في أحد القرى المغربية القريبة من مدينة الدار البيضاء ، وبالضبط في السقاية كانوا بزاف دالعيالات و البنات كيتسناو نوبة ديالهم و من بينهم كانت بنت ذات شعر أشقر طويل مدفور و وجه حنطي ناعم و ملامح هادئة خالية من المساحيق التجميلية . عيناها لوزيتان في العسلي المائل الى الأخضر ، توحيان بالحزن و الانكسار .... كانت سميتها ياسمين .
عمرات البوديزات لي جايبة معاها و بقات كاتدور تقلب على صاحبتها أسماء حتى لقاتها كاتهدر مع واحد البنت على وصفات ديال شعر والوجه
ياسمين:أسماء يلاه دغيا راه تعطلنا دابا تندمني ديك الشيطانة
أسماء : صافي يلاه .. لقيت ليك واحد الوصفة واعرة ديال الوجه تولي بيضة
ياسمين : وشكون قالها ليك أختي انا عاجبني لوني أختي ديريها غير نتي ..
بقاو البنات كيهدرو حتى وصلوا النص ديال الطريق و لمحت ياسمين شخص لابس جلابة رجالية جاي في جيهتها .. قلبها تهز منين شافتو ومشات بجرية عندو
أسماء : أياسمين أفين غادا أجي
ياسمين لي مشات وعنقاتوا كان سميتو عماد في عمرو 30 سنة عرف ياسمين منين كانوا صغار بحكم انه اخ صديقتها لي أسماء كان ديما كيشوفها حتى ولات علاقة بيناتهم
ياسمين : عماد حرام عليك توحشتك و شحال ما شفتك فين غبرتي ؟
عماد : سمحيلي ا ياسمينتي راه مشيت المدينة نقلب على خدمة راك عارفة
ياسمين : ولكن ماعلمتينيش أعماد كون ما أسماء لي قالتها ليا
عماد : آخر مرة ا زوينة ديالي
جات أسماء و سطهم و جرات ياسمين من يدها
ياسمين : اولي مالك حماقيتي طلقي خليني نهدر
أسماء : مابقيتيش معطلة دابا هااا؟ زيدي قدامي نتوما تحابو وانا نبقا نشوف 😭
عماد : ياكما سخن عليك راسك نتي ( شاف في ياسمين) سيري نتي دابا حتى لغدا ونتلاقاو في بلاصتنا المعهودة
ياسمين : واخا ... يلاه بغات تكمل هدرتها حتى عودات جراتها أسماء و مشاو حتى كل وحدة وصلات للدار و تفارقوا .
دقات و حلات عليها حكيمة معصصبة ( حكيمة هي زوجة الأب القاسية ديال ياسمين من نهار تزوجات بسي حميد اب ياسمين وهي كاتعذبها و كاع الشقا ديال الدار كاتعطيه ليها واخا كاينا بنتها لي كبر من ياسمين ب 3 سنوات ).
حكيمة(مغوبشة) : اش عاد تعطيلة كون نعستي تم حسن
ياسمين: راه السقاية عامرة ماعندي كيف ندير
حكيمة: عامرة ولا بقيتي مع ديك اللفعة ديال أسماء كاتهدرو
ياسمين (باقا هازة في يديها البوديزات): الى ماتقتيش سيري شوفي بعينيك .. خليني دابا عفاك ندخل راه تقلوا عليا هاد البوديزات
حيدات حكيمة من الطريق فاتحة الطريق للياسمين لي دخلات و حطات البوديزات و بدلات حويجها بحوايج خراين و مشات الكوري تسيقوا و كملات الشغالات الخرين حتى وصل الليل و دخل الأب ديالها مع خوها محمد ......
....
....
.......
...........
شكرا من قلبي لاي واحد وصل لهنا و قرا هاد الشوية او هاد البارت يمكن يكونوا بعض الأخطاء اولا عدم تسلسل في الاحدات اولا اي حاجة فذلك راجع لكوني عندي تجربة صغيرة في هاد المجال ❤️🍓
أنت تقرأ
" وُرُودٌ ذَابِلَة "
Romance"تحكي الرواية عن فتاة تُدعى✨ ياسمين✨ ، هذه الأخيرة التي ذاقت كل أنواع العذاب و الخيانة حتى من أقرب المقربين ما دفعها لتصبح قاسية و تغير من شخصيتها لتعيش وسط الذئاب " لا أريد حرق الأحداث لذا تابعوا الرواية لتتعرفوا على ياسمين و ما معاناتها في الحياة؟...
