وجمعتنا الديره من جديد

٢٦

يوم جديد على ابطالنا -
صحو البنات يجهزون الفطور ويجهزون العزبه بيجلسون لين الفجر هناك و الكل يشتغل نزل متعب
ام عمر : متعب وينها الهنوف
متعب : نايمه فوق
ام عمر هزت راسها باايه وطلع متعب وهو فيه دوامات تفكير مو قادر يستوعب الليله الي بينه وبين الهنوف ماكان وده يظلمها و الحين اغرق اكثر يوم ربطها فيه دعى كثير لربه وشبه ارتاح وطلع كلشي من باله وبدا صفحه جديده ونظيفه معها ومستحيل يخذلها ابدا
دخل المجلس سلم على جده وعمامه -
جده الي شبه تعافى شوي من مرضه
ويحاولون يكونون معاه طول الوقت ومايتركونه
جلسو يفطرون
الجد : اييه حسين بتروح العسكريه
حسين : اييه ياجد اليوم
الجد : كفو كفو ذا حفيدي
حسين : تسلم
مشاري : بتوحشنا
حسين : ادري ماتقدرون بدوني

عند البنات —
جالسين يفطرون ويشوفون صور الملكة
ام مشاري : ماشاءالله يجننون الله يهنيهم
ابتسمت ام فهد : امينن
استحت وجد من مدحهم ونزلت راسها
انهارت خلود ضحك وطشرت الحليب
وهي ميته ضحك على وجد
الجده : وجعع وش تسوي ذي
خلود بضحك : تضحك
وجد رمتها بعلبه المحارم : وجعاه
الجده : اص انتي وياها ياهبه وينها الهنوف
ام عمر : يقول لي متعب نايمه
الجده ابتسمت : اتركوها براحتها
انبسطت و ارتاحت على علاقه الهنوف ومتعب
وكانت خايفه عليهم وهي تعرف بسالفه متعب
..............
عند الهنوف
صحت باانزعاج وهي مصدعه ومكسر جسمها
و مسكت راسها وهي تشوف ساعه وكيف تأخر ومحد صحاها وكان يادوب تمشي متكسره من ليله امس راحت تتروش وتصحصح طلعت بعد مااخذت دش بروقان
انصدمت وحمر وجها من منظر رقبتها لبست وحطت الشال على رقبتها ونزلت
الجده : ياهلاا
الهنوف ابتسمت وسلمت على جدتها والامهات وجلست
ام عمر : وش كل هالنوم مهو زين
وجد بضحكه : واضح ليله امس ثقيله
ام متعب : وجعاه يالي ماتستحين على وجهتس وفزت تركض من رمت امها المخده وهي تضحك طلعت للحوش وتلبس سماعاتها وتجلس وهي تحس فيها طاقه غريبه جلست ترقص كاعادتها وفهد ميت ضحك ويناظرها وراح يرقص فهد : عاشوو زوجتي ام حمود بنت العم
وجد : بكل مكان
فهد ابتسم بخبث وسحبها لداخل المخزن
وجد : وخرر
فهد : مااخذت حقي يوم صفقتيني بنعول
وجد : بصفقك ........
قاطع كلامها فهد وهو يبوس مبسمها بكل حب
وجد انصدمت ولا تحركت فهد كان غرقان فيها
يحبها حب عظيم ماحس الا يوم ضربته بكتفه
تطالب النفس وتركها
وجد : وجعاه وش تسوي
فهد وهو يجلسها بحضنه : زوجتي وحلالي
وجد : طيب وخر لااحد يشوف
فهد : مااسوي شي غلط
قدرت وجد تفلت من ايده وباست خده وطلعت
تضحك بالانتصار
فهد : لعبتي علي للمره الثانيه هيين
................
دخلت تكمل جلستها مع البنات وينتظرون ترف تجي
وهم يسولفون و الكل يعرف باان بكرا بيملك عمر
على مريم بيسوون شي خفيف وعشاء خفيف
وطبعًا شوي وجاءت ترف تجلس مع البنات
ترف : بنات وين الحمام
مها : روحي الحمام الفوق
راحت ترف تبغى تفتح الباب فزت من انفتح وانخرشت
وهي تشوف حسين للمره الثالثه طالع يدندن بعد الدش
ترف : يالليل
ضحك حسين بسخريه : شايفه الاقدار تجمعنا مكتوبين لبعض
ترف : تخسى مستحيل
