#عرس_الذيب
🖊 خولة الغريب 🖊
🍾 بارت 39 🍾
جالسين فأحد المطاعم لي كتواجد فالسونطر فيل دالمدينة .. مقابلين مع بعضياتهم .. حكيم هاز كارو كيكميه من بعد ما كمل ماكلتوو و شريفة متكية على الكرسي كتشرب فالما و تتنهد بتعب
شريفة: عييت بزاف .. حاسة براسي غنسخف
حطات يديها على كرشها لي تنفخات بالماكلة و زادت كملات بالما حتى شدات التنافس فخطرة ..!
حكيم:( طفى الكارو و قال ) دوي دابا مالك ؟ ( شاف ففمها لي مجروح ) علاش خوك دار فيك هاذ الحالة ؟ ( غمزها بثقالة ) و كيفاش هاذ البلان دالكمبيالات ؟
شريفة:( حطات يديها على فمها و ردات ) واخا أنا غنشرحلك كلشي .. و لكن قبل واخا تعطيني تيليفونك نشوف شي حاجة .. ديالي طفى من لاشارج ..!
عطاه لها فصمت .. شعلاتوو كان بلا كود بحال آخر مرة ..! دخلات ديريكت لليوتيب كتقلب على الفيديو واش تمسح و لا باقي ؟ عيات تقلب و والوو فالأخير بركات فالجهة دالبحث .. و يالاه جات تكتب .. وحلات لها من لي قرات ..!
شريفة:( كتقرا بعينيها بلا صوت ) هل يجوز أن تمص الزوجة قضي٠ب زوجها !!!
هزات عينيها فيه باستغراب كترمش .. تضهشرات حتى خرجات من تما بالزربة و قبل ما تعطيه تيليفونوا .. طلعلها مسج من كريمة لفوق ..!
شريفة: فين مشيتي أ تاج راسي .. توحشتك أنا و ولدنا .. فوقاش تحن علينا
شدات على جبهتها دايخة و مداتلوو تيليفونوو كتتنهد .. بعد مدة من الصمت تقادات جالسة و قالت بجدية ..!
شريفة: أنا ماشي مكلخة .. و مشيت لعند المحامي ما مرة ما جوج و استفسرت منوو .. و أكد لي بلي غنمشي فيها يلا داك الكمبيالات تدفعوو .. ما فهمتش دابا ؟؟
حكيم: مها ..!! ما غنعاودش هضرتي مليون مرة
هز حاجبوو فيها حاط يديه تحت من ذقنوو فصمت كيتصنت لها .. و يحلل فكل كلمة قالتها .. و هي بدورها كتهضر و حاضية معاه ..!
شريفة: كيفما قتلك داك النهار .. أنا يتيمة .. عايشة مع خويا و مرتوو و نسابوو ( شافت فيه بنص عين ) توفى بابا هو اللول .. و ماما الله يهديها كتبات كاع الملاكات لخويا و فاش توفات .. خلاني نسني ليه على كمبيالات .. الطوطال فيهم 400 مليون و فينما نهضر معاه على حقي كيهددني بيهم ..!
حكيم:( رد ببرود ) و دار فيك هاذ الحالة على الفلوس ؟
شريفة: اه و أنا هربت و خليتوو من مورايا كيتحلف فيا يلا ما رجعتش يندمني و غيدفعهم و يجرجرني فالمحاكم ..!
حكيم:( ضحك باستهزاء و قال ) خليه يدير لي فجهدو .. و يلا نيط منك السانتيم هو لخر .. أنا نحطلوو داك ل 400 من جيبي ( صونا تيليفونو و طلعات سمية كريمة فالشاشة .. شاف فيه و قلبوو على وجهوو تحت أنظار شريفة )
ВЫ ЧИТАЕТЕ
عرس الذيب 🐺مكتملة🐺
Любовные романы💎مكتملة💎 هناك قلوب عاشت وماتت وهي تنتظر فقط لحظة عطف وإحتواء ! وهناك قلوب قد غدر بها رغم أنها لم تنبض يوما إلا بالوفاء ! و قلوب من الرحمة معدومة ، و بالغدر موصومة ، ملوثة بالكذب ، لاتعرف معنى للنقاء ! 🐺 عرس الذيب ...
