عشك الجنوب

10

ا..
"يوماً ما، سأكتب عن السعادة
بنفس الإندفاع الذي أكتب به عن الحزن
سأصف الوهج كما أفعل مع الانطفاء
ولن أقلق من أيامي الجيدة
كما أطمئن لأيامي السيئة
لأنني كنت أظنها حالتي الطبيعية والدائمة.
يوماً ما، لن أشكو من الأصدقاء
الذين ظننتهم أصدقاء
لن أفكر فيما فعلت أو ماذا قلت
لن أشعر بالخيبة حين أعرف الحقيقة
وسأفهم أن هناك الكثير من الأشياء
التي تحدث هكذا بلا سبب.
يوماً ما، سأعرف كيف أقول أحبك
دون أن أفكر في لحظة الفراق
سأفكر في قولها
بشجاعة الانتحار، أو جُبن الانتحار
ولن أتردد أو أنسحب.
يوماً ما، سأكتب بطريقة مختلفة
طريقة لا تشبهني الآن،
لكنها ستشبهني لاحقاً
سأكتب عن أشياء جديدة
لا أعرفها بعد.
يوماً ما، سأكون وحيداً كما أنا الآن
ولن أشعر بالوحشة.."
ins: n7n.10
لتنسون التصويت و التعليق ع كل فقرة🤍
ــــــــــــــــــــــــــــــــــــــــــــــــــــــــــــــــــــــــــــــــــ
نور..
خلص الدوام و جا ابو الخط و رجعت للبيت اووه خطأ مطبعي للشقة مؤمل المهم فتت اباوع محد اكو رحتت للغرفة بدلت ملابس طلعت للمطبخ ادور اكل ما كو صفنت وية نفسي هاي شصاير طب مؤمل شمر سويج السيارة ع الطبلة و ركع نفسه ع القنفة مدري شبي اخذت كلاص مي و وديتلهيا
نور: الله يساعدك
مؤمل: يساعد بختج
انطيتة لكلاص شربة مرة وحدة عفتة و رجعت للمطبخ صافنة شسوي هو كال
مؤمل: وصيت دليفري هسة يوصل
نور: امم اك وين حمزة؟
مؤمل: نايم
وصل الدليفري جاب الاكل حطة  ع المز رحت رتبتة و سويت زلاطة جبت مي و هم شفت شربت حطيت لكلاصات و خواشيك مدري رحت صحت المؤمل و كتلة يجيب حمزة ويا شو هذا فات الغرفة حمزة ربع ساعة و هو ماكو واني كاعدة بالمطبخ انتضر اخير شي كمت ورا فتحت الباب ع كيفي اباوع مؤمل كاعد يمة و يواسي و حمزة مدري شبي صافن بالفراغ فتت يمة اباوع كتلة
نور: حمزة شلونك
حمزه: مو زين
نور: باوعت لمؤمل و كتلة شصاير
مؤمل: نور امشي نطلع عوفي مصاير شي
كمت طلعت و مؤمل وراية ما  سد الباب عافها بس مردودة كعد ياكل مدون ميحجي شي افكر وية نفسي شصاير و هيج الجو متكهرب
نور: مؤمل
مؤمل: ها؟
نور: شصار؟
مؤمل: نور يعني شبيج كافي تسألين كتلج ماكو شي شايفة نفسج شكد تلحين
نور: سكتت و احس عيوني كامن يحركني يعني ليش هيج يصيح علية بدون سبب عفت الاكل و كمت فتت للغرفة طلعت المحاضرات و ضليت اقرة كل ما اضوج اروح اقرة احس الدراسة هية سبب نجاتي كملت دراسة و رحت نمت كعدت اباوع للساعة 9:30 كمت طلعت برة اباوع ماكو بالبيت لا مؤمل ولا حمزة صفنت وية نفسي هاي شديصير اكو شي رحت فتحت تليفوني اتصل مؤمل جنت ضايجة منة عفتة ما رديت رحت سويت اكل و هو يتصل حطيتة صامت و رحت جبت حب و كعدت اباوع ماشا و الدب صارت الساعة 11 كمت رجعت الغراض و غسلت الماعين و رحت فتحت التليفون اتصل حمزه و جاوبتة جاني صوت مؤمل
مؤمل: لجج ليش متردين صار ساعة اتصل متكولين هذا الكواد ليش يتصل ولج انتي ليش هلكد ثولة
نور: كافي اصيح
مؤمل: مو انتي التمنعيني شوكت ما اريد اصيح
نور: محتاج شي؟
مؤمل: اقفلي البوب و لتفتحيهن اليوم منجي و باجر متروحين للكلية.
نور: اروح مو بكيفك
مؤمل: اكسر رجليج بس تخطين خطوة برة
نور: قبل متمد ايدك علية اكسرها فهمت؟
سد الخط بوجهي و راح صفت استغفرالله هسة هذا شبي هيج والله طلع شكد حقير بس ميخالف اني اعلمك
حمزه: ليش هيج اصيح عليها؟
مؤمل: متسمع كلام
حمزه: الضهر هم مسمعت كلام؟
مؤمل: حمزه اسكت
حمزه: اتفهم خوفك و ضوجتك بس مو معناها اطلع حركتك بالبنية وهية كلشي ممسوية
مؤمل: هسة انت وياي وياها؟
حمزة: وية الحق
مؤمل: عوف الحق و هاك شوف ذني الاوراق
محمد: اكو بيت مشبوه باجر انداهمة
سعدون: ماخلينة بيت ما دهمنا و ما لكيناهم
مؤمل: لا هذي مو مثل ذنيج
حمزة: شسويت
مؤمل: كتلهم ع غير بيت
سعدون: اتريد يسمطوك بـ عقوبة؟
مؤمل: مو شغلك
سعدون: امشو نروح للمركز اكو اوراق دومهن مضمومات و ميخلون احد يفتحن
مؤمل: وين
سعدون: بغرفة  عامر.
