ركبوا ميثا و مايد السياره و رجعوا البيت و بعده عمهم وولده موجودين .
مايد و ميثا : السلام عليكم .
الكل : وعليكم السلام .
مايد * يصاصر ميثا * : اكوه العاشق الولهان يطالعج .
ميثا : اففف لوعه متى بيروحون..
سار مايد يبدل ثيابه و رجع تحت ييلس مع باقي الاهل ، و ميثا بعد بدلت و سارت المطبخ تسوي حلويات ، و دخل عليها ولد عمها عبدالله .
عبدالله : اهلين ميثا..
ميثا : بسم الله الرحمن الرحيم ، تنسنس قبل لا تدخل خوفتني .
عبدالله : آسف .
ما ردت عليه .
عبدالله : متى تخلصين الجامعه ؟.
ميثا : ليش مستعيل ؟ ، اليوم اول يوم لي .
عبدالله : انا الصراحه حاط عيني عليج .
ميثا : حط عينك على غيري احسن ، و شل الفكره من راسك لانه مستحيل اتزوج من الاهل .
عبدالله : و بلاهم الاهل ؟
ميثا : امراض .
و قاطعت حديثهم ام ميثا
الام : انتوا شو تسوون هني روحكم ؟!
ميثا : لا ابد بس يالسين نلعب ورقه ، ماما يعني شو بنسوي؟
عبدالله : رمسي امج عدل .
الام و البنت : و انت شو يخصك؟! .
ما رد عليهم عبدالله من الفشله و نزل راسه و طلع مسرع ، و طلعت وراه ميثا فالصاله عسب اقول شئ لكل الموجودين .
ميثا : السلام عليكم جميعاً ، بس ابغي اقولكم اني اتخذت قرار ، اني رافضه زواج الاهل تماماً ، ف الي يفكر يزوجني ولده مشو بوزكم .
عبدالله : مب انتي الي تقررين .
ميثا : و هاذا هو السبب ، التحكم الزايد و الغيره الزايده ، عبدالله يباني و انا عايفته ، و بنات خالوه جان تبون واحد عينه زايغه عندكم عبود و سلامتكم .
كلهم انتصدموا من كلامها و جرأتها ، الا مايد ما كان منصدم منها ابداً لانه يعرف انه هي صريحه بزيادة و قلبها ع لسانها ( و هي اول مره تطلع هالجانب منها ) .
بعدها ردت المطبخ بكل برود و كانت احس بالأنتصار بعد ما دافعت عن نفسها جدام كل اهلها ، و طبخت لهم عشا و رتبت لهم السفره و راحت غرفتها فوق تتسبح ، و لبست ثياب النوم ، و تمت يالسه ع شبريتها تتصفح تويتر ، و بعدها سمعت حد يدق عليها الباب .
مايد : عادي ادخل؟
ميثا : تفضل .
مايد : بردتي جبدي تحت.. ، بس ما تخافين ينتشر الكلام ( بين العايله ) ؟ .
ميثا : آخر همي الإشاعات الي بتطلع عني فالتجمعات العائليه .
مايد : كفو .
طلع مايد من غرفه ميثا و توجه لغرفته و فتح تلفونه و كان يكلم لولوه و البسمه شاقه خده ، اما ميثا كانت تفكر بكلام مايد عن بطي " يحبج " " كيف مستحيل و البسمه شاقه خده " كانت تتردد هالكلام ف راسها لين ما غفت .
