#إنسومنيا24
___________________💙
عندي أنا
كل المتذكراهو من الرحله دي اني نمت وصحيت .. ومن التعب تاني نمت وصحيت .. لحدي ما وصلنا .. استقبلنا يمان .. اول ما شفتو عاينت لي ماجد "نظام منعت امجد يستقبلنا صاح🙂💔 " ابتسم لي وما رد .. سلمنا على يمان بعدين ركبنا معاهو العربيه .. لم وصلنا لقينا ناس البيت نايمين .. عاينت لي ماجد .. قال لي ما كلمتهم انو نحن جايين .. قلت ليهو انت دايما بتعمل كدا؟ قال لي ااي ومرات بجي بالليل والصباح بسافر وزول بجيب خبري مافي .. قلت ليهو ايواا .. اول ما دخلت جناح ماجد .. ولا اتفاهمت .. نمت طوالي .. حسيت بيهو بطلع لي جزمتي " الله يكرمكم " وبعدها غطاني .. وتاني ما حسيت بي شي .. لم صحيت تاني يوم لقيتو راقد قصادي وبعاين لي .. واول ما شافني فتحت .. ابتسم وقال لي يسعد صباحك يا جميل .. قلت ليهو وصباحك الساعه كم؟ قال لي بتلحقي تصلي .. قلت ليهو تمام قمت عملت شاور وصليت .. لم رجعت لقيتو مافيش .. عاينت لي الساعه لقيتها ٦ إلا.. رجعت نمت مره تانيه ..[يا جماعه شوفوا لي حل .. لأنو حالتي بقت متأخره يا إما نمت خالص .. يا إما نمت يومين وراء بعض🤦♀️] صحيت على صوت كركبه .. ولم ما فتحت عيوني .. حسيت بي مويه وجهي .. قلت ليها مآب😡 .. الله يهديك يا بت الحلال مالك معاي ياخي😭 .. قالت لي الزول بقا يسأل عنك زي الحاجه السمحه .. سمعت ماجد قال ليها وهو في اسمح منها في الدنيا دي .. وبعدين انا مش قلت ليك ما تجي تصحيها ولا اشوفك بي جاي .. قلت ليها ردوا وصلك؟ يلا قدي🙂💔.. قالت ليهو بصحيها هي زاتا كما ساي دا نوم شنو قدر دا .. بعد شويه هي وماجد بقوا بتجاروا في الغرفه قمت شلت مخدتي ومشيت بيها غرفة المكتب رقدت في الكنبه ونمت تاني🌚💙.. صحيت صليت الظهر وقعدت شويه حتى نزلت تحت .. لقيت الاسره كلها مجتمعه .. قلت السلام عليكم .. وقبل اصلهم لقيت آن في وجهي .. قلت ليها زعلانه منك يا آن وسلام ما عايزه اسلم .. مشيت سلمت لي اعمامي وعماتي وعيالهم .. لم جاء دور اسيل .. قلت ليها وانتي برضو ما دايره معاك كلام .. وطوالي مشيت المطبخ .. طلبت من آنيا تعمل لي قهوة .. لأنو قهوتها ظابطه شديد .. ما صحصحت الا لم شربتها .. بعد داك طلعت ليهم بره والونسه جرت والمساء عملو لينا الكرامه .. ما سلمت على اسيل الا وانا مُودعاها .. وآن ما سلمت عليها الا تاني يوم .. لم زنقتهم شديد .. قالو لي انتي الواحد كان اتصل عليك بتفتحي بيت عزاء ونفسك طوالي بضيق نعمل ليك شنو يعني.. مع اني عارفه انو كلامهم صاح لكن ما اقتنعت .. قلت ليهم طيب أسألو ساي🌚💙 قالو لي كنا بنسأل ماجد .. المساء بعد الدنيا هدت شويه .. طلعت فوق ورقدت .. كنت حاسه إنو ضهري ح يتقص من التعب .. رقدت في السرير وغمضت عيني .. شويه وماجد قال لي امنية انتي كويسه؟ .. هزيت ليهو راسي .. قال جد؟ نومك دا ما نوم زول طبيعي .. رجعتي اخدتي ليك منوم ولا اي داهيه .. قلت ليهو هئم هئم .. قال لي طيب؟ قلت والله كويسه دا تعب السفر بس .. حسيتو لسه ما متطمن .. ابتسمت وقلت ليهو انا كويسه والله .. هنا ياداب حسيتو ارتاح .. وعشان ما يتوتر زياده طلعت قعدت مع عمتو سلوى "امو" واتونست معاها شويه ورجعت جناح ماجد .. وبرضو نمت🌚💙 .. تاني يوم لم صحيت ما فتحت عيوني طوالي [حبيت اتغاتت🙂💙] .. شويتين بس وماجد لمس انفي وقال لي عارفك صاحيه قومي .. قلت ليهو عرفتني كيف؟ قال لي كدا بس🙂💔 .. قلت ليهو ماجد انا بقيت اخاف منك انتي لابسك جن ولا حاجه؟ ضحك وقال لي ابدا والله بس بحس بيك .. كدي هسي صباح الخير اول شي .. وتاني شي قومي عشان تمشي الجامعه .. طوالي صريت ليهو وجهي .. قال لي ما تمدي لي بوزك دا قومي يا بت .. قمت وانا بتأفف .. عملت روتيني وطلعت .. وقبل البس اتصلت علي سلا وقالت لي كان في محاضره واحده وزاتها اتلغت .. قلت ليها احلى شي والله .. رجعت لي ماجد قلت ليهو .. الزول لو من جوا قلبو شديد ما عايز الحاجه الكون كلو بقيف معاهو💃💙 .. ونزلت تحت .. لقيت عمي حسن بشرب في الشاي ومآب جنبو بتقرأ ليهو في الجريده .. صبحت عليهم وقعدت معاهم شويه .. بعدين شربت قهوتي وطلعت .. لقيت ماجد لابس وشكلو طالع .. قلت ليهو نازل شغل طوالي؟ قال لي ااي .. قلت ليهو تمام .. دخلت جوا فتحت الشنط وطلعت الهدايا وقعدت اتفرج فيها .. شويه وحسيت بي ماجد وراي .. قال لي امنية .. اتلفت عليهو صورني وبا.سني في خدي ومشى🌚💙 .. وهو جنب الباب قال لي دا الصباح البقولو عليهو صباح الخير وابتسم وطلع .. وانا حسيت بي دقات قلبي زايده شديد وقدر ما حاولت اهديها ما قدرت😔💙