حسين : نشوفف بس ارجع من الدوره
رجعت ترف وهي مكشره وراح يلبس
طلع وهو نازل لابس بدلته و اغراضه تجمعت الدموع
بمحاجر امه وهي تحضنه و راحو له خواته
كله تحت انظار البنات وترف الي كانت تطالع بذهول
كان شكله مغري ويفتن بالبدله وكيف حنيته على امه
و خواته ومزحه مع بنات عمه وماتدري كيف خقت عليه
ترف بينها وبين نفسها " وش هالحلاوه بسم الله "
طلع وهو يودع اخوه و العيال وعمامه و ابوه و راحو
يودونه للعسكريه
...............
خلود ضحكت : العنود ماشاءالله وش هالعايله البطله ابوك عميد و عمر استخباراتي و مها محاميه وحسين عسكري
ضحكت الهنوف : شايفه كيف ابوي يعشق القانون
كملو سواليفهم لين انتهى الليل و الكل نام
............
يوم جديد
الكل صحى يرتبون ويجهزون لعمر ومريم
وكانت حفله بسيطه بالديره وكل من يدندن ومبسوط
وفرحان جهزو كلشي و البنات يتمكيجون ويسوون
عند الهنوف تدندن وتتمكيج وتتمايل
ضحك متعب الي طلع من الحمام وهو يشوف
حركاتها و انبساطها لفها من خصرها وحمرت ملامحها
من شكله العاري ضحك وهو يشوفها استحت ورجعت تكمل
وهي لبست وجلست تتعطر وحطت البخور وتنتظره
مسكها من خصرها وهو يجلسها بحضنه
متعب وهو يستنشق عطرها : كثيرر عليي يابنت خالد
ضحكت الهنوف : بتتاخر
متعب : ماعليك
ابتسم بخبث وهو يسدحها على السرير بخفه
ويبوسها بكل مكان ويدينه تلامس جسمها وتستقر
بخصرها على الاغلب
الهنوف : لا تخرب شكلي
قام متعب  وهو يلبس شماغه : قومي لا اجرم فيتس اكثر
طلع متعب وعدلت شكلها ونزلت ورفعت شعرها شوي
لكي تبان علامات الي برقبتها قصدا بغزلان وهي ناويتها
شر فيها وتنتظر اي زله لكي تصفقها
نزلت وكل الانظار عليها وعلى حلاوتها وهي تسلم على الناس
وجلست جنب ام متعب و يمينها امها وهي تضحك وتسولف مع كل من يسألها وذا الي يحرق غزلان وتصنمت بمكانها من منظرها تجمعت الدموع بعيونها وهي تشوف رقبتها وحلاوتها ودلعها و اكسسوارتها وذهبها تموت غبنه وقهر وتقول بينها وبين نفسها مفروض انا مكانها اخخخ
شغلو السماعه وبدا رقص فاطمه وخلود ومها و العنود ومريم و وجدان و وجد تصور و الهنوف جالسه مع ترف الي جات وجلسو يسولفون
قومتها ترف وهي ترقص معها وكل الانظار عليها وبعدها جلسو على العشاء و الهنوف كانو مستلمينها الحريم وجالسه تسولف معهم
مها : هنوفي صارت كبيره
وجد ضحكت : قلك متزوجة وكذا وهي اصغر وحده فينا
خلود : جد اصغر وحده وتزوجت اولنا
.............
بدت دخله مريم وهي تسلم على الحريم وتجلس
شوي وتصور ويا البنات ورقصت معاهم شوي
بعدها طلبو منها توقع ودخلوها اخوانها لعمر
كانت متوتره مره جلست وهي تناظر الارض وترجف
مسك يدها وهو يحاول يتكلم معها اول مره تناظره
عن قرب وملامحه كانن جميللل بشكل يعور قلبها
فجاة قاطع دخلوهم خواته
مها  جت مسكته : يلا يالحبيب تاخرت
عمر ضحك : افا ياخواتيي
العنود تخصرت : يلا يلا لاتناظرني كذا
الهنوف : وقفو وقفو بس سلفي
تجمعو عمر ومريم جنبه ويسارهم العنود ومها و الهنوف رافعه الجوال وتصور سلفي
الهنوف ابتسمت : يحلوكمممم
طلع عمر ومريم راحت ويا البنات يجلسون عند الحريم
.................