حمزه: خرب هذا عامر كامراتة  ليل بنهار مشتغلات
محمد:  صلوات هو شكد يحبنة
مؤمل: منروح
سعدون: بس
مؤمل: اشرحلكم ابساطة اذا رحنة راح يلزمونة و يجبحونة بـ عقوبة ننسجن الله ليعلم اجم سنة و اذا وصلت الشغلة يم عامر اعتقد حتى اعدام و مثلان نفرض نجحنة و طلعن هذني الاوراق مالهن دخل ما راح نستفاد شي و بس نخاطر بحياتة 
حمزه: هممم
ins: n7n.10
                                                 عشك الجنوب
سعدون: هسة شنسوي
محمد: نضل نجمع معلومات و الله كريم
مؤمل: كومو نامو ميفيد هيج باجر الصبح ان شاء الله نداهم و نشوف وين نهايتها
حمزة: تصبحون ع خير
........
تبارك....
جوي بيت خالتي و مدري احس المسؤلية كبرت علية و بناتها ميسون شي وياي ولا يساعدني و بس احجي وياهن يتعاركن و اصير من الروس و من جهة اباوع ع اسامة مدري احس صرت اميلة و تقبلتة بحياتنة عادي و احلا شي بعد سبوع و تجي نور و مؤمل.
..........
حوراء..
حياتنة صارت مملة بعد ما نور راحت الكل عرف غلطة و الكل صار حنين مع الاسف هم الجانو يريدون يذبحوها محد سمعها و مرتضى لحد الان يدور عليها اخوانها كبرو و عمار دخل كلية طب و كل يومية متعارك وية خوالها حتى بعد ميروحلهم لان هم حددو مصيرها بدون ميكولون حتى الاخوانها بس الصراحة كلهم متأذين عليها خاصتنا امها يوم بعد يوم ينحني ضهرها و اشوف الندم بعيونها  واني حاليا سادس ادبي.
مريام..
بنت الدكتور احمد الي هو صديق الشيخ مهدي بس الصراحة اني اعرف بس اسمة لان ما جاي من زمان و من جان يجينة اني جنت اصغيرة حتى شكلة ما اذكرة و عندي 3 اخوان و اخت وحدة و امي و ابوية اخوية الجبير سديم و الوسطاني ايهم و الصغير حر و اختي جوهرة الي هية جوهرة حياتنة كلنة اصغر وحدة و اني مريام ترتيبي ورة حر و قبل جوهرة
حياتة الحمدلله ماشية بخير كلنة حاليا كليات بس جوهرة طالبة سادس ابتدائي و اني كلية صيدلة مرحلة اولى.
مريام: راح انام كعدوني عندي امتحانننن
سديم: انتي اذا نمتي اضلين يومين متحسين
مريام: احسن من ما اضل كل ساع فازة اذا واحد فتح باب المطبخ احس
سديم: طبعا هذا نوم المثقفين
مريام: اني صدك هيج نومي؟
ايهم: لا حبيبتي انتي الله يستر عليج اذا واحد جاب يم راسج طبل متحسين
مريام: اي احسن من ما اشخر انت شايف صوتك ليوين من اتنام
سديم: ههههههه ايهم لو ساكت مو احسلك
ايهم: هاااا ترة اكول ع صوت منو اتنام
مريام: الليل كلية بالحديقة و اليطلع يروح يطلع قصيدة
حر : ههه عبالي بس اني ادري
جوهرة: هو شنو
مريام: كومي اقري عوفي اخوانج ميفيدوج
سديم: اي امشي ورة هاي حتي درجاتج من الميات للخمسينات.
مريام: دروح نام ع صوت لبالي
سديم: هههههههه شسوي من الماكو
حر: يابة روح ازوج شكو هيج
سديم: يمعود هو اني مصاحب عشرة و بس يوم ما اراسل كلهن بح مدري وين يروحن
جوهرة: ههه شلون منضم وقتك
سديم: عدل كعدة و كال سهلة ساعتين للجديدة نتعرف و 3 ساعات للارتاحلها و الاحبهن 4 ساعات مرة وحدة حبيتهة كمت احجي وياها 4 ساعات و تالي طلعت تحجي وياي من حسابها  الثاني و حضرتني منهن ثيناتهن والله مو صوجهن جفن وفيت وياهن لو خاين عشرتهن جان هسة ولا وحدة راحت
مريام: لك هو الوفاء مدري الخيانة و لو ثيناتهن يبجن بالزاوية
حر: و يلطمن اخير شي ثيناتهن ماتن و ضل اخونة دايح
مريام: سديم هسة مين اجيب
سديم: عندي اساليبي الخاصة
جوهرة: شوكت تقرة؟
ايهم: هههه لج هو هذا كضة عمرة يقرة بالكلية و بالمحاضرة الدكتور يشرح و هو يقرة قبل الامتحان و البنات كلهن سجاج و سجاج وهنة ميدرن يقرة بالمحاضرة.
سديم: اهم شي النتيجة
حر: يرحم اهلك وين النتيجة شو انت ما جتي يوم شاهدة اذا مابيها سيء مدري احسك ازينها بـ سيء
سديم: اني ما اتعب روحي اسوي الاكدر علية و الباقي ع الله
مريام: قنعتني اني هم بعد ما اقرة يلا تصبحون ع خير
ــــــــــــــــــــــــــــــــــــــــــــــــــــــــــــــــــــــــــــــــــ
لتنسون التصويت و تعليق حلو مثلكم في امان الله 🤍
الحمدلله
ins: n7n. 10