وجمعتنا الديره من جديد

٢٣

طلعت وجد وهي ميته ضحك على البنات وهم يرقصون دخلت المطبخ الخلفي من اجل القهوه فزت من شافت فهد المتورط فز على صوت كعبها ضحك من شاف وجد
وجد : وجعع ناظر تحت
فهد قرب : ليه بناظر تحت و انتي بتصيرين زوجتي ياحلوه
وجد ضحكت : بااحلامك
فهد : طيب انتي الي بتخسرين مهو انا
وجد : على وش
فهد  وهو يستفزها : على الجمال و الهيبه الي قدامك لاتتركين هالزين يروح لغيرك "يقصد وصايف "
وجد بحرقه : بحريقه ان شاء الله
ضحك فهد : اقولل اني سمعت لس خبر
وجد : خير ان شاء الله
فهد : زوجتيني لنفستس لهدرجة تحبيني
وجد بغباء  : هاا
فهد ابتسم وقرب ومسكها من فكها بخفه وحط عينه بعينها كان قربهم يخوف دقات قلبها تسارعت
انتظر منس خبر ان كنتي تحبيني بتقدم لس و انا شاريتس يابنت الاجاويد ارسلي رساله ويا فاطمه واخذ القهوه وطلع تركها بتفكير ودقات قلبها تركها ضايعه وسط زحام ماتنكر ان له مشاعر له وهي دايم تنكر وتبين الكره لكن العكس وهو كذالك اخذت القهوه عشان محد يشك وراحت
  ....
اخذ القهوه وهو يصب ومبسوط داخليًا وهو يحب وجد حب مو طبيعي وكل من يفكر بكرهم لبعض لكن كانو العكس كان يحبها من الطفوله ودايم يحارشها حتى يوم كبرت ماتدري كل هالمحارشه وراها حب عظيم جلس وهو اخيرا بعد صراعات قال الي يبيه جلس بجنبه خالد
خالد غمز : شفيه الحلو
فهد ضحك : والله يااني شفت لي شوفه
ضحك خالد وهو عارف انه يقصد وجد ويدري عن حبه لها دامهم قريبين
خالد بهمس : الله يهني ويرزقنا
كملو جلستهم بحب و روقان وروحهم الحلوه بالمجلس
.....
طلع متعب وهو شبه معصب من العيال الي كبو عليه القهوه بالغلط راح من المطبخ الخلفي وهو يتصل على الهنوف تجيب له من عند عمر
غزلان ابتسمت بخبث وهي تشوف متعب برا عدلت شكلها وطلعت اما الهنوف كانت مشغوله تسولف ويا صاحباتها ماانتبهت لااتصالات متعب طلعت بعد ماعدلت شكلها التفت وهو يسمع صوت الكعب حسبها الهنوف لكن تصنم وهو يشوف غزلان صد بسرعه وهي ماتحرم له ومايبغى يخون الهنوف بشي الهنوف وهي رايحه تجيب ماي وقفت وهي تشوف متعب وغزلان نحوه وكانت تسمع كل شي يدور بينهم وعرفت انها تحاول تتقرب من متعب و متعب مايبغاها انقهرت و الغيره تحرقها
متعب : ابعديي عنيي لاتحاولين تسوين حركاتك انسيني انا رجال متزوج و الله يوفقك ويستر عليك
انصدمت غزلان من كلامه ودمعت : كيفف !!!! انا احبكك انتَ متخيلل انا احترققق متعبببب طالعني وتبكي بحرقه
متعب انصدم من بكاها وهو عوره قلبه شوي لكن وده يطلع وهو صاد عنها مايبي يشوف ظلها يحس نفسه يخون الهنوف جات الهنوف ودفت غزلان
متعب : الهنوف
الهنوف صفقت غزلان كف : ماتستحينن تقربين من واحد متزوج ياقليله الحياه
غزلان انصدمت وطالعت متعب الي ابتسم غزلان جنون الارض كله فيها : متعبب شوفها صفقتني
مسكتها الهنوف : وش حركات الورعان تخيلي يضرب زوجته عشانك يلا طسي
غزلان بقهر : الايام بينا يالهنوف
ضحكت الهنوف : نشوف
راحت غزلان وهي بتموت من قهرها راحت تعدل شكلها ماتدري انه قلب عليها و الهنوف وقفت مع متعب
الهنوف تخصرت وتناظر بمتعب بحده
متعب الي يحاول يخفي ابتسامته من حركتها
الهنوف : خيرر وش بغيت
متعب قرب منها وقال بحده : قدس تعرفين صوتس
الهنوف تمثل القوه : شتبيي
متعب : ماتشوفين ثوبي يعني عطيني ثوب من عند عمر
الهنوف زفرت : طيب ومسكت يده خلف ظهرها وهو يمشي وراها دخلته غرفه عمر وهي تطلع له
الهنوف : هاك غير و انا بروح
متعب : انتظريني وش يطلعني الحين
الهنوف : طيب
دخل يغير بالحمام ابتسمت من شافته طلع وهو يعدل ثوبه وجابت له الكبك وهي الي تسويه له كان يتأملها بكل مافيها ابتسم متعب وراحت تبخره وتعطره وطلع معها
الهنوف : بكذا انتهت مهمتي
ابتسم متعب : انتبهي لجوالك بنمشي قريب
هزت راسها ( بالموافقه )
........