عند الرجال
جاء عمر مبتسم من شكلها كانت تجذب
الا انها كم دقيقه اخذت قلبه فيهم
مشعل ضحك : اوه اوه وش هالابتسامات
عمر ضربه بخفه
فيصل : يالعاشق الولهان اجلس
فهد : لايروح الثقل ياعمورتي
جلس بينهم وهم ماخذينه طقطقه
عمر يمثل الحزن : اخخ وينك يالعضيد
خالد : اص انت و عضيدك مادرا عنك
مشاري : الحين انكرف عضيدك
متعب ضرب كتف عمر : ان كان عضيده مو موجود نسيبه موجود
فز عمر وهو يسلمون على بعض سلام الرجال
حييه يلبى قلبك
متعب : حاضرين
مشعل : اح اح ويني وحت
ضحك متعب وهو يحط روسهم تحت يده
لبيه
مشاري حضن خالد : خلودي
خالد : لبيه
فهد حضن فيصل : فصولي
فيصل : لبيه
انفجرو ضحك على انفسهم
...............
عند الهنوف
راحت المطبخ وهي تدندن وتجهز القهوه
دخلت غزلان وهي ناويتها دفت الباب بقوه
الهنوف : وجع ان شاء الله
غزلان : ياعديمه الكرامه جايه اقول لك كم كلمه و امشي
الهنوف : احترمي نفستس ومحد عديم كرامه ورخيص غيرتس
غزلان ضحك بااستفزاز : تدرين انه مايحبك وماخذك كذا يارخيصه ماخذك كذا مصلحه ياجاهله يعزتي لك توك الـ18 ماتدرين عن شي وش هالزوجة تعتبرين زوجة له !! الاسف ماتعرفين عنه كثري ابتسمت وهي عارفه انها جرحت الهنوف كثير
الهنوف : لو انه نفس ماتقولين اخذك انتي
غزلان ماعادت تتحمل ودفت الهنوف
نزلت الهنوف كعبها وهي تنادي ترف : تكفينن يالترففف
ترف ارتفع صوتها وهي تقول : احتزميي لعنبو غيرتس
ركضت ترف لها وطاحو ضرب بغزلان و الكل يحاول يبعدهم عن بعض
جات اخت غزلان وسحبت شعري ترف
ترف : قدتس تبين تكونين مكان اختس مااخليها بخاطرتس
سحبتها فوق اختها و استغربت وجد من تجمع البنات انصدمت وضحكت
من شافت البنات فوق غزلان
وجد : حيهمم وراحت معهم تفزع معهم
كان خشم الهنوف ينزف
بعد محاولات فكو ترف عن غزلان وراحو
جات الهنوف تحضن ترف
حيها خويتي لبى قلبتس
كانت ترف و الهنوف علاقتهم جدا قويه من هم وصغار مع بعض ويفهمون بعض لانهم بنفس العمر ""
ترف : انا رايحه لاتنسين خشمك الي ينزف

...............
دخلت الغرفه وهي تحاول تصد عن هواش
امها عنها ومشت وضاق صدرها دخلت
عقد حواجبه متعب من شاف خشم الهنوف
فز متعب : شفيكك
الهنوف وهي تاخذ المحارم وتحطها على خشمها : اخخخخ لعنبو بليسها
غزلان صفقناها
زفر متعب وهو يمسح خشمها

................
الأحداث الجايه ///
بيزيد النار بين غزلان و الهنوف /
عرس المها و مشاري /
اصابه مشعل وخوف العنود عليه /