله ميجرعها المهم رحت يمهن
نور هلا
دعاء هلا
حوراء اي بشري الاسئلة
نور هذا اخوج والله لو بيدي الة املص شعرة ولج شلون اسئلة جايب الة موتتني بس الحمدلله جاوبت
حوراء يب سمعتي اليوم؟
نور وشو
حوراء ست سحر راح تأخذ الرابع بدال ست نور
نور عزاا كولي والله
حوراء يييي
نور هاهية اني راح احول ادبي ماكو غير حل
حوراء امتحنتي شهر اول
نور هو هذا الحض
حوراء يجنن
نور اشمتي اشمتي
حوراء خية ليش دشمت هية مو تاخذنا و ع كولتج حاركة جد جدي السابع عشر
نور هههه السابع عشر جديدة
حوراء يلة نضيفها وية مصطلحاتنة الكيوت
نور هههههه متت
دعاء ووفففف ملل بس تحجن ع المدرسات
نور لعد ع شنو نحجي
دعاء ولا شي باي
حوراء نور ليش اضوجين من دعاء
نور مدري ما ارتاحلها
دك الجرس
حوراء باي
نور باي
طبيت للصف
و اشوف الطالبات و الطلاب كابة هوستهم نور وفف كل يوم نفس الشيء
داليا تبارك شوفي اكو ناس ميحبون المدرسة
تبارك خية الميحب المدرسة ليجي دازين علية
داليا عوفيهم ميستاهلون واحد يحجي بيهم
سكتت واني اسمعهن شلون يحجن هذني حرفياا اسوء شلة عدنة بالصف حطيت راسي ع الجنطة هذا الدرس كيمياء و دومها ست نور تغيب فيضل شاغر لو ياخذة غير مدرس المهم كمل الدوام و رجعت للبيت اني و حوراء لان هية بيتهم بصف بيتنة فـ نروح سوة و نرجع سوة  طبيت للبيت مثل كل يومية اغني اروح للملا علييي و اكلة يا ملااا علييي شايب وانا ابنية و اخذوني فصلية
الام هلا هلا اليوم شكلج مجاوبة
نور ييييي جاوبت بس الثور جايب اسئلة تعلب 66نفس
ايات لعد شتريدين يجيب
نور خل يجب قصيدة و حياة شاعر و هاهية خما من كل شاعر جايبلي 3 اسئلة والله ما عندة رحمة
ايات دمشي بدلي
نور تمامم
طبيت جوة سلمت و بدلت و اتغديت و راح اروم انام كعدت الساعة بـ 5 قريت للـ1 و رسمت للـ2 و رجعت نمت هاي حياتي والله فگرر😂😂 كعدت الصبح ع صياح امي كل يومية اكعد متأخرة و اكفرر امي يلا اكوم بس شسوي احب النوم المهم كعدت الساعة 7:15 و ابو الخط يجي بـ 7:30كمت بدلت ع السريع دلبس حذائي تكرمون و جان تجي حوراء
نور ها
حوراء امشي ابو الخط واكف بالباب
نور مشكلتة خل ينتضر لعد ليش دنطي فلوس اذا مينتضر
حوراء راح اطلع قبلج
طلعت حوراء واني طلعت وراها وصلت للمدرة اول ما فتت سلمت ع المعاون و المدير مدري ليش كل يومية يوكفون بالباب رحتت للصف اول ما طبيت كلت بأبتسامة سلام عليكم اباوع بالصف بس احلام هاي تكرهني بس ما ادري ليش ردت من ورة خشمها وعليكم السلام حطيت الجنطة و رحت ع حوراء شفت دعاء يمها اول ما وصلت دعاء كالت عندي شغلة وية حوراء خصوصية بس ثواني و نرجع كلتلها تمام اخذت كتابي و رحت اراجع دك الجرس و رحت للصف طبيت و اني ضايجة من ورة دعاء و عدنة اول درس كيمياء و ست سحر راح تجي لان ست نور اخذت اجازة المهم جتي ست سحر و بدت تشرح واحنة منتبهين لان الكيمياء مالتنة بس مسائل يعني اكثر الشرح يكون ع المدرس الصراحة اني ما احب شرح المدرسة اروح  احفضها ع اليوتيوب اتابع مدرس اسمة حسين حمزة شرحة حلو يخليك تعشق شي اسمة كيمياء المهم جا يوم راح يوم بديت احس حوراء تتغير مو مثل قبل يعني تمشي وية الاء ساعت الساعة تزعل و تعوفني المهم جنت اسايسها و وياها الصراحة ما اريد اخسرها لان هية صديقتي من جنت بـ الثاني ابتدائي رحت صادقت ضحى هاي ضحى ويانة شكلها حلو يعني بيضة و عيونها خضر ع صفار المهم شكلها بالنسبة الي حلو بديت احجي وياها وجنة نراجعع سوة و نقرة بس لساعني وية حوراء و حوراء رجعت مثل قبل بس تكره ضحى مدري ليش و دائما تكول عليها مو خوش ابنية راح يوم جا يوم جان عدنا امتحان فيزياء جتي ضحى للصف
ضحى شلونج وية الفيزياء
نور والله ضحى الليل كلة ما نمتة و لحد لان احس كمت اشوف الواحد ثنين
ضحى عزاا بعينج شلون راح اجاوبين
نور لا اني ضبطت المادة ان شاء الله اجاوب
جانت الدنيا تمطر و ماكو كهرباء و الصف اضلم جا ابو الفيزياء الفگر اسئلة ما طابع ولا مستنسخ و كاعد يكتب ع السبورة واني اول رحلة گلشي ما اشوف يعني انوب اتخربطت صرت ما اعرف شكتب جسمي جان كلة يوجعني من راسي لحد رجلية و خاصتا ضهري جان بي اللام فضيع غمضت عيوني احاول اتذكر كلشي ما استوعب خلاص شكو شي قريتة طار من بالي سلمت الورقة و طلعت واني دموعي واكفات بطرف عيني رحت للادارة اخذت اجازة و طلعت امشي وحدي و دنيا تمطر وضلمة الشارع فارغ مابي اي احد واني امشي عبرت الجسر و جان اشوف واحد واكف كدامي انطاني شمسيتة اني مشيت من يمة استوقفني كلامة من كال نور اخذيها لا تعاندين التفتت الة باوعت ع شكلة هذا الشخص ما اعرفة كلت بصوت واثق ما اريد اخذها شكرا
الشخص تمام باي بس انتي التخسرين
نور تمام باي مشيت و كلت بصوت ناصي
جبت عمري خسارة تريدني اربح بيك 
ــــــــــــــــــــــــــــــــــــــــــــــــــــــــــــــــــــــــــــــــــ
و كملنا لتنسون التصويت و شكرا