بعد العشاء اكثر الناس راحو بقى المعارف راح حسين يسوي شماغه يلفه براسه تصنم وهو يشوف ترف جالسه تصور على المرايه فزت من لمحته من المرايه
ترف : بسم الله
حسين : وجع ماني جني
ترف : خير كل مره تطلع لي
حسين : احلفي تراه بيتنا
ترف كشرت ومشت
حسين : لعنبو ابوها يالجمال مااتركه

...........

بالمجلس الي جد بدت سهره العيال لعب بالوت وجاء لهم حسين و السماعه بيده ويرقص فزو يرقصون معه بالحوش جالسين يرقصون ومتعب الي ينتظر الهنوف عشان يمشون
ابو فهد : الله يخلف على هالمجانين
ضحكو عليهم وبدت مصارعه حسين ومشاري يبطحون بعض ويرقصون طلعت الهنوف وهي تشوفهم يسحبون متعب ويرقصونه ماتدري انه عذبها برقصه قالت بينها وبين نفسها " اه يجنن لبى قلبه بعدها استوعبت خير الهنوف صحصحي على نفستس انتي زعلانه لاتنسين "
تنهدت وهي تضحك على العيال وراحت تسلم على عمامها من طرف الثاني
مشعل : اوه باي جات المدام
متعب : هيهه الا محارمي الله يخلف عليكم رقصت قدامها
حسين بضحك : والله مالوم اختي اذا هجت
فيصل انفجر ضحك على متعب
متعب صد وراح للهنوف : الله يشفيهم
طلعو بعد ماودعو الكل ومشو للفندق ......... 

......
عند البنات وهم سهرانين وبينامون عند العنود ومها وجالسين ياكلون الحلويات الباقيه ويحشون والي تمسح ميكبها و الي تاكل حلا وخلود الي ميته ضحك وتصور رموش فاطمه الي طارت اما وجد من بعد كلام فهد وهي بعالم ثاني حسو عليها البنات ونطو شعندكك الا بتقولينن

وجد : اه كيوتتت
خلود : وش الكيوت
وجد جلست تعلمهم بحماس ....... صارخو البنات بوناسه
فاطمه : لبى اخوي
وجدان : انشهد لاترفضينه
فاطمه الي ضربت صدرها : ازهليي عندي
وكملو سواليفهم عن وجد وفهد -
وحشهم بالبنات الي جو وجلسو يتابعون
فلم رعب ومريم تخاف فزت طلعت للحمام
مريم : اللت يقلعكم خرش قلبي الفلم
عمر كان عند الدرج ويسمعها : بسم الله على قلبك
مريم سمعته ومثلت ماسمعت ومسرع دخلت الغرفه
وهي تفكر بعمر من اول ماشافته وعمر حاطها براسه
وبيتقدم لها

..........

في الفندق -
دخلو نزعت عبايتها وراحت تغير ولبست بجامتها ومسحت ميكبها وجلست تدندن على الجوال دخل متعب ماعطته اهميه وجلست ترطب يدها عشان تنام متعب وده يفتح سالفه وياها يحب يكلمها يحس بشعور حلو اذا كلمها
انسدح بالجنب الايسر بالسرير
متعب : الهنوف
الهنوف : اصص مابيني وبينك كلام تحسبني نسيت
متعب : انتي سامعه وتعرفين لاتفهمين غلط تكفين
الهنوف زفرت بتعب : خلاص ماودي اجادلك بكرا نتفاهم
انسدحو ونامو على طول من التعب
و انتهت ليلة جميله على كل الابطال

........
بارت مو حلو وقصير بس ذا الي عندي وميته تعب